Y-Mika 7:2 - Klei Aê Diê Blŭ 2015

² Mnuih huĭ mpŭ kơ Aê Diê rai tuč leh mơ̆ng lăn ala, leh anăn amâo mâo sa čô kpă ôh hlăm phung mnuih; jih jang diñu kăp tuh êrah, grăp čô dăng ñuăl kơ adei ñu.

Y-Mika 7:2 Iomraidhean Croise

Klei Mmuñ Hđăp 10:9

Ñu dôk hlăm anôk hgăm msĕ si sa drei êmông gu hlăm ƀăng ñu; ñu dôk kăp čiăng mă phung ƀun ƀin; ñu mă digơ̆ tơdah ñu hrui ñuăl ñu.

Klei Mmuñ Hđăp 12:1

Ơ Yêhôwa, đru bĕ, kyuadah amâo lŏ mâo ôh phung mnuih kpă ênô; amâo lŏ mâo phung sĭt suôr ôh ti krah phung anak mnuih.

Klei Mmuñ Hđăp 12:2

Grăp čô blŭ klei luar hdơ̆ng diñu; hŏng ƀăng kƀông diñu blŭ klei myâo mă, ai tiê diñu mĭn dua mta klei.

Klei Mmuñ Hđăp 57:6

Diñu dăng leh ñuăl kơ jơ̆ng kâo; mngăt kâo êdu ai leh. Diñu klei leh ƀăng ti êlan kâo, ƀiădah diñu pô lĕ leh hlăm ƀăng anăn. (Sêla)

Klei Bi Hriêng 1:11

Tơdah diñu lač, “Hriê mbĭt hŏng hmei; brei drei kăp tuh êrah, brei drei ngă ênap kăp ngă kơ pô amâo mâo soh ôh.

Klei Bi Hriêng 12:6

Klei phung ƀai blŭ kăp tuh êrah, ƀiădah ƀăng êgei phung kpă bi mtlaih mnuih.

Y-Êsai 3:5

Phung ƀuôn sang srăng ktư̆ juă hdơ̆ng diñu, grăp čô ngă kơ găp ñu leh anăn grăp čô ngă kơ pô riêng gah ñu. Hđeh srăng dlao wač kơ pô mduôn, leh anăn mnuih hơăi mang srăng ngă kơ pô arăng mpŭ.

Y-Êsai 57:1

Pô kpă ênô rai tuč, leh anăn amâo mâo pô uêñ kơ klei anăn ôh; arăng mă mđuĕ hĕ leh phung huĭ mpŭ kơ Aê Diê, leh anăn amâo mâo pô thâo săng ôh. Kyuadah arăng mă mđuĕ hĕ leh pô kpă ênô êlâo truh klei jhat ƀai.

Y-Êsai 59:7

Jơ̆ng diñu êran čiăng ngă klei jhat, leh anăn diñu ruăt tuh êrah pô amâo soh ôh. Klei mĭn diñu jing klei mĭn wê, klei bi luč leh anăn klei bi rai dôk ti êlan diñu.

Y-Êsai 9:19

Pui ƀơ̆ng čar kyua klei Yêhôwa kơ phung kahan ngêñ, leh anăn phung ƀuôn sang jing msĕ si mnơ̆ng pui ƀơ̆ng. Amâo mâo sa čô hơưi kơ ayŏng adei ñu ôh.

Y-Yêrêmi 16:16

“Nĕ anei, Kâo dôk tiŏ nao lu phung trah kan,” Yêhôwa lač, “Leh anăn diñu srăng mă phung ƀuôn sang Israel; êdei tinăn Kâo srăng tiŏ nao lu phung hiu mnah, leh anăn diñu srăng hiu lua mnah phung ƀuôn sang Israel mơ̆ng grăp čư̆ leh anăn grăp kbuôn, leh anăn mơ̆ng ƀăng boh tâo kđang.

Y-Yêrêmi 5:16

Đĭng tiông diñu jing msĕ si msat pŏk leh jih jang diñu jing phung kahan hŏng ktang.

Y-Yêrêmi 5:26

Kyuadah mâo phung mnuih ƀai ti krah phung ƀuôn sang Kâo; diñu jing msĕ si phung êkei dăng ñuăl kăp mă čĭm. Diñu ƀêč kđông, diñu mă mnuih.

