Y-Mika 7:12 - Klei Aê Diê Blŭ 2015

¹² Hlăm hruê anăn phung mnuih srăng hriê kơ ih mơ̆ng čar Asiri truh kơ ƀuôn prŏng čar Êjip, leh anăn mơ̆ng čar Êjip truh kơ Êa Krông Ana, mơ̆ng êa ksĭ anei truh kơ êa ksĭ adih, čư̆ anei truh kơ čư̆ adih.

Y-Mika 7:12 Iomraidhean Croise

Y-Êsai 11:11

Hlăm hruê anăn, Khua Yang srăng yơr tal dua kngan Ñu čiăng bi wĭt kdrêč phung ƀuôn sang Ñu adôk mơ̆ng čar Asiri, čar Êjip, čar Patrôs, čar Êthiôpi, čar Êlam, čar Sinar, čar Hamat, leh anăn mơ̆ng jih jang plao êa ksĭ.

Y-Êsai 11:16

Leh anăn srăng mâo sa êlan prŏng mơ̆ng čar Asiri pioh kơ kdrêč phung ƀuôn sang Yêhôwa adôk, msĕ si tuôm mâo leh kơ phung Israel hruê diñu kbiă mơ̆ng čar Êjip.

Y-Êsai 43:6

Kâo srăng lač kơ dưr, ‘Brei bĕ’, leh anăn kơ dhŭng, ‘Đăm kơ̆ng pioh ôh’. Atăt ba bĕ phung anak êkei Kâo hriê mơ̆ng kbưi, leh anăn phung anak mniê Kâo mơ̆ng knhal lăn ala,

Y-Êsai 49:12

Nĕ phung anei srăng hriê mơ̆ng kbưi, mơ̆ng dưr leh anăn mơ̆ng yŭ, phung mkăn mơ̆ng čar Sinim.”

Y-Yêrêmi 23:3

“Leh anăn Kâo pô srăng bi kƀĭn biăp Kâo ăt dôk kbiă mơ̆ng jih jang čar Kâo suôt leh digơ̆, leh anăn atăt wĭt digơ̆ kơ kdrăn rơ̆k digơ̆ pô, leh anăn digơ̆ srăng lŏ mâo anak aneh leh anăn jing lar êngŭm.

Y-Yêrêmi 3:18

Hlăm ênuk anăn sang Yuđa srăng bi mguôp hŏng sang Israel, leh anăn diñu srăng hriê mđrăm mbĭt mơ̆ng čar dưr truh kơ čar Kâo brei leh kơ phung aê diih jing ngăn dưn.

Y-Yêrêmi 31:8

Nĕ anei, Kâo srăng atăt diñu kbiă mơ̆ng čar dưr, leh anăn Kâo srăng hrui bi kƀĭn diñu mơ̆ng anôk lăn ala kbưi hĭn, ti krah diñu phung bum ală leh anăn phung êwiên, phung mniê ba tian leh, leh anăn mniê đih pui, sa phung lu snăk srăng lŏ wĭt tinei.

Y-Yêrêmi 46:27

“Ƀiădah đăm huĭ ôh, Ơ phung Yakôp, phung dĭng buăl Kâo, kăn êdu ai rei, Ơ phung Israel; kyuadah nĕ anei, Kâo srăng bi mtlaih diih mơ̆ng anôk kbưi, leh anăn phung anak čô diih mơ̆ng anôk digơ̆ jing mnă. Phung Yakôp srăng lŏ wĭt leh anăn dôk êđăp ênang, leh anăn amâo mâo sa čô srăng bi huĭ diñu ôh.

Y-Êsêkiêl 29:21

Ti hruê anăn Kâo srăng brei sa ƀĕ ki čăt mơ̆ng sang Israel, leh anăn Kâo srăng brei ih ha blŭ ti krah diñu. Hlăk anăn diñu srăng thâo Kâo jing Yêhôwa.”

Y-Êsêkiêl 37:21

snăn lač bĕ kơ diñu, ‘Snei Yêhôwa Aê Diê lač: Nĕ anei, Kâo srăng mă phung anak čô ƀuôn sang Israel mơ̆ng phung găp djuê mnuih diñu nao dôk leh, leh anăn Kâo srăng bi kƀĭn diñu mơ̆ng tar ƀar leh anăn atăt diñu wĭt kơ čar diñu pô.

Y-Ôsê 11:11

Diñu srăng hriê mơ̆ng čar Êjip ktư̆ yơ̆ng msĕ si čĭm, msĕ si mgăm mơ̆ng čar Asiri; leh anăn Kâo srăng bi wĭt diñu kơ sang diñu pô,” Yêhôwa lač.