Y-Mika 6:4 - Klei Aê Diê Blŭ 2015

⁴ Kyuadah Kâo atăt ih kbiă leh mơ̆ng čar Êjip, bi tui ih leh mơ̆ng sang jing hlŭn; leh anăn Kâo tiŏ nao leh ti anăp ih Y-Môis, wăt Y-Arôn leh anăn H'Miriam msĕ mơh.

Y-Mika 6:4 Iomraidhean Croise

II Y-Samuel 7:23

Hlei găp djuê mkăn ti lăn ala jing msĕ si phung ƀuôn sang Ih phung Israel, phung Aê Diê bi tui leh brei jing phung ƀuôn sang Ñu pô, čiăng bi hing ang Ñu pô, leh anăn ngă kơ diñu klei yuôm bhăn leh anăn klei bi huĭ, êjai suôt ti anăp phung ƀuôn sang Ñu phung găp djuê wăt phung yang diñu, ti anăp phung ƀuôn sang Ih, phung Ih bi tui leh mơ̆ng čar Êjip?

Klei Mmuñ Hđăp 77:20

Ih atăt ba phung ƀuôn sang Ih msĕ si sa phung biăp, hŏng kngan Y-Môis leh anăn Y-Arôn.

Klei Kbiă 12:51

Hruê anăn mơh Yêhôwa atăt bi kbiă phung ƀuôn sang Israel mơ̆ng čar Êjip, dăp msĕ si kahan.

Klei Kbiă 20:2

“Kâo jing Yêhôwa Aê Diê ih, Pô atăt ih kbiă leh mơ̆ng čar Êjip, mơ̆ng sang klei jing hlŭn.

Klei Kbiă 3:10

Hriê bĕ, Kâo srăng tiŏ ih nao kơ Pharaôn čiăng kơ ih dưi brei phung ƀuôn sang Kâo, phung anak Israel, kbiă mơ̆ng čar Êjip.”

Klei Kbiă 4:10

Ƀiădah Y-Môis lač kơ Yêhôwa, “Ơ Khua Yang, kâo amâo jing sa čô mnuih thâo blŭ siam ôh, kăn djŏ rei êlâo êdei kơ klei Ih blŭ kơ dĭng buăl Ih; kyuadah ƀăng êgei kâo leh anăn êlah kâo êmưt blŭ.”

Klei Kbiă 4:16

Ñu srăng blŭ kơ phung ƀuôn sang hrô anôk ih; ñu srăng jing ƀăng êgei kơ ih, leh anăn ih srăng jing msĕ si Aê Diê kơ ñu.

Klei Kbiă 6:27

Diñu yơh, Y-Môis leh anăn Y-Arôn, blŭ kơ Pharaôn mtao Êjip čiăng atăt phung ƀuôn sang mơ̆ng čar Êjip.

Y-Yêrêmi 32:21

Ih atăt ba leh phung ƀuôn sang Ih Israel kbiă mơ̆ng čar Êjip mâo klei bi knăl leh anăn klei yuôm bhăn, hŏng kngan ktang leh anăn păl yơr leh, leh anăn hŏng klei bi huĭ prŏng.

Y-Amôs 2:10

Msĕ mơh Kâo bi kbiă diih leh mơ̆ng čar Êjip, leh anăn atăt diih êjai pă pluh thŭn hlăm kdrăn tač, čiăng kơ diih mă bha čar phung Amôrit.

Klei Yap 12:1

H'Miriam leh anăn Y-Arôn blŭ bi kdơ̆ng hŏng Y-Môis kyua gơ̆ dôk mô̆ leh sa čô mniê Kus.

Klei Yap 33:1

Anei dŭm anôk phung ƀuôn sang Israel hiu êbat, tơdah diñu kbiă mơ̆ng čar Êjip tui si phung kahan diñu ti gŭ klei Y-Môis leh anăn Y-Arôn atăt gai.

Bruă Phung Khua Ƀĭng Kna 7:36

Y-Môis yơh jing pô atăt digơ̆ kbiă. Ñu ngă leh lu klei yuôm bhăn myang leh anăn klei bi knăl hlăm čar Êjip, ti Êa Ksĭ Hrah, leh anăn hlăm kdrăn tač êjai pă pluh thŭn.

Klei Mtô Mñă Klei Bhiăn 15:15

Brei diih hdơr kơ klei diih jing leh hlŭn hlăm čar Êjip, leh anăn Yêhôwa Aê Diê diih bi tui leh diih; kyuanăn hruê anei kâo mtă kơ diih klei anei.

Klei Mtô Mñă Klei Bhiăn 24:18

Ƀiădah brei diih hdơr klei diih jing leh hlŭn hlăm čar Êjip leh anăn Yêhôwa Aê Diê diih bi tui leh diih mơ̆ng anôk anăn; kyuanăn kâo mtă kơ ih ngă klei anei.

Klei Mtô Mñă Klei Bhiăn 4:20

Ƀiădah Yêhôwa mă diih leh, leh anăn atăt diih kbiă mơ̆ng kpur pui msei, mơ̆ng čar Êjip, brei jing sa phung ƀuôn sang jing dŏ Ñu pô, msĕ si diih jing hruê anei.

Klei Mtô Mñă Klei Bhiăn 4:34

Amâodah tuôm mâo mơ̆ sa čô yang lông hriê mă kơ ñu pô sa găp djuê mnuih mơ̆ng ti krah sa găp djuê mkăn hŏng klei bi lông, hŏng klei bi knăl, hŏng bruă yuôm bhăn, leh anăn hŏng klei bi blah, hŏng kngan myang leh anăn yơr leh, leh anăn hŏng klei bi huĭ prŏng msĕ si jih jang klei Yêhôwa Aê Diê diih ngă leh kơ diih hlăm čar Êjip ti anăp ală diih?

Klei Mtô Mñă Klei Bhiăn 5:6

‘Kâo jing Yêhôwa Aê Diê ih, Pô bi kbiă ih leh mơ̆ng čar Êjip, mơ̆ng sang klei jing hlŭn.

Klei Mtô Mñă Klei Bhiăn 7:8

kyuadah Yêhôwa khăp kơ diih leh anăn djă pioh klei ƀuăn Ñu kat asei leh kơ phung aê đưm diih, Yêhôwa atăt leh diih kbiă hŏng kngan myang, leh anăn bi tui diih mơ̆ng sang jing hlŭn, mơ̆ng kngan Pharaôn mtao čar Êjip.

Klei Mtô Mñă Klei Bhiăn 9:26

Leh anăn kâo wah lač kơ Yêhôwa, ‘Ơ Khua Yang Aê Diê, đăm bi rai ôh phung ƀuôn sang Ih leh anăn ngăn dưn Ih, phung Ih bi tui leh hŏng klei prŏng Ih, phung Ih atăt leh kbiă mơ̆ng čar Êjip hŏng kngan myang.

I Y-Samuel 12:6

Y-Samuel lač kơ phung ƀuôn sang, “Yêhôwa jing Pô mdưm leh Y-Môis leh anăn Y-Arôn, leh anăn atăt phung aê diih đưm kbiă mơ̆ng čar Êjip.