Y-Mika 6:7 - Klei Aê Diê Blŭ 2015

⁷ Yêhôwa srăng mơak mơ̆ hŏng lu êbâo drei biăp knô, hŏng lu klăk klai hnoh êa boh ôliwơ mơ̆? Kâo srăng myơr mơ̆ anak kâo kkiêng tal êlâo kyua klei kâo gao klei bhiăn, boh mơ̆ng tian prôč kâo kyua klei soh mngăt kâo?”

Y-Mika 6:7 Iomraidhean Croise

II Bruă Mtao 16:3

Ƀiădah ñu êbat hlăm êlan phung mtao Israel. Wăt ñu čuh leh anak êkei ñu jing mnơ̆ng myơr, jing sa mta klei Yêhôwa bi êmut snăk phung găp djuê ngă, phung Yêhôwa suôt leh ti anăp phung ƀuôn sang Israel.

II Bruă Mtao 21:6

Ñu čuh anak êkei ñu jing mnơ̆ng myơr, leh anăn ñu ngă klei hưn êlâo leh anăn klei mdian, leh anăn mă bruă mbĭt hŏng phung mjâo leh anăn phung mdian. Ñu ngă lu klei jhat ti anăp ală Yêhôwa, mčhur Gơ̆ ngêñ.

II Bruă Mtao 23:10

Ñu bi čhŏ anôk Tôphet hlăm tlung phung anak êkei Y-Hinôm, čiăng kơ amâo mâo sa čô ôh dưi čuh anak êkei ñu amâodah anak mniê ñu jing mnơ̆ng myơr kơ yang Môlek.

II Bruă Mtao 3:27

Snăn ñu mă anak êkei ñu tal êlâo, pô srăng kiă kriê čuê ñu, myơr gơ̆ jing mnơ̆ng myơr čuh ti dlông mnư̆. Leh anăn mâo klei ngêñ ktang truh kơ phung Israel; leh anăn diñu đuĕ mơ̆ng mtao Môap leh anăn wĭt kơ čar diñu pô.

Y-Yôp 29:6

êjai knhuang kâo êbat bŏ hŏng êa ksâo êmô, leh anăn boh tâo bi kbiă hnoh êa boh ôliwơ.

Klei Mmuñ Hđăp 50:9

Kâo amâo srăng tŭ ôh êmô knô mơ̆ng sang diih, kăn tŭ rei bê knô mơ̆ng war biăp diih.

Klei Mmuñ Hđăp 51:16

Kyuadah Ih amâo mơak ôh hŏng klei ngă yang; tơdah kâo myơr kơ Ih mnơ̆ng myơr čuh, mnơ̆ng anăn amâo bi mơak kơ Ih ôh.

Klei Mmuñ Hđăp 51:18

Ngă jăk bĕ kơ ƀuôn Siôn hlăm klei Ih čiăng jăk; lŏ mdơ̆ng mnư̆ ƀuôn Yêrusalem.

Klei Bi Hriêng 15:8

Yêhôwa bi êmut kheh kơ mnơ̆ng phung ƀai ngă yang, ƀiădah klei phung kpă wah lač bi mơak kơ Ñu.

Klei Bi Hriêng 21:3

Ngă klei kpă ênô leh anăn klei djŏ jing klei Yêhôwa mơak lu hĭn kơ mnơ̆ng ngă yang.

Y-Êsai 1:1

Klei Y-Êsai, anak êkei Y-Amôt bi ƀuh djŏ kơ čar Yuđa leh anăn kơ ƀuôn Yêrusalem hlăm ênuk Y-Usia, Y-Jôtham, Y-Ahas, leh anăn Y-Hêsêkia phung mtao Yuđa kiă kriê.

Y-Êsai 40:16

Čar Liƀan amâo djăp ôh djuh kơ pui ƀơ̆ng, leh anăn jih jang hlô mnơ̆ng ñu kăn djăp rei jing mnơ̆ng myơr čuh.

