Y-Yôhan 1:1 - Klei Aê Diê Blŭ 2015

¹ Hlăk mphŭn dơ̆ng mâo leh Klei Blŭ, Klei Blŭ dôk mbĭt hŏng Aê Diê, leh anăn Klei Blŭ jing Aê Diê.

Y-Yôhan 1:1 Iomraidhean Croise

Klei Mphŭn Dơ̆ng 1:1

Hlăk mphŭn dơ̆ng Aê Diê hrih adiê leh anăn lăn ala.

Klei Mmuñ Hđăp 45:6

Jhưng mtao Ih, Ơ Aê Diê, srăng dôk nanao hlŏng lar. Giê mtao ƀuôn ala mtao Ih jing giê mtao klei kpă;

Y-Êsai 7:14

Kyuanăn Khua Yang pô srăng brei sa klei bi knăl kơ diih: Nĕ anei, sa čô mniê êra hrông srăng ba tian leh anăn kkiêng kơ sa čô anak êkei. Ñu srăng bi anăn gơ̆ Êmanuel.

Y-Êsai 9:6

Kyuadah kkiêng leh kơ drei sa čô Anak, brei leh kơ drei sa čô anak êkei; leh anăn Ñu srăng klam klei kiă kriê ti mra Ñu. Leh anăn arăng srăng pia anăn Ñu, Pô Yuôm Bhăn, Khua Kčĕ, Aê Diê Myang, Ama Dôk Hdĭp Hlŏng Lar, Khua kơ Klei Êđăp Ênang.

Y-Mathiơ 1:23

“Nĕ anei, sa čô mniê êra hrông srăng kkiêng kơ sa čô anak êkei, leh anăn arăng srăng bi anăn gơ̆ Êmanuel,” čiăng lač, “Aê Diê dôk mbĭt hŏng drei.”

Y-Luk 24:53

Leh anăn digơ̆ dôk nanao hlăm sang kkuh mpŭ, mpŭ mni kơ Aê Diê.

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 1:18

Amâo mâo sa čô mnuih tuôm ƀuh Aê Diê ôh; Anak mâo knŏng sa čô, Gơ̆ jing Aê Diê mơh, Pô dôk ti djiêô Ama, Gơ̆ yơh bi êdah leh Aê Diê arăng amâo tuôm ƀuh ôh.

Y-Yôhan 1:2

Klei Blŭ dôk mơ̆ng mphŭn mbĭt hŏng Aê Diê.

Y-Yôhan 16:28

Kâo kbiă leh mơ̆ng Ama leh anăn hriê hlăm lăn ala. Ară anei Kâo kbiă mơ̆ng lăn ala leh anăn lŏ wĭt kơ Ama.”

Y-Yôhan 17:5

Ară anei, Ơ Ama, bi guh kơang Kâo ti anăp Ih hŏng klei guh kơang Kâo mâo leh mbĭt hŏng Ih êlâo kơ klei hrih lăn ala.

Y-Yôhan 20:28

Y-Thômas lŏ wĭt lač kơ Ñu, “Ơ Khua Yang kâo leh anăn Aê Diê kâo!”

Y-Yôhan 8:58

Yêsu lač kơ diñu, “Kâo lač kơ diih klei sĭt nik, êlâo kơ mâo Y-Abraham, Kâo Jing.”

Hră Y-Pôl Mơĭt kơ Phung Rôm 9:5

Diñu kbiă hriê mơ̆ng phung aê phŭn, leh anăn Krist kbiă hriê mơ̆ng găp djuê diñu tui si kđeh, Pô jing khua kơ jih jang, Pô jing Aê Diê năng mâo klei mpŭ mni hlŏng lar. Amen.

Êphêsô 3:9

leh anăn brei jih jang mnuih thâo săng ya hdră klei hgăm anăn, mdăp leh êjai lu ênuk hlăm Aê Diê, Pô hrih leh jih jang mnơ̆ng,

Philip 2:6

Wăt tơdah Ñu mâo klei jing Aê Diê, Ñu amâo yap yuôm ôh klei Ñu mđơr hŏng Aê Diê jing klei Ñu djă pioh,

Kôlôs 1:15

Ñu jing rup Aê Diê Pô arăng amâo thâo ƀuh ôh. Ñu jing Pô kkiêng êlâo hĭn, Pô ti dlông hĭn kơ jih jang mnơ̆ng hrih leh.