Y-Yêrêmi 8:6

Kâo mđing knga leh anăn dôk hmư̆ leh, ƀiădah diñu amâo tuôm blŭ kpă ôh; amâo mâo sa čô kmhal kơ klei ƀai ôh, lač, “Ya klei kâo tuôm ngă leh?” Grăp čô êbat tui êlan ñu pô, msĕ si sa drei aseh ksŭng phă anăp kơ klei bi blah.

Klei Čŏk Hia 4:18

Arăng kăp lua ti knhuang drei, snăn drei amâo dưi êbat ktuê êlan drei ôh; klei knhal tuč ruê̆ kơ drei hriê giăm; arăng yap leh hruê drei dôk hdĭp, kyuadah klei knhal tuč ruê̆ kơ drei truh leh.

Y-Êsêkiêl 22:12

Hlăm ih phung êkei mă ngăn sun čiăng tuh êrah; ih ƀơ̆ng mnga leh anăn ƀơ̆ng đĭ mơ̆ng phung riêng gah ih hŏng klei arưp aram; leh anăn ih wơr bĭt leh Kâo,’ Yêhôwa Aê Diê lač.

Y-Êsêkiêl 24:6

Kyuanăn snei Yêhôwa Aê Diê lač: Knap mñai yơh kơ ƀuôn tuh êrah, kơ gŏ bring jiă leh ti lam, leh anăn bring anăn amâo thâo doh ôh! Mă mơ̆ng anăn sa kdrêč sa kdrêč, đăm ngă klei mđăo ôh.

Y-Ôsê 5:1

“Hmư̆ bĕ klei anei, Ơ phung khua ngă yang! Mđing knga bĕ, Ơ sang Israel! Kăp hmư̆ bĕ, Ơ sang mtao! Kyuadah klei phat kđi anei djŏ kơ diih; kyuadah diih jing leh kđông ƀêč ti ƀuôn Mispa, leh anăn ñuăl dăng leh ti čư̆ Tabor.

Y-Ôsê 6:9

Msĕ si phung knĕ dôk kăp sa čô mnuih, snăn mơh phung khua ngă yang bi mguôp mbĭt. Diñu bi mdjiê mnuih ti êlan nao kơ ƀuôn Sičem, sĭt nik diñu ngă klei ƀai.

Y-Mika 2:8

Ƀiădah phung ƀuôn sang Kâo kgŭ ngă msĕ si sa čô roh, diih toh hĕ ao jhung mơ̆ng phung găn hŏng klei amâo yŏng răng ôh, msĕ si phung wĭt mơ̆ng klei bi blah.

Y-Mika 3:10

phung mdơ̆ng ƀuôn Siôn hŏng klei tuh êrah leh anăn ƀuôn Yêrusalem hŏng klei wê.

Y-Mika 3:2

Ơ phung bi êmut kơ klei jăk leh anăn khăp kơ klei jhat, phung lôk klĭt phung ƀuôn sang Kâo, leh anăn hiêk kđeh mơ̆ng klang digơ̆,

Y-Sakari 11:6

Kyuadah Kâo amâo srăng lŏ pap kơ phung dôk hlăm čar anei ôh,” Yêhôwa lač, “Nĕ anei, Kâo srăng brei grăp čô mnuih lĕ hlăm kngan pô riêng gah gơ̆ leh anăn hlăm kngan mtao gơ̆. Diñu srăng ktư̆ juă lăn čar, leh anăn Kâo amâo srăng bi mtlaih digơ̆ ôh mơ̆ng kngan diñu.”

Bruă Phung Khua Ƀĭng Kna 24:9

Phung Yuđa sa ai msĕ mơh hlăm klei kčŭt anăn, hưn klei anăn jing sĭt.

I Y-Samuel 24:11

Ơ ama, dlăng bĕ kdrŭn ao jhung ih hlăm kngan kâo. Kyuadah hŏng klei kâo khăt leh kdrŭn ao jhung ih leh anăn amâo bi mdjiê ih ôh, ih dưi thâo leh anăn ƀuh amâo mâo klei soh amâodah klei lhiăr ôh hlăm kâo. Kâo amâo tuôm ngă soh hŏng ih ôh, wăt tơđah ih duah kâo čiăng bi luč klei hdĭp kâo dưn.

I Y-Samuel 26:20

Snăn ară anei, đăm brei êrah kâo hŏk ti lăn kbưi mơ̆ng anăp Yêhôwa ôh. Kyuadah mtao phung Israel kbiă hriê leh čiăng duah bi luč klei hdĭp kâo, msĕ si arăng tiŏ mnah sa drei păk kra hlăm čư̆.”