Y-Mika 6:9 - Klei Aê Diê Blŭ 2015

⁹ Asăp Yêhôwa ur kơ ƀuôn prŏng — leh anăn klei huĭ mpŭ kơ anăn ih jing klei thâo mĭn — “Hmư̆ bĕ giê čăm leh anăn Pô čuăn klei anăn.

Y-Mika 6:9 Iomraidhean Croise

II Y-Samuel 21:1

Êjai tlâo thŭn mâo klei ư̆ êpa hlăm ênuk Y-Đawit. Y-Đawit duah ƀô̆ mta Yêhôwa. Leh anăn Yêhôwa lač, “Mâo klei soh tuh êrah ti Y-Sôl leh anăn phung sang ñu yơh, kyuadah ñu bi mdjiê leh phung Gabaôn.”

Y-Yôp 10:2

Kâo srăng lač kơ Aê Diê, Đăm yap kâo jing soh leh ôh; brei kâo thâo si ngă Ih bi tăng hŏng kâo lĕ.

Y-Yôp 23:14

Kyuadah Ñu srăng ngă bi ênŭm ya klei Ñu čuăn leh kơ kâo; Ñu mâo lu klei msĕ snăn hlăm klei mĭn Ñu.

Y-Yôp 5:17

Nĕ anei, jăk mơak yơh mnuih Aê Diê ƀuah; kyua anăn đăm bi êmut ôh kơ klei Pô Mâo Jih Klei Myang mkra.

Klei Mmuñ Hđăp 107:43

Hlei pô jing mnuih thâo mĭn, brei ñu răng kơ klei anăn; brei phung mnuih ksiêm mĭn klei khăp Yêhôwa.

Klei Mmuñ Hđăp 48:10

Msĕ si anăn Ih, Ơ Aê Diê, snăn klei bi mni kơ Ih truh ti knhal lăn ala. Kngan hnuă Ih bŏ hŏng klei kpă ênô.

Klei Mmuñ Hđăp 83:18

Brei diñu thâo knŏng Ih yơh Yêhôwa, jing Pô Ti Dlông Hĭn kiă kriê jih lăn ala.

Klei Mmuñ Hđăp 9:16

Yêhôwa bi êdah Ñu pô leh, Ñu phat kđi leh; phung ƀai djŏ ñuăl diñu pô ngă. (Pĕ đĭng buôt. Sêla)

Klei Bi Hriêng 22:3

Mnuih thâo mĭn ƀuh klei jŭ jhat leh anăn đuĕ dăp, ƀiădah mnuih mluk hlŏng nao phă anăp leh anăn tŭ klei knap mñai.

Y-Êsai 26:11

Ơ Yêhôwa, kngan Ih yơr leh ti dlông, ƀiădah diñu amâo ƀuh ôh. Brei diñu ƀuh klei Ih hur har kơ phung ƀuôn sang Ih, leh anăn brei diñu hêñ. Brei pui pioh leh kơ phung roh Ih ƀơ̆ng hĕ diñu.

Y-Êsai 27:10

Kyuadah ƀuôn kđông dôk hjăn, jing anôk dôk arăng lui leh, êhŏng msĕ si kdrăn tač. Tinăn êđai êmô ƀơ̆ng rơ̆k, diñu đih leh anăn ƀơ̆ng hla adhan kyâo.

Y-Êsai 30:27

Nĕ anei, Anăn Yêhôwa hriê mơ̆ng kbưi hŏng klei Ñu ngêñ hlơr leh anăn hŏng săp pui kpal đĭ. Ƀăng êgei Ñu bŏ hŏng klei ngêñ, leh anăn êlah Ñu jing msĕ si pui trơ̆ng.

Y-Êsai 66:6

Hmư̆ bĕ mâo asăp hao hao mơ̆ng ƀuôn prŏng, mâo ênai mơ̆ng sang yang Yuđa! Ñu jing asăp Yêhôwa bi wĭt klei phat kđi kơ phung roh Ñu!

