Y-Mika 7:11 - Klei Aê Diê Blŭ 2015

¹¹ Hruê pioh kơ klei lŏ mdơ̆ng mnư̆ diih srăng truh, hruê anăn arăng srăng bi ƀai kbưi knông lăn ih.

Y-Mika 7:11 Iomraidhean Croise

Y-Nêhêmi 2:17

Kâo lač kơ diñu, “Diih ƀuh leh klei dleh drei mâo, klei ƀuôn Yêrusalem dôk rai leh anăn ƀăng jang gơ̆ pui ƀơ̆ng leh. Hriê bĕ, brei drei mdơ̆ng mnư̆ ƀuôn Yêrusalem, čiăng đăm drei lŏ tŭ klei hêñ ôh.”

Y-Nêhêmi 2:8

leh anăn sa pŏk hră mơĭt kơ Y-Asap pô kiă kmrơ̆ng mtao, čiăng kơ ñu brei kơ kâo kyâo pioh ngă kmeh ƀăng jang kđông mgang sang yang leh anăn kơ mnư̆ ƀuôn, leh anăn kơ sang kâo srăng dôk.” Mtao brei kơ kâo ya mnơ̆ng kâo akâo leh, kyuadah kngan jăk Aê Diê dôk ti kâo.

Y-Nêhêmi 4:3

Y-Tôbia êkei Amôn dôk giăm ñu leh anăn lač, “Ơ, mnơ̆ng diñu mdơ̆ng anăn — knŏng sa drei mja ktuê đĭ ti dlông anăn, gơ̆ srăng bi klưh hĕ boh tâo mnư̆ diñu!”

Y-Nêhêmi 4:6

Snăn hmei mdơ̆ng mnư̆; leh anăn jih mnư̆ bi lir mbĭt truh kơ mkrah boh dlông gơ̆. Kyuadah phung ƀuôn sang mâo klei mĭn čiăng mă bruă hŏng jih ai tiê.

Y-Êsai 54:11

“Ơ ƀuôn knap mñai, ƀuôn angĭn êbŭ kpuh mđung leh anăn ƀuôn amâo mâo klei bi juh ôh, nĕ anei, Kâo srăng mƀlir boh tâo ih hŏng êa ƀlĭt jăk hĭn, leh anăn Kâo srăng dưm atur ih hŏng boh tâo saphir.

Y-Êsai 54:2

Bi ƀai bĕ anôk sang čhiăm ih, brei arăng lang bi prŏng čhiăm păng anôk ih dôk; đăm kơ̆ng ôh, dhiang klei ih leh anăn bi kjăp giê krơ̆ng ih.

Y-Êsai 58:12

Arăng srăng lŏ mdơ̆ng anôk hđăp ih rai leh, ih srăng lŏ rŭ jih atur hđăp mơ̆ng lu ênuk êgao leh; arăng srăng pia kơ ih phung mkra ƀăng hluh mnư̆, phung lŏ mkra êlan mâo sang arăng dôk.”

Y-Êsai 61:4

Diñu srăng lŏ mdơ̆ng anôk hđăp rai leh, diñu srăng lŏ rŭ mnơ̆ng hđăp jing ênguôl leh. Diñu srăng lŏ mkra jih jang ƀuôn rai leh, jing ênuôl lu ênuk leh.

Y-Đaniel 9:25

Brei ih ksiêm leh anăn thâo săng, dơ̆ng mơ̆ng mâo klei mtă lŏ mkra leh anăn mdơ̆ng ƀuôn Yêrusalem tơl Pô arăng trôč êa ƀâo mngưi truh, Pô jing khua, srăng mâo kjuh hruê kăm, leh anăn năm pluh dua hruê kăm. Arăng srăng lŏ mdơ̆ng ƀuôn Yêrusalem mâo êlan leh anăn kđông kjăp êjai ênuk rŭng răng.