Y-Mika 6:8 - Klei Aê Diê Blŭ 2015

⁸ Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Y-Mika 6:8 Iomraidhean Croise

Klei Mphŭn Dơ̆ng 18:19

Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”

Klei Mphŭn Dơ̆ng 5:22

Leh kkiêng kơ Y-Mêthusêla, Y-Ênŏk êbat mbĭt hŏng Aê Diê tlâo êtuh thŭn, leh anăn ñu lŏ mâo phung anak êkei leh anăn phung anak mniê.

II Klei Yăl Dliê 30:11

Knŏng ƀiă phung Aser, phung Manasê, leh anăn phung Sabulôn bi luă gŭ diñu pô leh anăn hriê ti ƀuôn Yêrusalem.

II Klei Yăl Dliê 32:26

Ti knhal tuč, Y-Hêsêkia bi luă gŭ ñu pô kyua klei mgao ai tiê ñu, ñu leh anăn phung dôk hlăm ƀuôn Yêrusalem, snăn klei Yêhôwa ngêñ amâo truh kơ diñu ôh hlăm ênuk Y-Hêsêkia.

II Klei Yăl Dliê 33:19

Klei ñu wah lač, leh anăn klei Aê Diê tŭ klei ñu kwưh, leh anăn jih klei soh leh anăn klei ñu amâo dôk sĭt suôr ôh, anôk dlông ñu mdơ̆ng leh anăn mdơ̆ng phung rup yang Asêra leh anăn rup yang krah êlâo ñu bi luă gŭ ñu pô, nĕ anei arăng čih leh hlăm hdruôm hră Klei Yăl Dliê kơ Phung Thâo Bi Ƀuh.

II Klei Yăl Dliê 33:23

Ñu amâo luă gŭ ñu pô ôh ti anăp Yêhôwa msĕ si Y-Manasê ama ñu bi luă gŭ gơ̆ pô leh, ƀiădah Y-Amôn anei lŏ thiăm klei jing soh nanao.

II Klei Yăl Dliê 34:27

kyuadah ai tiê ih thâo kmhal leh anăn ih bi luă gŭ ih pô ti anăp Aê Diê tơdah ih hmư̆ klei Ñu blŭ bi kdơ̆ng hŏng anôk anei leh anăn phung dôk hlăm anôk anei, leh anăn ih bi luă gŭ leh ih pô ti anăp Kâo, leh anăn hiêk čhiăm ao ih leh anăn hia ti anăp Kâo, Kâo msĕ mơh hmư̆ leh klei ih, Yêhôwa lač.

Y-Nêhêmi 9:13

Ih trŭn dôk leh ti čư̆ Sinai, leh anăn blŭ leh hŏng diñu mơ̆ng adiê leh anăn brei leh kơ diñu klei mtrŭn djŏ, klei bhiăn sĭt, klei čih leh anăn klei mtă jăk,

Klei Mmuñ Hđăp 101:1

Kâo srăng mmuñ kơ klei khăp leh anăn klei kpă; Ơ Yêhôwa, kâo srăng mmuñ bi mni kơ Ih yơh.

Klei Mmuñ Hđăp 112:4

Klei mngač mtrang hlăm klei mmăt kơ pô kpă, kơ pô jăk, thâo pap, leh anăn kpă ênô.

Klei Mmuñ Hđăp 112:9

Hŏng ai tiê kmah ñu brei mnơ̆ng pap kơ phung ƀun ƀin, klei kpă ênô ñu dôk hlŏng lar; arăng srăng mpŭ kơ klei ñu dưi.

Klei Mmuñ Hđăp 37:26

Ñu thâo brei pap leh anăn brei arăng čan nanao, leh anăn phung anak ñu jing akŏ klei jăk jĭn.

Klei Mmuñ Hđăp 73:28

Ƀiădah jing jăk kơ kâo dôk giăm Aê Diê. Kâo brei Khua Yang Yêhôwa jing anôk kâo đuĕ dăp, čiăng kâo dưi yăl dliê jih jang bruă Ih.

Klei Bi Hriêng 21:3

Ngă klei kpă ênô leh anăn klei djŏ jing klei Yêhôwa mơak lu hĭn kơ mnơ̆ng ngă yang.

Khua Pô Mtô 12:13

Brei drei hmư̆ klei bi ruê̆ kơ jih jang klei bi hriăm anei: Huĭ mpŭ bĕ kơ Aê Diê leh anăn djă pioh klei Ñu mtă; kyuadah klei anăn jing jih klei djŏ brei mnuih ngă.

