Y-Mika 6:5 - Klei Aê Diê Blŭ 2015

⁵ Ơ ƀuôn sang Kâo, brei ih hdơr ya klei Y-Balak mtao čar Môap kčĕ, leh anăn ya klei Y-Balaam anak êkei Y-Bêor lŏ wĭt lač kơ ñu; leh anăn hdơr bĕ ya truh leh mơ̆ng ƀuôn Sitim truh ti ƀuôn Gilgal, čiăng kơ ih thâo bruă kpă Yêhôwa ngă.”

Y-Mika 6:5 Iomraidhean Croise

Klei Mmuñ Hđăp 111:4

Ñu brei arăng hdơr kơ bruă yuôm bhăn Ñu ngă leh; Yêhôwa jing jăk leh anăn thâo pap.

Klei Mmuñ Hđăp 143:11

Kyua anăn Ih, Ơ Yêhôwa, mgang klei hdĭp kâo; hlăm klei kpă ênô Ih, bi mtlaih mngăt kâo mơ̆ng klei rŭng răng.

Klei Mmuñ Hđăp 36:10

Brei klei Ih khăp dôk nanao kơ phung thâo kral Ih, leh anăn brei klei kpă ênô Ih kơ phung mâo ai tiê kpă.

Klei Mmuñ Hđăp 71:19

Klei kpă ênô Ih, Ơ Aê Diê, truh ti adiê dlông. Ih ngă leh lu bruă prŏng, Ơ Aê Diê, hlei jing msĕ si Ih?

Y-Êsai 1:27

Arăng srăng bi tui ƀuôn Siôn hŏng klei kpă, leh anăn bi tui mơh phung kmhal kơ klei soh hlăm ñu hŏng klei kpă ênô.

Klei Yap 22:41

Tơl si mgi Y-Balak atăt Y-Balaam brei ñu nao ti Bamôt-Baal, leh anăn mơ̆ng anôk anăn Y-Balaam dưi ƀuh đa đa phung ƀuôn sang Israel.

Klei Yap 23:27

Y-Balak lač kơ Y-Balaam, “Hriê bĕ, kâo srăng atăt ih kơ anôk mkăn; năng ai Aê Diê brei ih dưi tăm pah kơ diñu mơ̆ng anôk anăn.”

Klei Yap 25:1

Êjai phung Israel dôk ti Sitim phung ƀuôn sang dơ̆ng ngă klei knhông hŏng phung mniê Môap.

Klei Yap 25:2

Phung mniê anei jak phung ƀuôn sang Israel kơ klei ngă yang hŏng phung yang diñu, leh anăn phung ƀuôn sang ƀơ̆ng huă leh anăn buôn kkuh ti anăp yang diñu.

Klei Yap 31:16

Nĕ phung anei hŏng klei Y-Balaam kčĕ brei phung ƀuôn sang Israel ngă klei knhông ti anăp Yêhôwa hlăm bruă yang Pêôr, kyua anăn klei ruă djiê tưp truh kơ phung Yêhôwa bi kƀĭn.

Klei Yap 31:8

Diñu bi mdjiê phung mtao Madian mbĭt hŏng phung diñu bi mdjiê leh, Y-Êwi, Y-Rêkem, Y-Sur, Y-Hur, leh anăn Y-Rêba, êma čô mtao phung Madian. Diñu bi mdjiê msĕ mơh Y-Balaam anak êkei Y-Bêor hŏng đao gưm.

Klei Yap 33:49

Diñu jưh giăm êa krông Yurdan dơ̆ng mơ̆ng Bet-Jêsamôt truh ti Aƀel-Sitim hlăm lăn dap Čar Môap.

Êphêsô 2:11

Kyuanăn hdơr bĕ mphŭn dô tui si kđeh diih jing tue, phung khăt klĭt tui si kngan mnuih ngă hlăm kđeh pia kơ diih phung amâo khăt klĭt ôh.

Klei Mtô Mñă Klei Bhiăn 16:3

Đăm ƀơ̆ng ôh mnơ̆ng myơr anăp mbĭt ôh kpŭng mâo kpei; êjai kjuh hruê brei diih ƀơ̆ng mbĭt hŏng kpŭng amâo mâo kpei, jing kpŭng klei knap — kyuadah diih kbiă leh mơ̆ng ala čar Êjip hŏng klei đuĕ ruăt yơh — čiăng kơ jih jang hruê diih dôk hdĭp diih dưi hdơr kơ hruê diih kbiă mơ̆ng čar Êjip.

Klei Mtô Mñă Klei Bhiăn 23:6

Đăm duah ôh klei êđăp ênang kơ diñu amâodah klei diñu čăt đĭ lu jih jang ênuk diih dôk hdĭp.