Kôlôs 1:17

Ñu jing Pô êlâo hĭn kơ jih jang mnơ̆ng, leh anăn jih jang mnơ̆ng ăt dôk kjăp hlăm Ñu.

I Y-Timôthê 3:16

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

Y-Tit 2:13

êjai dôk guôn klei drei čang hmăng jăk mơak, klei bi êdah klei guh kơang Aê Diê prŏng leh anăn Pô Bi Mtlaih drei, Yêsu Krist.

Hêbrơ 13:8

Yêsu Krist ăt jing msĕ mbruê, hruê anei, leh anăn hlŏng lar.

Hêbrơ 7:3

Ñu amâo mâo ama, amâo mâo amĭ ôh, kăn mâo phung aê aduôn rei. Ñu amâo mâo phŭn ôh, kăn mâo knhal tuč klei hdĭp rei, ƀiădah ñu jing msĕ Anak Aê Diê, jing sa čô khua ngă yang hlŏng lar.

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.

I Y-Yôhan 5:7

Leh anăn Mngăt Myang jing Pô hưn bi sĭt, kyuadah Mngăt Myang jing klei sĭt nik.

Klei Bi Êdah 1:11

lač, “Čih bĕ hlăm sa pŏk hră ya klei ih ƀuh, leh anăn mơĭt hră anăn kơ kjuh Phung Sang Aê Diê: ƀuôn Êphêsô, ƀuôn Smirna, ƀuôn Pergam, ƀuôn Thiatir, ƀuôn Sarđis, ƀuôn Philađelphi, leh anăn ƀuôn Laôdisê.”

Klei Bi Êdah 1:17

Tơdah kâo ƀuh Ñu, kâo lĕ buh ti jơ̆ng Ñu msĕ si djiê. Ƀiădah Ñu bă kngan hnuă Ñu ti kâo leh anăn lač, “Đăm huĭ ôh, Kâo jing Pô tal êlâo hĭn leh anăn Pô knhal tuč,

Klei Bi Êdah 1:2

Y-Yôhan hưn bi sĭt kơ klei Aê Diê blŭ leh anăn kơ klei Yêsu Krist hưn, wăt jih klei ñu ƀuh leh.

Klei Bi Êdah 1:8

Khua Yang Aê Diê lač, Pô jing ară anei, Pô jing leh, leh anăn Pô srăng lŏ hriê, Pô Mâo Jih Klei Myang lač, “Kâo jing Alpha leh anăn Ômêga.”

Klei Bi Êdah 19:13

Ñu hơô ao jhung đrŭt leh hlăm êrah. Anăn arăng pia kơ Ñu jing Klei Aê Diê Blŭ.

Klei Bi Êdah 2:8

“Čih bĕ kơ dĭng buăl jăk Phung Sang Aê Diê ti ƀuôn Smirna snei: Nĕ snei Pô tal êlâo hĭn leh anăn Pô knhal tuč, Pô djiê leh anăn lŏ hdĭp leh lač,

Klei Bi Êdah 21:6

Leh anăn Ñu lač kơ kâo, “Jih bruă leh! Kâo jing Alpha leh anăn Ômêga, klei mphŭn dơ̆ng leh anăn klei knhal tuč. Kơ hlei pô mhao, kâo srăng brei hơăi mang êa hdĭp mơ̆ng akŏ êa hdĭp.

Klei Bi Êdah 22:13

Kâo jing Alpha leh anăn Ômêga, Pô êlâo hĭn leh anăn Pô knhal tuč, klei mphŭn dơ̆ng leh anăn klei knhal tuč.”

Klei Bi Êdah 3:14

“Čih bĕ kơ dĭng buăl jăk Phung Sang Aê Diê ti ƀuôn Laôdisê snei: Nĕ snei Pô Amen lač, Pô hưn sĭt suôr leh anăn sĭt nik, Pô phŭn kơ klei Aê Diê hrih.