Y-Êsai 9:13

Phung ƀuôn sang amâo wĭt ôh kơ Pô čăm diñu, kăn diñu duah rei Yêhôwa kơ phung kahan.

Y-Yêrêmi 26:18

“Y-Mika ƀuôn Môrêset hưn êlâo leh hlăm ênuk Y-Hêsêkia mtao Yuđa, leh anăn lač kơ jih jang phung ƀuôn sang čar Yuđa, ‘Snei klei Yêhôwa kơ phung kahan lač, “Arăng srăng kai ƀuôn Siôn msĕ si sa boh hma; ƀuôn Yêrusalem srăng jing sa kăm mnơ̆ng rai, leh anăn čư̆ sang yang srăng jing čư̆ kmrơ̆ng.” ’

Y-Yêrêmi 26:6

snăn Kâo srăng ngă kơ sang anei msĕ si Kâo ngă leh kơ ƀuôn Silô, leh anăn Kâo srăng yua anăn ƀuôn anei jing sa klei tăm pah kơ jih jang găp djuê mnuih ti lăn ala.’ ”

Y-Yêrêmi 47:7

Si gơ̆ dưi dôk êđăp ênang, tơdah Yêhôwa mtă kơ gơ̆ leh? Ñu mtă kơ gơ̆ leh brei ngă kơ ƀuôn Askêlon leh anăn kơ čar hang êa ksĭ.”

Y-Êsêkiêl 7:9

Ală Kâo amâo srăng hơưi kơ ih ôh, kăn Kâo srăng mâo klei pap kơ ih rei; Kâo srăng bi kmhal ih tui si êlan ih êbat, êjai mnơ̆ng Kâo bi êmut kheh dôk ti krah ih. Hlăk anăn diih srăng thâo kơ Kâo jing Yêhôwa, pô čăm diih.

Y-Ôsê 13:16

Phung Samari srăng klam klei diñu jing soh leh, kyuadah diñu bi kdơ̆ng leh hŏng Aê Diê diñu. Diñu srăng lĕ buh hŏng đao gưm, phung anak điêt diñu arăng srăng prah bi mdjiê, leh anăn arăng srăng briah phung mniê ba tian diñu.”

Y-Ôsê 14:9

Hlei pô jing mnuih thâo mĭn, brei ñu thâo săng klei anei, hlei pô jing mnuih thâo ksiêm, brei ñu thâo kral digơ̆; kyuadah êlan Yêhôwa jing kpă, leh anăn phung kpă êbat tinăn, ƀiădah phung gao klei bhiăn srăng lĕ buh tinăn.

Y-Amôs 2:5

Snăn Kâo srăng mơĭt pui ti dlông čar Yuđa, leh anăn pui anăn srăng ƀơ̆ng kđông kjăp ƀuôn Yêrusalem.”

Y-Amôs 6:1

Knap mñai yơh kơ phung dôk êđăp ênang hlăm ƀuôn Siôn, leh anăn kơ phung dôk hơĭt mđao ti čư̆ Samari, phung khua hlăm phung găp djuê mrô sa, kơ diñu yơh sang Israel hriê!

Y-Mika 3:12

Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.

Y-Mika 6:10

Dưi mơ̆ Kâo wơr bĭt ngăn drăp klei ƀai Ơ sang pô ƀai, leh anăn knăng hrŏ đei mâo klei tăm pah leh?

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Y-Sôphôni 3:2

Ñu amâo gưt asăp kơ arăng ôh, ñu amâo tŭ klei mkra ôh. Ñu amâo knang kơ Yêhôwa ôh, ñu amâo nao giăm Aê Diê ñu ôh.

Klei Bi Êdah 3:19

Phung Kâo khăp, Kâo ƀuah leh anăn mkra mjuăt. Snăn brei ih jing hur har leh anăn kmhal bĕ.