Y-Êsai 56:1

Snei Yêhôwa lač: “Djă pioh bĕ klei djŏ, leh anăn ngă bĕ klei kpă ênô, kyuadah klei Kâo bi mtlaih giăm truh leh, leh anăn klei kpă ênô Kâo srăng djăl bi êdah.

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Êsai 66:2

Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.

Y-Yêrêmi 22:16

Ñu phat kđi hŏng klei kpă klei phung ƀun ƀin leh anăn knap mñai; snăn klei jăk jĭn truh kơ ñu. ‘Amâo djŏ hĕ klei ngă snăn jing klei thâo kral Kâo,’ Yêhôwa lač?

Y-Yêrêmi 22:3

Snei Yêhôwa lač: Ngă bĕ klei kpă ênô leh anăn klei djŏ, leh anăn bi mtlaih bĕ mơ̆ng kngan pô ktư̆ juă pô arăng tlĕ leh mnơ̆ng ñu. Leh anăn đăm ngă klei soh amâodah klei ƀai ôh kơ phung tue, kơ phung anak êrĭt ama, leh anăn kơ phung mniê djiê ung, kăn tuh hlăm anôk anei rei êrah pô amâo mâo soh.

Y-Yêrêmi 9:23

Snei Yêhôwa lač: “Đăm brei mnuih thâo mĭn bi mni kơ klei thâo mĭn ñu pô ôh, đăm brei mnuih ktang bi mni kơ klei ktang ñu pô ôh, đăm brei mnuih mdrŏng bi mni kơ klei mdrŏng ñu pô ôh;

Klei Čŏk Hia 3:26

Jing klei jăk dôk čang guôn hŏng klei ñăt kriêp klei bi mtlaih mơ̆ng Yêhôwa.

Y-Êsêkiêl 16:63

čiăng kơ ih dưi hdơr leh anăn mâo klei hêñ, leh anăn amâo lŏ ha ƀăng êgei ih ôh kyua klei ih hêñ, tơdah Kâo pap brei kơ ih jih jang klei ih ngă leh.” Yêhôwa Aê Diê lač.

Y-Êsêkiêl 33:14

Msĕ mơh, tơdah Kâo lač kơ pô soh, ‘Sĭt nik ih srăng djiê,’ ƀiădah tơdah ñu wir đuĕ mơ̆ng klei soh ñu, leh anăn ngă klei kpă leh anăn klei djŏ,

Y-Đaniel 4:37

Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.

Y-Ôsê 12:6

“Bi ih, hŏng klei Aê Diê đru, lŏ wĭt bĕ, djă bi kjăp klei khăp leh anăn klei kpă, leh anăn dôk čang guôn nanao kơ Aê Diê ih.”

Y-Ôsê 6:6

Kyuadah Kâo čiăng klei pap, amâo djŏ mnơ̆ng ngă yang, klei thâo kral Aê Diê, amâo djŏ ôh mnơ̆ng myơr čuh.

Bruă Lêwi 26:41

snăn Kâo êbat mdê hŏng klei diñu čiăng leh anăn atăt ba diñu kơ čar phung roh diñu; hlăk anăn tơdah ai tiê diñu amâo khăt klĭt ôh srăng luă gŭ leh anăn diñu tla nư klei wê diñu,

Y-Amôs 5:24

Ƀiădah brei klei kpă klŭng trŭn msĕ si êa, leh anăn klei kpă ênô msĕ si sa hnoh êa đoh nanao.

Y-Mika 6:9

Asăp Yêhôwa ur kơ ƀuôn prŏng — leh anăn klei huĭ mpŭ kơ anăn ih jing klei thâo mĭn — “Hmư̆ bĕ giê čăm leh anăn Pô čuăn klei anăn.

Y-Sôphôni 2:3

Duah bĕ Yêhôwa, Ơ jih jang diih phung luă gŭ hlăm čar, phung ngă tui si klei Ñu mtă; duah bĕ klei kpă ênô, duah bĕ klei luă gŭ; năng ai arăng srăng mdăp diih hlăm hruê klei Yêhôwa ngêñ.

Y-Sakari 7:9

“Snei Yêhôwa kơ phung kahan lač, ‘Phat kđi bĕ hŏng klei djŏ; bi êdah klei êmhač leh anăn klei pap hdơ̆ng grăp čô ayŏng adei ñu.

Y-Mathiơ 5:3

“Jăk mơak yơh phung ƀun ƀin hlăm mngăt ai tiê, kyuadah ƀuôn ala mtao adiê pioh kơ diñu.

