Y-Yôhan 10:3 - Klei Aê Diê Blŭ 2015

³ Pô kiă ƀăng bhă srăng pŏk ƀăng bhă kơ ñu. Phung biăp hmư̆ asăp ñu, leh anăn ñu iêô phung biăp ñu pô hŏng anăn digơ̆, leh anăn atăt digơ̆ kbiă kơ tač.

Y-Yôhan 10:3 Iomraidhean Croise

Klei Mmuñ Hđăp 80:1

Mđing knga Ih, Ơ Mgăt Biăp phung Israel, Ơ, Pô atăt phung Yôsep msĕ si sa phung biăp; mtrang bĕ, Ơ Pô dôk gŭ ti dlông phung čêrubim

Klei Kbiă 33:17

Yêhôwa lač kơ Y-Môis, “Kâo srăng ngă klei ih lač kơ Kâo anăn, kyuadah ih mâo leh klei pap ti anăp ală Kâo, leh anăn Kâo thâo kral ih hŏng anăn ih pô.”

Klei Bi Hriêng 27:23

Brei ih thâo kral si biăp ih jing, brei ih răng kriê bi jăk êmô ih.

Klei Mmuñ Siam Hĭn 8:13

Ơ pô dôk hlăm war djam, phung găp kâo kăp hmư̆ kơ asăp ih blŭ; brei kâo hmư̆ asăp ih!

Y-Êsai 40:11

Ñu srăng čiêm jih jang biăp Ñu msĕ si sa čô mgăt biăp; Ñu srăng kmiêk êđai biăp hlăm păl Ñu, pŭ digơ̆ ti đah da Ñu, leh anăn Ñu srăng atăt hŏng klei čung biăp ana bi mam êđai.

Y-Êsai 42:16

Kâo srăng atăt phung bum ală ti êlan diñu amâo tuôm thâo kral ôh, Kâo srăng gai diñu hlăm êlan điêt diñu amâo thâo bĭt ôh. Kâo srăng bi mlih klei mmăt jing klei mngač ti anăp diñu, leh anăn anôk lăn ƀlŭng êhŭt jing lăn dap. Snăn yơh Kâo srăng ngă, leh anăn amâo lui diñu ôh.

Y-Yôhan 10:14

Kâo jing mgăt biăp jăk. Kâo thâo kral phung biăp Kâo, leh anăn phung biăp Kâo thâo kral Kâo,

Y-Yôhan 10:16

Leh anăn Kâo lŏ mâo phung biăp mkăn amâo dôk hlăm war anei ôh. Kâo srăng atăt ba wĭt phung anăn msĕ mơh, leh anăn digơ̆ srăng hmư̆ asăp Kâo. Snăn srăng mâo sa phung biăp leh anăn sa čô mgăt.

Y-Yôhan 10:4

Tơdah leh ñu atăt jih jang biăp ñu kbiă ti tač, ñu êbat ti anăp digơ̆, leh anăn phung biăp tui hlue ñu, kyuadah digơ̆ thâo kral asăp ñu.

Y-Yôhan 10:9

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

Y-Yôhan 6:37

Jih jang phung Ama brei kơ Kâo srăng hriê kơ Kâo; leh anăn hlei pô hriê kơ Kâo, Kâo amâo srăng suôt ôh.

Y-Yôhan 6:45

Mâo klei čih leh hlăm hdruôm hră phung khua pô hưn êlâo, ‘Leh anăn Aê Diê srăng bi hriăm jih jang diñu.’ Grăp čô hlei pô hmư̆ leh anăn hriăm leh mơ̆ng Ama, hriê kơ Kâo.

Hră Y-Pôl Mơĭt kơ Phung Rôm 8:30

Leh anăn phung Ñu čuăn leh, Ñu iêô leh mơh; leh anăn phung Ñu iêô leh, Ñu yap kpă leh mơh; leh anăn phung Ñu yap kpă leh, Ñu brei leh klei guh kơang kơ digơ̆ mơh.

I Kôrantô 16:9

kyuadah mâo ƀăng bhă prŏng pŏk leh kơ kâo dưi mă bruă yuôm, wăt mâo lu phung bi kdơ̆ng dưn.

Philip 4:3

Leh anăn, Ơ pô mă bruă sĭt suôr hŏng kâo, kâo akâo kơ ih msĕ mơh đru bĕ phung mniê anăn, kyuadah diñu mă bruă leh mbĭt hŏng kâo hlăm klei mrâo mrang jăk, mbĭt hŏng Y-Klêmăng leh anăn phung găp mkăn mă bruă mbĭt hŏng kâo. Anăn diñu Aê Diê čih leh hlăm hdruôm hră klei hdĭp.

Kôlôs 4:3

Msĕ mơh wah lač brei wăt kơ hmei đa, akâo kơ Aê Diê pŏk ƀăng bhă kơ hmei dưi mtô klei blŭ, čiăng hưn klei yuôm hgăm Krist, kyua klei anăn arăng krư̆ kâo leh.

II Y-Timôthê 2:19

Ƀiădah atur Aê Diê ăt dôk kjăp, mâo klei kđăm anei: “Khua Yang thâo kral hlei phung jing dŏ Ñu,” leh anăn “Brei grăp čô hlei pô iêô anăn Khua Yang, đuĕ kbưi mơ̆ng klei soh.”

I Y-Pêtrôs 1:12

Aê Diê bi êdah leh kơ diñu bruă diñu ngă amâo djŏ kơ diñu pô ôh, ƀiădah kơ diih ară anei yơh. Klei anăn phung mtô klei mrâo mrang jăk hŏng Yang Mngăt Jăk Aê Diê tiŏ hriê leh mơ̆ng adiê hưn kơ diih. Wăt phung dĭng buăl jăk Aê Diê čiăng ksiêm dlăng klei anăn mơh.

I Y-Yôhan 4:6

Drei jing dŏ Aê Diê. Hlei pô thâo kral Aê Diê dôk hmư̆ drei, leh anăn hlei pô amâo jing dŏ Aê Diê amâo dôk hmư̆ drei ôh. Hŏng klei anăn drei thâo kral Mngăt Myang klei sĭt nik leh anăn mngăt yang klei čhuai.

III Y-Yôhan 1:14

Kâo čang hmăng srăng ƀuh ih djăl, leh anăn drei srăng bi blŭ hrăm mbĭt ti anăp.

Klei Bi Êdah 20:15

Hlei pô amâo mâo anăn čih leh hlăm hdruôm hră klei hdĭp, arăng dlăm ñu hlăm ênao pui.

Klei Bi Êdah 3:20

Nĕ anei Kâo dôk dơ̆ng ti ƀăng bhă leh anăn khŏk; tơdah arăng hmư̆ asăp Kâo leh anăn pŏk ƀăng bhă, Kâo srăng mŭt hlăm sang ñu, ƀơ̆ng huă mbĭt hŏng ñu, leh anăn ñu mbĭt hŏng Kâo.

Klei Bi Êdah 7:17

Kyuadah Êđai Biăp dôk ti krah jhưng mtao srăng jing mgăt diñu, leh anăn Ñu srăng atăt diñu kơ akŏ êa hdĭp; leh anăn Aê Diê srăng sut jih êa ală mơ̆ng ală diñu.”