Y-Mika 7:6 - Klei Aê Diê Blŭ 2015

⁶ kyuadah anak êkei ngă kơ ama ñu hŏng klei bi êmut, anak mniê kgŭ bi kdơ̆ng hŏng amĭ ñu, mtâo mniê bi kdơ̆ng hŏng kmha mniê ñu; mnuih roh jing phung mnuih hlăm sang ñu pô.

Y-Mika 7:6 Iomraidhean Croise

Klei Mphŭn Dơ̆ng 49:4

Ih jing msĕ si êa poh yă, ih amâo srăng jing prŏng hĭn ôh, kyuadah ih nao đih leh ti jhưng pĭt ama ih, ih bi čhŏ hĕ leh jhưng anăn, ih nao đih leh ti jhưng pĭt kâo!

II Y-Samuel 16:11

Y-Đawit lač kơ Y-Abisai leh anăn kơ jih jang phung dĭng buăl ñu, “Nĕ anei anak êkei kâo pô duah čiăng bi luč klei hdĭp kâo; kdlưn hĭn kơ anăn ară anei êkei Benjamin anei dưi ngă! Lui mơ̆ng ai ñu, brei ñu tăm pah bĕ; kyuadah Yêhôwa mtă leh kơ ñu.

Klei Mmuñ Hđăp 41:9

Wăt mah jiăng kâo giăm hĭn, pô kâo knang, pô ƀơ̆ng leh kpŭng kâo, yŏng leh kđul ñu čiăng čưng kâo.

Klei Bi Hriêng 30:11

Mâo phung mnuih tăm pah kơ ama diñu, leh anăn amâo hơêč hmưi klei jăk jĭn ôh kơ amĭ diñu;

Klei Bi Hriêng 30:17

Ak hlăm tlung srăng čoh ală leh anăn tlang grư̆ srăng ƀơ̆ng kđeh mnuih mưč kơ ama leh anăn hngah amâo gưt asăp kơ amĭ.

Y-Êsai 3:5

Phung ƀuôn sang srăng ktư̆ juă hdơ̆ng diñu, grăp čô ngă kơ găp ñu leh anăn grăp čô ngă kơ pô riêng gah ñu. Hđeh srăng dlao wač kơ pô mduôn, leh anăn mnuih hơăi mang srăng ngă kơ pô arăng mpŭ.

Y-Êsai 9:19

Pui ƀơ̆ng čar kyua klei Yêhôwa kơ phung kahan ngêñ, leh anăn phung ƀuôn sang jing msĕ si mnơ̆ng pui ƀơ̆ng. Amâo mâo sa čô hơưi kơ ayŏng adei ñu ôh.

Y-Yêrêmi 12:6

Kyuadah wăt phung ayŏng adei ih leh anăn sang ama ih lhiăr kơ ih, diñu ur driâo čiăng ngă kơ ih. Đăm knang kơ diñu ôh, wăt tơdah diñu blŭ klei siam kơ ih dưn.

Y-Yêrêmi 20:10

Kyuadah kâo hmư̆ lu klei blŭ mhač, “Klei bi huĭ dôk tar ƀar! Kčŭt kơ ñu! Brei drei kčŭt kơ ñu!” Snăn jih jang mah jiăng kâo lač, kăp ƀuh klei kâo lĕ buh, “Năng ai ñu srăng mâo klei mplư, snăn drei dưi ngă kơ ñu, leh anăn rŭ ênua kơ ñu.”

Y-Yêrêmi 9:4

“Brei grăp čô răng kơ pô riêng gah ñu, leh anăn đăm knang ôh kơ phung sa kđeh êrah hŏng ih; kyuadah grăp čô sa kđeh êrah hŏng ih jing pô plah mă, leh anăn grăp čô pô riêng gah hiu mčeh kơ arăng.

Y-Êsêkiêl 22:7

Arăng bi êmut kơ ama leh anăn kơ amĭ ti krah ih; arăng ktư̆ juă pô jưh bhiâo ti krah ih; arăng bi msoh kơ phung anak êrĭt leh anăn kơ mniê djiê ung ti krah ih.

Y-Apđia 1:7

Jih jang phung bi mguôp hŏng ih mplư ih leh, diñu suôt ih leh truh ti knông čar; phung găp ih dưi leh hŏng ih, phung ƀơ̆ng leh kpŭng mbĭt hŏng ih ƀêč leh kđông kơ ih — ƀiădah ih amâo thâo săng kơ klei anăn ôh.

Y-Mathiơ 10:21

Ayŏng srăng jao adei ñu pô brei arăng bi mdjiê, leh anăn ama srăng jao anak ñu pô, leh anăn phung anak srăng kgŭ bi kdơ̆ng hŏng amĭ ama diñu, leh anăn brei arăng bi mdjiê hĕ digơ̆.

Y-Mathiơ 26:23

Yêsu lŏ wĭt lač, “Pô đrŭt kpŭng ñu hlăm jam mbĭt hŏng Kâo srăng lhiăr kơ Kâo.

Y-Luk 12:53

Diñu srăng bi kah mbha, ama srăng bi kdơ̆ng hŏng anak êkei, leh anăn anak êkei srăng bi kdơ̆ng hŏng ama; amĭ srăng bi kdơ̆ng hŏng anak mniê, leh anăn anak mniê srăng bi kdơ̆ng hŏng amĭ ñu; kmha mniê srăng bi kdơ̆ng hŏng mtâo mniê ñu, leh anăn mtâo mniê srăng bi kdơ̆ng hŏng kmha mniê ñu.”

Y-Luk 21:16

Wăt amĭ ama ayŏng adei, phung găp djuê pô, leh anăn phung mah jiăng diih srăng lhiăr jao diih, leh anăn diñu srăng bi mdjiê wăt đa đa diih mơh.

Y-Yôhan 13:18

Kâo amâo blŭ djŏ kơ jih jang diih ôh. Kâo thâo hlei phung Kâo ruah leh, ƀiădah čiăng bi sĭt Klei Aê Diê Blŭ čih leh, ‘Pô ƀơ̆ng kpŭng Kâo yŏng leh kđul ñu čiăng čưng Kâo,’