Y-Mika 7:4 - Klei Aê Diê Blŭ 2015

⁴ Pô jăk hĭn hlăm phung diñu jing msĕ si êruê, pô kpă hĭn hlăm phung diñu jing pum êruê. Klei phung gak hưn kơ hruê klei bi kmhal diñu truh leh; ară anei klei rŭng răng giăm truh leh kơ diñu.

Y-Mika 7:4 Iomraidhean Croise

Y-Êsai 10:3

Ya diih srăng ngă ti hruê klei bi kmhal, tơdah klei bi rai truh kơ diih mơ̆ng kbưi? Kơ hlei pô diih srăng đuĕ nao čiăng mâo klei đru, leh anăn ti anôk diih srăng lui klei mdrŏng diih?

Y-Êsai 22:5

Kyuadah Khua Yang Yêhôwa kơ phung kahan bi truh hruê klei rŭng răng, klei ktư̆ juă, leh anăn klei mĭn lŭk lăk hlăm tlung klei bi ƀuh; klei bi klưh mnư̆ leh anăn klei ur truh kơ čư̆.

Y-Êsai 55:13

Hrô kơ êruê, ana kyâo hngô srăng čăt, hrô kơ êruê ana, ana kyâo mirtơ srăng čăt; klei anăn srăng jing klei bi hdơr kơ Yêhôwa, klei bi knăl hlŏng lar arăng amâo dưi bi luč ôh.”

Y-Yêrêmi 10:15

Digơ̆ jing hơăi mang, jing bruă klei mplư; truh hruê arăng bi kmhal digơ̆, digơ̆ srăng rai tuč.

Y-Yêrêmi 11:23

amâo mâo sa čô diñu tlaih ôh. Kyuadah Kâo srăng bi truh klei jhat kơ phung ƀuôn Anathôt ti thŭn klei bi kmhal diñu.’ ”

Y-Yêrêmi 46:21

Wăt phung kahan ñu mưn leh mbĭt hŏng ñu jing msĕ si êđai êmô êmŏng; diñu msĕ mơh wir đuĕ leh mđrăm mbĭt, diñu amâo dôk kdơ̆ng ôh; kyuadah hruê knap mñai truh leh kơ diñu, jing hruê klei bi kmhal kơ diñu.

Y-Yêrêmi 8:12

Diñu hêñ mơ̆ tơdah diñu ngă leh klei Kâo bi êmut kheh? Hơăi, diñu amâo tuôm hêñ ôh; diñu amâo tuôm bi êdah ƀô̆ mta hrah kyua klei hêñ ôh. Kyuanăn diñu srăng êbuh mbĭt hŏng phung êbuh leh; tơdah Kâo bi kmhal diñu, diñu srăng dlưh, Yêhôwa lač.

Y-Êsêkiêl 2:6

Bi ih, Ơ anak mnuih, đăm huĭ kơ diñu ôh, kăn huĭ kơ klei diñu blŭ rei, wăt tơdah êruê leh anăn êruê hruĕ dôk jŭm dar ih leh anăn ih dôk gŭ ti krah aguăt; đăm huĭ ôh kơ klei diñu blŭ, kăn êdu ai rei ti anăp ală diñu, wăt tơdah diñu jing sang khăng bi kdơ̆ng.

Y-Êsêkiêl 28:24

Leh anăn amâo srăng lŏ mâo ôh kơ sang Israel êruê tlŏ amâodah êruê wač diñu ti krah jih jang phung riêng gah diñu, phung anăn ngă kơ diñu hŏng klei bi êmut. Hlăk anăn diñu srăng thâo Kâo gơ̆ jing Yêhôwa Aê Diê.”

Y-Amôs 8:2

Ñu lač, “Ơ Y-Amôs, ya ih ƀuh?” Kâo lač, “Sa boh bai boh yan bhang.” Leh anăn Yêhôwa lač kơ kâo, “Klei knhal tuč truh leh kơ phung ƀuôn sang Kâo Israel; Kâo amâo srăng lŏ hơưi kơ diñu ôh.

Y-Nahum 1:10

Diñu rai tuč msĕ si êruê bi čuăl, leh anăn msĕ si phung kpiê ruă; diñu rai luč msĕ si adrăng krô.

Y-Luk 21:25

“Srăng mâo klei bi knăl mdê hlăm yang hruê, hlăm mlan, leh anăn hlăm phung mtŭ, leh anăn ti lăn ala srăng mâo klei rŭng răng hlăm phung găp djuê mnuih, kyuadah diñu amâo thâo ya ngă ôh tơdah hmư̆ ênai êa ksĭ leh anăn êa poh yă.

Hêbrơ 6:8

Ƀiădah tơdah lăn anăn bi čăt êruê ana leh anăn êruê hruĕ, ñu amâo yuôm ôh, leh anăn tŭ klei Aê Diê tăm pah; ti knhal tuč pui srăng ƀơ̆ng ñu.