Y-Yôhan 10:2 - Klei Aê Diê Blŭ 2015

² Ƀiădah pô mŭt ti ƀăng bhă war biăp, ñu yơh jing mgăt biăp.

Y-Yôhan 10:2 Iomraidhean Croise

Y-Yôhan 10:14

Kâo jing mgăt biăp jăk. Kâo thâo kral phung biăp Kâo, leh anăn phung biăp Kâo thâo kral Kâo,

Bruă Phung Khua Ƀĭng Kna 20:28

Răng bĕ kơ diih pô leh anăn kơ jih jang biăp Yang Mngăt Jăk brei diih jing leh phung kiă, čiăng čiêm rông Phung Sang Aê Diê, phung Ñu bi tui leh hŏng êrah Anak Ñu pô.

I Y-Pêtrôs 5:4

Leh anăn tơdah Khua Mgăt Biăp srăng bi êdah, diih srăng mă tŭ đuôn mtao klei guh kơang amâo thâo rai ôh.

Klei Mmuñ Hđăp 23:1

Yêhôwa jing mgăt biăp kâo, kâo amâo srăng kƀah mnơ̆ng ôh.

Y-Êsai 40:11

Ñu srăng čiêm jih jang biăp Ñu msĕ si sa čô mgăt biăp; Ñu srăng kmiêk êđai biăp hlăm păl Ñu, pŭ digơ̆ ti đah da Ñu, leh anăn Ñu srăng atăt hŏng klei čung biăp ana bi mam êđai.

Khua Pô Mtô 12:11

Klei pô thâo mĭn lač jing msĕ si msei knur, leh anăn lu klei blŭ mdê mdê Mgăt Ƀiăp bi kƀĭn leh, jing msĕ si msei kđĭn arăng pơ̆ng kjăp. Jih klei anăn kbiă hriê mơ̆ng Aê Diê, hjăn Ñu yơh jing Mgăt Biăp.

Hêbrơ 13:20

Ară anei brei Aê Diê klei êđăp ênang, Pô lŏ bi hdĭp leh Khua Yang drei Yêsu mơ̆ng phung djiê, mgăt khua kơ phung biăp, hŏng êrah klei bi mguôp hlŏng lar,

I Y-Timôthê 4:14

Đăm ngă klei amâo uêñ ôh kơ klei brei ih mâo leh, Aê Diê brei leh kơ ih tui si klei hưn êlâo êjai phung khua mduôn ênă kngan kơ ih.

Y-Yôhan 10:9

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

Y-Yôhan 10:7

Yêsu lŏ lač kơ diñu, “Kâo lač kơ diih klei sĭt nik, Kâo jing ƀăng bhă kơ phung biăp.

Y-Sakari 11:8

Hlăm sa mlan kâo bi rai leh tlâo čô mgăt biăp. Ƀiădah mngăt kâo amâo thâo gĭr hŏng diñu ôh, leh anăn msĕ mơh mngăt diñu bi êmut kơ kâo.

Y-Sakari 11:5

Phung blei digơ̆ koh mdjiê digơ̆ leh anăn arăng amâo yap diñu soh ôh; phung čhĭ digơ̆ lač, ‘Mpŭ mni kơ Yêhôwa, kâo jing mdrŏng leh,’ leh anăn phung mgăt biăp digơ̆ pô amâo pap kơ digơ̆ ôh.

Y-Sakari 11:3

Hmư̆ bĕ klei phung mgăt biăp čŏk hia, kyuadah kdrăn rơ̆k siam diñu rai leh! Hmư̆ bĕ asăp êmông gu gruh, kyuadah klei mgao êa krông Yurdan rai leh!

Y-Êsêkiêl 34:23

Kâo srăng brei sa čô mgăt biăp kiă kriê diñu, dĭng buăl Kâo Y-Đawit, leh anăn ñu srăng čiêm diñu. Ñu srăng čiêm diñu leh anăn jing mgăt biăp diñu.

Klei Mmuñ Hđăp 80:1

Mđing knga Ih, Ơ Mgăt Biăp phung Israel, Ơ, Pô atăt phung Yôsep msĕ si sa phung biăp; mtrang bĕ, Ơ Pô dôk gŭ ti dlông phung čêrubim

Klei Bi Êdah 1:20

Bi kơ klei yuôm hgăm kơ kjuh asăr mtŭ ih ƀuh leh hlăm kngan hnuă Kâo, leh anăn kjuh ƀĕ jơ̆ng diăn mah, kjuh asăr mtŭ anăn jing kjuh čô dĭng buăl jăk kơ kjuh Phung Sang Aê Diê, leh anăn kjuh ƀĕ jơ̆ng diăn jing kjuh Phung Sang Aê Diê.”

I Y-Pêtrôs 2:25

Kyuadah diih klah đuĕ leh msĕ si biăp, ƀiădah ară anei diih wĭt leh kơ Mgăt Biăp leh anăn Pô Kiă mngăt diih.

Y-Tit 1:5

Kâo lui ih leh hlăm čar Kret: čiăng kơ ih mkra klei ka leh ôh, leh anăn mdưm phung khua mduôn hlăm grăp boh ƀuôn tui si klei kâo mtă leh kơ ih.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Mika 5:5

Leh anăn Pô anăn srăng jing klei êđăp ênang kơ drei. Tơdah mnuih Asiri srăng mŭt hlăm čar drei, leh anăn juă ti kđông drei, drei srăng brei kjuh čô mgăt biăp, leh anăn sa păn čô phung khua kgŭ bi kdơ̆ng hŏng gơ̆.

Y-Êsai 63:11

Leh anăn phung ƀuôn sang Ñu hdơr kơ hruê ênuk đưm, leh anăn kơ Y-Môis dĭng buăl Ñu. Ti Pô brei diñu kbiă đĭ mơ̆ng êa ksĭ mbĭt hŏng mgăt biăp kơ phung biăp Ñu? Ti Pô dưm leh Yang Mngăt Doh Jăk Ñu ti krah digơ̆,

Y-Mathiơ 15:11

amâo djŏ mnơ̆ng mŭt hlăm ƀăng êgei ôh bi čhŏ mnuih, ƀiădah mnơ̆ng kbiă mơ̆ng ƀăng êgei, mnơ̆ng anăn bi čhŏ mnuih.”