Klei Mtô Mñă Klei Bhiăn 8:18

Brei diih hdơr kơ Yêhôwa Aê Diê diih, kyuadah Ñu yơh Pô brei klei dưi mâo klei mdrŏng; čiăng kơ Ñu dưi bi sĭt klei bi mguôp Ñu kat asei leh kơ phung aê đưm diih, msĕ si diih ƀuh hruê anei.

Klei Mtô Mñă Klei Bhiăn 8:2

Brei diih hdơr kơ jih jang êlan Yêhôwa Aê Diê diih atăt diih êjai pă pluh thŭn anei hlăm kdrăn tač, čiăng bi luă gŭ diih, lông dlăng diih čiăng thâo ya mâo hlăm ai tiê diih, thâodah diih srăng djă pioh klei Ñu mtă amâodah hơăi.

Klei Mtô Mñă Klei Bhiăn 9:7

“Brei diih hdơr leh anăn đăm wơr bĭt ôh klei diih mčhur leh ai ngêñ Yêhôwa Aê Diê diih hlăm kdrăn tač; mơ̆ng hruê ih kbiă leh mơ̆ng čar Êjip tơl diih truh kơ anôk anei, ih tuôm bi kdơ̆ng leh hŏng Yêhôwa.

Y-Yôsuê 2:1

Y-Yôsuê, anak êkei Y-Nun tiŏ nao hŏng klei hgăm dua čô knuă ƀuôn Sitim, lač, “Nao bĕ, ksiêm dlăng čar, boh nik nak ƀuôn Yêrikô.” Diñu đuĕ nao leh anăn truh hlăm sang sa čô mniê knhông bi anăn H'Rahap, leh anăn diñu đăm ti anăn.

Y-Yôsuê 3:1

Aguah ưm Y-Yôsuê kgŭ đuĕ nao mơ̆ng Sitim mbĭt hŏng jih jang ƀuôn sang Israel. Diñu truh ti êa krông Yurdan leh anăn đăm ti anăn êlâo diñu găn.

Y-Yôsuê 4:19

Phung ƀuôn sang kbiă đĭ mơ̆ng êa krông Yurdan hruê tal pluh mlan tal sa, leh anăn diñu mjưh đăm ti Gilgal, tĭng nah ngŏ ƀuôn Yêrikô.

II Y-Pêtrôs 2:15

Êjai diñu hngah êlan kpă, diñu klah đuĕ leh. Diñu tui hlue leh êlan Y-Balaam anak êkei Y-Bôsôr, pô khăp ênoh mưn kơ bruă soh.

I Y-Yôhan 1:9

Tơdah drei hưn klei soh drei, Ñu jing sĭt suôr leh anăn kpă, srăng pap brei klei soh drei leh anăn bi doh hĕ drei mơ̆ng jih jang klei wê.

Y-Yut 1:11

Knap mñai yơh kơ diñu! Kyuadah diñu tui hlue êlan Y-Kain, leh anăn jao diñu pô kơ klei ƀơ̆ng ngăn tui si klei soh Y-Balaam, leh anăn rai luč hŏng klei Y-Kôrê bi kdơ̆ng.

Klei Bi Êdah 2:14

Ƀiădah Kâo mâo đa đa klei hŏng ih: ih mâo tinăn đa đa mnuih tui hlue klei Y-Balaam mtô. Ñu bi hriăm Y-Balak ngă sa klei mplư bi têč hnêč kơ phung anak čô Israel, čiăng kơ digơ̆ ƀơ̆ng mnơ̆ng arăng myơr leh kơ rup yang leh anăn ngă klei knhông.

Phung Khua Phat Kđi 11:25

Ih jing jăk hĭn kơ Y-Balak anak êkei Y-Sipôr mtao čar Môap mơ̆? Ñu tuôm bi tăng amâodah tuôm bi blah hŏng phung Israel mơ̆?

Phung Khua Phat Kđi 5:11

Bi mđrăm hŏng asăp phung mmuñ ti anôk mbông êa, tinăn diñu lŏ răk bruă kpă Yêhôwa, bruă kpă phung ƀuôn sang Ñu hlăm čar Israel. Hlăk anăn phung ƀuôn sang Yêhôwa êbat trŭn kơ ƀăng jang ƀuôn.

I Y-Samuel 12:7

Kyuanăn ară anei, dôk êđăp ênang bĕ, čiăng kơ kâo dưi kwưh kơ diih ti anăp Yêhôwa kyua jih jang bruă Yêhôwa bi mtlaih ñu ngă leh kơ diih leh anăn kơ phung aê diih đưm.