Y-Yêrêmi 19:5

Leh anăn diñu mdơ̆ng anôk dlông kơ yang Baal čiăng čuh anak êkei diñu hlăm pui jing mnơ̆ng myơr čuh kơ yang Baal, klei anăn Kâo amâo tuôm mtă kăn tuôm hrŭn rei, kăn Kâo tuôm mĭn kơ klei anăn rei.’

Y-Yêrêmi 6:20

Ya tŭ dưn kơ Kâo klei diñu čuh êa ƀâo mngưi mơ̆ng čar Sêba, amâodah mnơ̆ng ƀâo mngưi mơ̆ng čar kbưi? Dŏ diih myơr mnơ̆ng čuh Kâo amâo tŭ ôh, mnơ̆ng diih ngă yang kăn bi mơak kơ Kâo rei.”

Y-Yêrêmi 7:31

Leh anăn diñu mdơ̆ng lu anôk dlông Tôphet, dôk hlăm tlung anak êkei Y-Hinôm, čiăng myơr čuh phung anak êkei leh anăn phung anak mniê diñu hlăm pui; klei anăn Kâo amâo tuôm mtă ôh, kăn Kâo tuôm mĭn kơ klei anăn rei.”

Y-Êsêkiêl 23:37

Kyuadah diñu tlĕ piu leh, leh anăn kngan diñu čhŏ leh hŏng klei tuh êrah; diñu tlĕ piu leh hŏng rup yang diñu; wăt diñu myơr mnơ̆ng ƀơ̆ng huă kơ rup yang anăn, jing phung anak diñu kkiêng leh kơ Kâo.

Y-Ôsê 5:6

Mbĭt hŏng biăp bê leh anăn êmô diñu srăng nao duah Yêhôwa, ƀiădah diñu amâo srăng ƀuh gơ̆ ôh; gơ̆ kbiă đuĕ leh mơ̆ng diñu.

Y-Ôsê 6:6

Kyuadah Kâo čiăng klei pap, amâo djŏ mnơ̆ng ngă yang, klei thâo kral Aê Diê, amâo djŏ ôh mnơ̆ng myơr čuh.

Bruă Lêwi 18:21

Đăm brei ôh sa čô hlăm phung anak ih čiăng jao gơ̆ brei pui ƀơ̆ng kơ yang Môlok, kyuanăn ih bi čhŏ anăn Aê Diê ih. Kâo jing Yêhôwa.

Bruă Lêwi 20:1

Yêhôwa lač kơ Y-Môis,

Y-Amôs 5:22

Wăt tơdah diih myơr kơ Kâo mnơ̆ng myơr čuh leh anăn mnơ̆ng myơr kpŭng ƀhĭ, Kâo amâo srăng tŭ dŏ anăn ôh. Kâo amâo srăng uêñ ôh kơ mnơ̆ng êmŏng diih myơr kơ klei êđăp ênang.

Y-Philêmôn 1:12

Kâo tiŏ nao ñu lŏ wĭt kơ ih, jing tiŏ nao ai tiê kâo pô yơh.

Phung Khua Phat Kđi 11:31

snăn, ya mnơ̆ng kbiă mơ̆ng ƀăng bhă sang kâo čiăng bi tuôm hŏng kâo tơdah kâo wĭt dưi bi blah hŏng phung Amôn, srăng pioh kơ Yêhôwa, leh anăn kâo srăng myơr ñu jing mnơ̆ng myơr čuh.”

Phung Khua Phat Kđi 11:39

Tloh dua mlan gơ̆ lŏ wĭt kơ ama gơ̆, leh anăn ama gơ̆ ngă tui si klei ñu ƀuăn leh. Gơ̆ ka tuôm hŏng êkei ôh. Mơ̆ng klei anăn mâo sa klei bhiăn hlăm čar Israel

I Y-Samuel 15:22

Y-Samuel lač, “Yêhôwa ƀuh mơ̆ klei mơak hlăm mnơ̆ng myơr čuh leh anăn mnơ̆ng ngă yang msĕ si hlăm klei gưt asăp kơ Yêhôwa? Nĕ anei, klei gưt asăp jing jăk hĭn kơ klei ngă yang, leh anăn klei dôk hmư̆ jing jăk hĭn kơ prăi biăp knô.