Y-Mika 7:13 - Klei Aê Diê Blŭ 2015

¹³ Ƀiădah lăn ala srăng jing ênguôl kyua phung dôk hlăm ñu, kyua boh mơ̆ng klei diñu ngă.

Y-Mika 7:13 Iomraidhean Croise

Y-Yôp 4:8

Tui si kâo ƀuh leh, phung pla klei wê leh anăn rah klei rŭng răng srăng wiă klei wê leh anăn klei rŭng răng.

Klei Bi Hriêng 1:31

Kyuanăn diih srăng ƀơ̆ng boh tui si êlan diih tui, leh anăn trei hŏng klei diih mnêč.

Klei Bi Hriêng 31:31

Brei kơ ñu klei mưn năng kơ bruă kngan ñu ngă, leh anăn brei bruă ñu bi mni kơ ñu ti ƀăng jang ti anăp phung ƀuôn sang.

Klei Bi Hriêng 5:22

Klei wê pô soh ngă jing kđông ƀêč kơ ñu, klei soh ñu pô ngă srăng mă čăp ñu.

Y-Êsai 17:9

Hlăm hruê anăn, jih jang ƀuôn prŏng ktang diñu srăng jing msĕ si anôk phung Hiwit leh anăn phung Amôrit lui leh ti anăp phung anak Israel, leh anăn jih jang srăng jing ênguôl.

Y-Yêrêmi 17:10

Kâo jing Yêhôwa Pô kăp ksiêm klei mĭn leh anăn lông dlăng ai tiê arăng, čiăng brei kơ grăp čô tui si êlan ñu êbat, tui si boh mơ̆ng klei ñu ngă.”

Y-Yêrêmi 21:14

Kâo srăng bi kmhal diih tui si bruă diih ngă, Yêhôwa lač. Kâo srăng kuč pui hlăm kmrơ̆ng sang mtao ñu, leh anăn pui srăng ƀơ̆ng jih jang mnơ̆ng jŭm dar ñu.’ ”

Y-Yêrêmi 25:11

Jih čar anei srăng jing sa kăm mnơ̆ng rai leh anăn êhŏng, leh anăn phung găp djuê anei srăng mă bruă kơ mtao čar Ƀaƀilôn êjai kjuh pluh thŭn.”

Y-Yêrêmi 32:19

mâo klei thâo mĭn prŏng leh anăn myang dưi ngă jih; Pô dôk dlăng kơ jih jang êlan mnuih, brei klei mưn kơ grăp čô mnuih tui si êlan ñu leh anăn tui si boh mơ̆ng klei ñu ngă;

Y-Êsêkiêl 12:19

leh anăn lač bĕ kơ phung ƀuôn sang hlăm čar, ‘Snei Yêhôwa Aê Diê lač djŏ kơ phung dôk hlăm ƀuôn Yêrusalem leh anăn hlăm čar Israel: Diñu srăng ƀơ̆ng kpŭng diñu hŏng klei huĭ, leh anăn mnăm êa hŏng klei rŭng răng, kyuadah arăng srăng plah mă jih jang mnơ̆ng hlăm čar diñu, kyua klei ƀai jih jang phung dôk hlăm čar anăn ngă leh.

Y-Êsêkiêl 33:28

Kâo srăng brei čar jing ênguôl leh anăn êhŏng; leh anăn klei ktang mgao ñu srăng ruê̆; leh anăn čư̆ Israel srăng jing ênguôl tơl amâo mâo sa čô găn tinăn ôh.

Y-Mika 3:12

Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.

Y-Mika 3:4

Hlăk anăn diñu srăng ur kơ Yêhôwa, ƀiădah Gơ̆ amâo srăng lŏ wĭt lač kơ diñu ôh. Hlăm ênuk anăn Gơ̆ srăng mdăp ƀô̆ mta kơ diñu, kyuadah klei jhat diñu ngă leh.

Y-Mika 5:3

Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Y-Mika 6:13

Kyuanăn Kâo dơ̆ng čăm ih leh, čiăng bi rai ih kyua klei soh ih.