Y-Ôsê 2:3 - Klei Aê Diê Blŭ 2015

³ huĭdah Kâo toh hĕ čhiăm ao ñu tơl ñu dôk lưng mlŭn msĕ si ti hruê amĭ kkiêng kơ ñu, leh anăn brei ñu jing msĕ si anôk kdrăn tač, brei ñu jing msĕ si anôk lăn thu, leh anăn bi mdjiê ñu hŏng klei mhao kơ êa.

Y-Ôsê 2:3 Iomraidhean Croise

Klei Kbiă 17:3

Ƀiădah phung ƀuôn sang mhao êa snăk, leh anăn blŭ dŭñ dŭñ kơ Y-Môis. Diñu lač, “Si ngă ih atăt hmei kbiă mơ̆ng čar Êjip čiăng bi mdjiê hmei, phung anak hmei, leh anăn mnơ̆ng hmei rông hŏng klei mhao êa?”

Y-Êsai 33:9

Lăn čar dôk kơŭ kyăm leh anăn ênguôt hnĭng. Čar Liƀan hêñ leh anăn dliu, čar Sarôn jing msĕ si kdrăn tač, čar Basan leh anăn čư̆ Karmel bi luh hla diñu.

Y-Êsai 47:3

Klei lưng mlŭn ih srăng êdah, leh anăn arăng srăng ƀuh klei ih hêñ. Kâo srăng rŭ ênua, Kâo amâo srăng hơưi sa čô ôh.

Y-Êsai 64:10

Jih jang ƀuôn doh jăk Ih jing hĕ kdrăn tač, wăt čư̆ Siôn mơh jing hĕ kdrăn tač, ƀuôn Yêrusalem jing ênguôl.

Y-Yêrêmi 12:10

Lu phung mgăt biăp bi rai leh đang boh kriăk ƀâo Kâo, diñu juă leh hma Kâo, diñu mjing hma siam Kâo msĕ si sa anôk kdrăn tač.

Y-Yêrêmi 13:22

Leh anăn tơdah ih lač hlăm ai tiê ih, “Si ngă klei anei truh kơ kâo lĕ?” jing kyuadah klei wê ih prŏng đei tơl arăng lưk hĕ knhal ao ih, leh anăn arăng ngă jhat kơ ih.

Y-Yêrêmi 13:26

Kâo pô srăng lưk knhal ao ih truh ti ƀô̆ mta ih, leh anăn arăng srăng ƀuh klei hêñ ih.

Y-Yêrêmi 14:3

Phung khua ñu tiŏ nao phung dĭng buăl duah êa; diñu truh kơ kbăng êa, ƀiădah amâo ƀuh êa ôh, diñu wĭt čeh êhŏng; diñu hêñ, rŭng răng, leh anăn guôm boh kŏ diñu.

Y-Yêrêmi 17:6

Ñu jing msĕ si pum hlăm kdrăn tač, ñu amâo srăng ƀuh ôh klei jăk jĭn truh. Ñu srăng dôk hlăm anôk thu hlăm kdrăn tač, hlăm lăn čar msĭn amâo mâo mnuih dôk ôh.

Y-Yêrêmi 2:31

Bi diih phung mnuih ênuk anei, hmư̆ bĕ klei Yêhôwa blŭ: “Kâo tuôm jing leh mơ̆ sa anôk kdrăn tač kơ phung Israel, amâodah sa boh čar mâo klei mmăt kpal? Snăn si ngă phung ƀuôn sang Kâo lač, ‘Hmei jing êngiê, hmei amâo lŏ hriê kơ ih ôh?’

Y-Yêrêmi 2:6

Diñu amâo lač ôh, ‘Ti anôk Yêhôwa dôk, Pô atăt drei leh kbiă mơ̆ng čar Êjip, Pô atăt drei hlăm dliê hlăm čar kdrăn tač leh anăn mâo lu ƀăng êlam, hlăm čar thu krô leh anăn mmăt kpal, hlăm čar amâo mâo pô tuôm găn ôh, anôk amâo mâo mnuih dôk ôh?’

Y-Yêrêmi 22:6

Kyuadah snei Yêhôwa lač djŏ kơ sang mtao Yuđa: ‘Ih jing kơ Kâo msĕ si čar Galaat, msĕ si čŏng čư̆ čar Liƀan, ƀiădah sĭt nik Kâo srăng mjing ih kdrăn tač, leh anăn ƀuôn amâo mâo mnuih dôk ôh.

Y-Yêrêmi 4:26

Kâo dlăng, nĕ anei, čar mâo boh lu jing hĕ kdrăn tač, arăng bi rai leh jih jang ƀuôn ti anăp Yêhôwa, ti anăp klei Ñu ngêñ ktang.

Y-Yêrêmi 51:43

Ƀuôn čar Ƀaƀilôn jing leh anôk ênguôl, sa boh čar thu leh anăn êhŏng, sa boh čar amâo mâo sa čô mnuih dôk ôh, leh anăn amâo mâo sa čô anak mnuih hriê găn tinăn ôh.

Y-Yêrêmi 51:5

Kyuadah Aê Diê Yêhôwa kơ phung kahan amâo hngah lui hĕ ôh phung Israel leh anăn phung Yuđa; wăt tơdah čar diñu bŏ hŏng klei soh ti anăp Pô Doh Jăk Israel.

Y-Êsêkiêl 16:22

Hlăm jih klei jhat Kâo bi êmut kheh ih ngă leh anăn klei knhông ih ngă leh ih amâo hdơr ôh kơ ênuk ih hlăk ai, êjai ih dôk lưng mlŭn klŭng hlăm êrah ih.’

Y-Êsêkiêl 19:13

Ară anei arăng lŏ pla ñu leh hlăm kdrăn tač, hlăm lăn thu leh anăn kƀah êa;

Y-Ôsê 13:15

Wăt tơdah Êphraim mboh lu ti krah phung ayŏng adei ñu, angĭn mơ̆ng ngŏ, angĭn Yêhôwa srăng truh, thut hriê mơ̆ng kdrăn tač; leh anăn akŏ êa ñu srăng khuôt, kbăng êa ñu srăng krô. Arăng srăng tlĕ mă jih jang mnơ̆ng yuôm mơ̆ng sang ngăn drăp ñu.

Y-Ôsê 2:10

Ară anei Kâo srăng bi êdah klei hêñ mlâo ñu ti anăp ală phung piu ñu, leh anăn amâo mâo pô srăng bi mtlaih ñu mơ̆ng kngan Kâo ôh.

Klei Bi Êdah 17:16

Bi kơ pluh ƀĕ ki ih ƀuh anăn, diñu leh anăn hlô dliê srăng bi êmut kơ mniê knhông anăn. Diñu srăng mă jih mnơ̆ng ñu mâo, brei ñu dôk lưng mlŭn, ƀơ̆ng kđeh ñu, leh anăn čuh ñu hŏng pui.

Phung Khua Phat Kđi 15:18

Ñu mhao êa snăk, leh anăn ñu iêô Yêhôwa leh anăn lač, “Ih brei leh klei bi mtlaih prŏng anei hŏng kngan dĭng buăl Ih, leh anăn ară anei kâo srăng djiê hŏng klei mhao mơ̆, leh anăn lĕ hlăm kngan phung amâo mâo khăt klĭt hĕ?”