Y-Mathiơ 5:7

Jăk mơak yơh phung thâo pap, kyuadah Aê Diê srăng pap kơ diñu.

Y-Luk 10:42

Mâo sa klei jăk hĭn. H'Mari ruah mă leh klei anăn, leh anăn arăng amâo srăng sua mă mơ̆ng gơ̆ ôh.”

Y-Luk 11:42

Ƀiădah knap mñai yơh kơ diih, Ơ phung Pharisi! Kyuadah diih myơr sa kdrêč hlăm pluh êč, êbai, leh anăn jih djam rơ̆k, ƀiădah amâo uêñ ôh kơ klei kpă leh anăn kơ klei Aê Diê khăp. Klei anei brei diih ngă, leh anăn ăt ngă mơh klei mkăn.

Y-Luk 12:14

Ƀiădah Yêsu lač kơ ñu, “Ơ mnuih, hlei brei Kâo jing khua phat kđi amâodah pô bi mbha ngăn dưn diih?”

Y-Luk 6:36

Brei diih thâo pap msĕ si Ama diih thâo pap.”

Hră Y-Pôl Mơĭt kơ Phung Rôm 7:16

Snăn tơdah kâo ngă klei kâo amâo čiăng ôh, kâo tŭ kơ klei bhiăn jing jăk.

Hră Y-Pôl Mơĭt kơ Phung Rôm 9:20

Ƀiădah hlei ih jing, Ơ mnuih, čiăng bi tăng hŏng Aê Diê? Dưi mơ̆ lŭ lač kơ pô mmai gơ̆, “Si ngă ih mjing kâo msĕ snei?”

I Kôrantô 7:16

Ơ mniê, si ih thâo thâodah ih srăng bi mtlaih ung ih? Ơ êkei, si ih thâo thâodah ih srăng bi mtlaih mô̆ ih?

Êphêsô 4:32

Brei diih ngă jăk hdơ̆ng diih pô, bŏ hŏng klei thâo pap, bi pap brei hdơ̆ng diih, msĕ si Aê Diê pap brei leh kơ diih hlăm Krist.

Klei Mtô Mñă Klei Bhiăn 27:10

Snăn brei diih gưt asăp kơ Yêhôwa Aê Diê diih, djă pioh klei Ñu mtă leh anăn klei bhiăn Ñu kâo brei leh kơ diih hruê anei.”

Klei Mtô Mñă Klei Bhiăn 30:15

Nĕ anei kâo bi êdah hruê anei ti anăp diih klei hdĭp leh anăn klei čăt đĭ lu, klei djiê leh anăn klei rai luč.

Kôlôs 3:12

Snăn kyuadah diih jing phung Aê Diê ruah leh, jing phung doh jăk leh anăn phung Aê Diê khăp, hơô bĕ klei thâo pap, ai tiê jăk, klei luă gŭ, klei êdu êun, leh anăn klei gĭr.

II Têsalônik 2:16

Ară anei akâo kơ Khua Yang drei Yêsu Krist pô, leh anăn Aê Diê Ama drei, Pô khăp kơ drei leh anăn brei leh kơ drei hŏng klei pap klei bi juh hlŏng lar leh anăn čang hmăng jăk,

Y-Yakơ 2:20

Ơ mnuih mluk, ih čiăng thâo kơ klei đăo amâo mâo bruă bi êdah ôh jing hơăi mang?

Y-Yôsuê 24:14

Snăn ară anei huĭ mpŭ bĕ kơ Yêhôwa, leh anăn mă bruă kơ Ñu hŏng klei ênuah leh anăn hŏng klei sĭt suôr. Hwiê hĕ phung yang phung aê diih đưm mă leh bruă ti nah yŭ Êa Krông Ơphrat leh anăn hlăm čar Êjip, leh anăn mă bruă bĕ kơ Yêhôwa.

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.

I Y-Samuel 12:23

Bi kâo dê, êbeh kơ anăn, hơăi kâo amâo srăng ngă soh ôh hŏng Yêhôwa tơdah mdei hĕ wah lač kyua diih. Kâo srăng mtô kơ diih êlan jăk leh anăn êlan kpă.

I Y-Samuel 15:22

Y-Samuel lač, “Yêhôwa ƀuh mơ̆ klei mơak hlăm mnơ̆ng myơr čuh leh anăn mnơ̆ng ngă yang msĕ si hlăm klei gưt asăp kơ Yêhôwa? Nĕ anei, klei gưt asăp jing jăk hĭn kơ klei ngă yang, leh anăn klei dôk hmư̆ jing jăk hĭn kơ prăi biăp knô.