Y-Yêrêmi 1:3 - Klei Aê Diê Blŭ 2015

³ Yêhôwa lŏ blŭ kơ ñu ênuk Y-Jêhôyakim anak êkei Y-Jôsia jing mtao Yuđa. Leh anăn Ñu blŭ kơ Y-Yêrêmi jêñ jêñ tơl tuč thŭn pluh sa Y-Sêdêkia anak êkei Y-Jôsia jing mtao Yuđa, ênuk arăng mă ƀuôn Yêrusalem ti mlan êma.

Y-Yêrêmi 1:3 Iomraidhean Croise

II Bruă Mtao 23:34

Pharaôn Nêkô mjing Y-Êliakim anak êkei Y-Jôsia brei jing mtao čuê Y-Jôsia ama gơ̆, leh anăn bi mlih anăn gơ̆ Y-Jêhôyakim. Ƀiădah ñu mă mđuĕ Y-Jôača; leh anăn gơ̆ truh kơ čar Êjip leh anăn djiê tinăn.

II Bruă Mtao 24:17

Mtao Ƀaƀilôn mjing Y-Matania, amiêt awa Y-Jêhôyakin mtao hrô gơ̆, leh anăn bi mlih anăn Y-Matania jing Y-Sêdêkia.

I Klei Yăl Dliê 3:15

Phung anak êkei Y-Jôsia: Y-Jôhanan anak tal êlâo, Y-Jêhôyakim anak tal dua, Y-Sêdêkia anak tal tlâo, Y-Salum anak tal pă.

Y-Yêrêmi 1:4

Yêhôwa blŭ kơ kâo, lač,

Y-Yêrêmi 34:1

Yêhôwa blŭ kơ Y-Yêrêmi ênuk Y-Nebukatnetsar mtao Ƀaƀilôn mbĭt hŏng jih jang phung kahan ñu, jih jang ƀuôn ala mtao ti lăn ala dôk ti gŭ klei ñu kiă kriê, jih jang phung ƀuôn sang dôk bi blah hŏng ƀuôn Yêrusalem leh anăn hŏng jih jang ƀuôn prŏng mkăn:

Y-Yêrêmi 35:1

Yêhôwa blŭ kơ Y-Yêrêmi hlăm ênuk Y-Jêhôyakim anak êkei Y-Jôsia kiă kriê čar Yuđa:

Y-Yêrêmi 36:2

“Mă bĕ sa pŏk hdruôm hră klĭt leh anăn čih tinăn jih jang klei Kâo blŭ leh kơ ih bi kdơ̆ng hŏng phung Israel leh anăn phung Yuđa leh anăn hŏng jih jang găp djuê mnuih, mơ̆ng hruê Kâo blŭ leh kơ ih hlăm ênuk Y-Jôsia truh kơ hruê anei.

Y-Yêrêmi 39:2

Hlăm thŭn tal pluh sa Y-Sêdêkia kiă kriê, hlăm mlan pă, ti hruê dua păn diñu bi mčah mnư̆.

Y-Sakari 7:5

“Êmuh bĕ kơ jih jang phung ƀuôn sang hlăm čar leh anăn kơ phung khua ngă yang, ‘Tơdah diih kăm ƀơ̆ng huă leh anăn kơŭ kyăm hlăm mlan êma leh anăn mlan kjuh êjai kjuh pluh thŭn anei, djŏ mơ̆ kyua Kâo diih kăm ƀơ̆ng huă anăn?

Y-Sakari 8:19

Snei Yêhôwa kơ phung kahan lač: “Klei kăm ƀơ̆ng huă ti mlan pă, ti mlan êma, ti mlan kjuh, leh anăn ti mlan pluh srăng jing kơ sang Yuđa hruê klei hơ̆k kdơ̆k leh anăn klei mơak, leh anăn hruê knăm bŏ hŏng klei mơak. Kyuanăn khăp bĕ kơ klei sĭt nik leh anăn klei êđăp ênang.”