Y-Yôhan 1:4 - Klei Aê Diê Blŭ 2015

⁴ Hlăm Ñu mâo klei hdĭp, leh anăn klei hdĭp anăn jing klei mngač kơ mnuih.

Y-Yôhan 1:4 Iomraidhean Croise

Klei Mmuñ Hđăp 49:6

phung knang kơ klei mdrŏng diñu, leh anăn bi mni kơ diñu pô kyua ngăn dưn diñu jing lu?

Klei Mmuñ Hđăp 84:11

Kyuadah Yêhôwa Aê Diê jing yang hruê leh anăn khil; Ñu brei klei pap leh anăn klei mpŭ; Ñu amâo hngah sa mta klei jăk ôh kơ phung êbat hŏng klei kpă.

Y-Êsai 42:16

Kâo srăng atăt phung bum ală ti êlan diñu amâo tuôm thâo kral ôh, Kâo srăng gai diñu hlăm êlan điêt diñu amâo thâo bĭt ôh. Kâo srăng bi mlih klei mmăt jing klei mngač ti anăp diñu, leh anăn anôk lăn ƀlŭng êhŭt jing lăn dap. Snăn yơh Kâo srăng ngă, leh anăn amâo lui diñu ôh.

Y-Malaki 4:2

Ƀiădah kơ diih phung huĭ mpŭ kơ anăn Kâo, yang hruê klei kpă ênô srăng ƀlĕ mâo klei bi hlao hlăm siap ñu. Diih srăng kbiă kdăt msĕ si êđai êmô mơ̆ng war.

Y-Mathiơ 4:16

phung mnuih ƀuôn sang hdĭp hlăm klei mmăt ƀuh leh klei mngač prŏng, leh anăn klei mngač mtrang leh kơ phung mnuih hdĭp hlăm anôk leh anăn êyui klei djiê.”

Y-Luk 2:32

jing klei mngač brei klei bi êdah kơ phung tue, leh anăn jing klei guh kơang kơ phung ƀuôn sang Ih Israel.”

Y-Yôhan 11:25

Yêsu lač kơ gơ̆, “Kâo jing klei kbiă lŏ hdĭp leh anăn klei hdĭp. Hlei pô đăo kơ Kâo, srăng hdĭp wăt tơdah ñu djiê dưn;

Y-Yôhan 12:35

Yêsu lač kơ diñu, “Klei mngač ăt dôk mbĭt hŏng diih knŏng bhiâo. Êbat bĕ êjai diih mâo klei mngač, huĭdah klei mmăt srăng hmao diih. Hlei pô êbat hlăm klei mmăt amâo thâo ôh ti anôk ñu nao.

Y-Yôhan 12:46

Kâo jing klei mngač hriê leh kơ lăn ala, čiăng kơ hlei pô đăo kơ Kâo amâo lŏ dôk hlăm klei mmăt ôh.

Y-Yôhan 14:6

Yêsu lač kơ gơ̆, “Kâo jing êlan, klei sĭt nik, leh anăn klei hdĭp; amâo mâo pô dưi nao kơ Ama, knŏng hŏng Kâo.

Y-Yôhan 3:19

Snei jing klei phat kđi: klei mngač truh leh hlăm lăn ala, ƀiădah mnuih khăp kơ klei mmăt lu hĭn kơ klei mngač, kyuadah bruă diñu jing jhat.

Y-Yôhan 5:21

Kyuadah msĕ si Ama bi kbiă lŏ hdĭp phung djiê leh anăn brei klei hdĭp kơ diñu, msĕ snăn mơh Anak brei klei hdĭp kơ hlei pô gơ̆ čiăng.

Y-Yôhan 5:26

Kyuadah msĕ si Ama mâo klei hdĭp hlăm Ñu pô, msĕ snăn mơh Ñu brei leh kơ Anak mâo klei hdĭp hlăm Gơ̆ pô.

Y-Yôhan 8:12

Yêsu lŏ blŭ kơ phung diñu, lač, “Kâo jing klei mngač kơ lăn ala. Hlei pô tui hlue Kâo amâo srăng êbat hlăm klei mmăt ôh, ƀiădah srăng mâo klei mngač kơ klei hdĭp.”

Y-Yôhan 9:5

Êjai Kâo dôk hlăm lăn ala, Kâo jing klei mngač kơ lăn ala.”

Bruă Phung Khua Ƀĭng Kna 26:23

čiăng lač Yang Krist srăng tŭ klei knap mñai, leh anăn kyua Ñu jing Pô kbiă lŏ hdĭp tal êlâo hĭn mơ̆ng phung djiê, Ñu srăng hưn klei mngač kơ phung ƀuôn sang leh anăn kơ phung tue.”

I Kôrantô 15:45

Snei Klei Aê Diê Blŭ čih leh, “Mnuih tal êlâo Y-Ađam jing mngăt hdĭp; Y-Ađam knhal tuč jing mngăt brei klei hdĭp.”

Êphêsô 5:14

Kyua anăn Klei Aê Diê Blŭ lač leh, “Ơ pô dôk pĭt, mdih leh anăn kgŭ bĕ ih mơ̆ng phung djiê, leh anăn Krist srăng bi mngač ih.”

Kôlôs 3:4

Tơdah Krist, jing klei hdĭp diih, srăng bi êdah, hlăk anăn mơh diih srăng bi êdah mbĭt hŏng Ñu hlăm klei guh kơang.

I Y-Yôhan 1:1

Kâo čih djŏ kơ Klei Blŭ klei hdĭp, klei anăn mâo mơ̆ng mphŭn dơ̆ng, klei anăn hmei hmư̆ leh, klei anăn ală hmei ƀuh leh, klei anăn hmei dlăng leh, leh anăn kngan hmei ruêh leh.

I Y-Yôhan 1:2

Klei hdĭp anăn bi êdah leh, leh anăn hmei ƀuh leh klei hdĭp anăn, leh anăn hưn bi sĭt kơ ñu, leh anăn hưn kơ diih klei hdĭp hlŏng lar anăn dôk leh mbĭt hŏng Ama, leh anăn arăng bi êdah leh kơ hmei.

I Y-Yôhan 5:11

Snei jing klei Ñu hưn: Aê Diê brei leh kơ drei klei hdĭp hlŏng lar, leh anăn klei hdĭp anei dôk hlăm Anak Ñu.

Klei Bi Êdah 22:1

Leh anăn dĭng buăk jăk ktrâo kơ kâo êa krông klei hdĭp, mngač msĕ si ală kĭng, kbiă đoh mơ̆ng jhưng mtao Aê Diê leh anăn Êđai Biăp,

Klei Bi Êdah 22:16

“Kâo gơ̆, Yêsu, tiŏ nao leh dĭng buăl jăk Kâo kơ ih djă ba klei hưn anei kơ Phung Sang Aê Diê. Kâo jing kƀiêng leh anăn čô Y-Đawit, mtŭ tŭr mngač aguah.”