Y-Mika 7:16 - Klei Aê Diê Blŭ 2015

¹⁶ Phung găp djuê mnuih srăng ƀuh leh anăn hêñ kơ jih klei ktang diñu; diñu srăng dôk ñăt amâo lŏ mâo klei blŭ ôh; knga diñu srăng jing kngăl.

Y-Mika 7:16 Iomraidhean Croise

Y-Yôp 21:5

Dlăng kơ kâo, leh anăn bi kngăr bĕ, leh anăn đăm lŏ blŭ ôh.

Y-Yôp 40:4

“Nĕ anei, kâo jing pô amâo mâo ênoh yuôm ôh; ya kâo srăng lŏ wĭt lač kơ ih? Kâo kđhĭp ƀăng êgei kâo amâo lŏ blŭ ôh.

Klei Mmuñ Hđăp 126:2

Hlăk anăn ƀăng êgei hmei bŏ hŏng klei tlao, leh anăn êlah hmei hŏng klei mmuñ mơak. Hlăk anăn arăng lač ti krah phung găp djuê mnuih, “Yêhôwa ngă leh klei yuôm bhăn kơ diñu.”

Klei Bi Hriêng 30:32

Tơdah ih ngă leh klei mluk leh anăn bi mđĭ ih pô, amâodah tơdah ih mĭn čiăng ngă klei jhat, guôm hĕ ƀăng êgei ih hŏng kngan!

Y-Êsai 26:11

Ơ Yêhôwa, kngan Ih yơr leh ti dlông, ƀiădah diñu amâo ƀuh ôh. Brei diñu ƀuh klei Ih hur har kơ phung ƀuôn sang Ih, leh anăn brei diñu hêñ. Brei pui pioh leh kơ phung roh Ih ƀơ̆ng hĕ diñu.

Y-Êsai 52:15

msĕ snăn yơh Ñu srăng bi kngăr lu phung găp djuê mnuih; kyua Ñu phung mtao srăng kđhĭp ƀăng êgei digơ̆. Kyuadah digơ̆ srăng ƀuh klei arăng amâo tuôm yăl dliê kơ digơ̆ ôh, leh anăn digơ̆ srăng thâo săng klei digơ̆ amâo tuôm hmư̆ ôh.

Y-Êsai 66:18

“Kyuadah Kâo thâo kral bruă diñu leh anăn klei diñu mĭn. Kâo srăng hriê bi kƀĭn jih jang phung găp djuê mnuih leh anăn jih jang klei blŭ; diñu srăng hriê leh anăn ƀuh klei guh kơang Kâo.

Y-Êsêkiêl 38:23

Snăn Kâo srăng bi êdah klei prŏng Kâo leh anăn klei doh jăk Kâo, leh anăn bi êdah Kâo pô kơ ală lu găp djuê mnuih. Hlăk anăn diñu srăng thâo Kâo jing Yêhôwa.’ ”

Y-Mika 3:7

Phung thâo bi ƀuh srăng hêñ, arăng srăng bi hêñ phung mdian; jih jang diñu srăng guôm ƀăng kƀông diñu, kyuadah amâo mâo klei lŏ wĭt lač mơ̆ng Aê Diê ôh.

Y-Mika 5:8

Leh anăn kdrêč adôk mơ̆ng Yakôp srăng dôk ti krah phung găp djuê mnuih, ti krah lu phung ƀuôn sang, msĕ si sa drei êmông gu ti krah hlô dliê, msĕ si sa drei êđai êmông gu ti krah lu biăp, tơdah ñu găn, ñu juă leh anăn hiêk đơ điêt, leh anăn amâo mâo pô dưi bi mtlaih ôh.

Y-Agê 2:22

leh anăn klư̆ hĕ jhưng mtao jih jang ƀuôn ala mtao, leh anăn bi luč klei ktang jih jang ƀuôn ala mtao phung găp djuê mnuih, leh anăn bi rai hĕ êdeh aseh leh anăn phung đĭ digơ̆, aseh leh anăn phung đĭ digơ̆ srăng êbuh, grăp čô hŏng đao gưm ƀĭng găp ñu.’ ”

Y-Sakari 12:9

Ti hruê anăn Kâo srăng duah bi rai jih jang phung găp djuê mnuih hriê bi kdơ̆ng hŏng ƀuôn Yêrusalem.”

Hră Y-Pôl Mơĭt kơ Phung Rôm 3:19

Drei thâo leh ya klei bhiăn lač, gơ̆ lač kơ phung dôk ti gŭ klei bhiăn, čiăng kơ jih jang ƀăng êgei dôk kriêp, leh anăn jih jang mnuih ti lăn ala srăng dôk ti gŭ klei Aê Diê phat kđi.

Klei Bi Êdah 11:18

Phung găp djuê mnuih ăl, ƀiădah klei Ih ngêñ truh leh, leh anăn mông phat kđi kơ phung djiê truh leh, čiăng mưn phung dĭng buăl Ih, phung khua pô hưn êlâo leh anăn phung doh jăk, leh anăn phung huĭ mpŭ kơ anăn Ih, phung điêt wăt phung prŏng, leh anăn čiăng bi rai phung bi rai lăn ala.”