Y-Mika 6:2 - Klei Aê Diê Blŭ 2015

² Ơ phung čư̆ leh anăn diih atur kjăp kơ lăn ala, hmư̆ bĕ klei Yêhôwa kčŭt. Kyuadah Yêhôwa mâo klei hŏng phung ƀuôn sang Ñu; Ñu srăng bi tăng hŏng phung Israel.

Y-Mika 6:2 Iomraidhean Croise

II Y-Samuel 22:16

Leh anăn mnuôr êa ksĭ bi êdah leh, tur lăn ala bi êdah leh, tơdah Yêhôwa ƀuah, tơdah mâo ênai bi êwa mơ̆ng ƀăng adŭng Ñu.

II Y-Samuel 22:8

Hlăk anăn lăn ala êyuh leh anăn ktư̆ yơ̆ng; atur adiê ktư̆ yơ̆ng leh anăn mgei, kyuadah Ñu ngêñ.

Klei Mmuñ Hđăp 104:5

Ih dưm lăn ala ti dlông atur gơ̆, čiăng kơ gơ̆ amâo tuôm mgei ôh.

Klei Bi Hriêng 8:29

tơdah Ñu bi kčah kdriêl kơ êa ksĭ, čiăng kơ êa amâo gao ôh klei Ñu mkă, tơdah Ñu dưm atur lăn ala.

Y-Êsai 1:18

Yêhôwa lač, “Hriê bĕ, brei drei ksiêm mđrăm mbĭt. Wăt tơdah klei soh diih jing hrah huč, diñu srăng jing kô̆ msĕ si pliêr; wăt tơdah diñu jing hrah jŭ, diñu srăng jing kô̆ msĕ si mlâo biăp.

Y-Êsai 3:13

Yêhôwa dôk ti anôk Ñu phat kđi; Ñu dôk dơ̆ng čiăng phat kđi phung ƀuôn sang Ñu.

Y-Êsai 43:26

Bi hdơr bĕ kơ Kâo, brei drei bi mgăl mđrăm mbĭt; bi êdah bĕ klei diih mĭn diih ênuah ênô.

Y-Êsai 5:3

Snăn ară anei, Ơ phung dôk hlăm ƀuôn Yêrusalem leh anăn phung êkei čar Yuđa, phat kđi bĕ Kâo hŏng đang boh kriăk ƀâo Kâo.

Y-Yêrêmi 2:9

“Kyuanăn Kâo ăt bi tăng hŏng diih,” Yêhôwa lač, “leh anăn Kâo srăng bi tăng hŏng phung čô anak diih mơh.

Y-Yêrêmi 25:31

Arăng srăng hmư̆ ênai hao hao truh ti knhal lăn ala, kyuadah Yêhôwa mâo klei hŏng jih jang phung găp djuê mnuih; Ñu dơ̆ng phat kđi jih jang mnuih, leh anăn Ñu srăng bi mdjiê phung ƀai hŏng đao gưm,’ ” Yêhôwa lač.

Y-Yêrêmi 31:37

Snei Yêhôwa lač: “Knŏng tơdah arăng dưi mkă phung adiê ti dlông, leh anăn knŏng tơdah arăng dưi ksiêm atur lăn ala ti gŭ, hlăk anăn Kâo srăng bi luč hĕ jih jang phung anak čô Israel kyua jih jang klei diñu ngă leh,” Yêhôwa lač.

Y-Ôsê 12:2

Yêhôwa mâo klei kčŭt kơ Yuđa, leh anăn srăng bi kmhal Y-Yakôp tui si êlan ñu êbat, leh anăn srăng bi wĭt kơ ñu tui si bruă ñu ngă.

Y-Ôsê 12:3

Hlăm tian amĭ ñu djă ayŏng ñu ti kđul, leh anăn êjai ñu jing mnuih khua ñu bi čĭk hŏng Aê Diê.

Y-Ôsê 4:1

Dôk hmư̆ bĕ klei Yêhôwa blŭ, Ơ phung anak čô Israel, kyuadah Yêhôwa kčŭt kơ klei soh hŏng phung dôk hlăm čar: “Amâo mâo klei sĭt suôr ôh, amâo mâo klei êmhač ôh, leh anăn amâo mâo klei thâo kral Aê Diê ôh hlăm čar.

Y-Mika 6:1

Hmư̆ bĕ ya klei Yêhôwa lač: “Kgŭ bĕ ih, bi êdah bĕ klei ih ti anăp phung čư̆, leh anăn brei phung kbuôn hmư̆ asăp ih.

Klei Mtô Mñă Klei Bhiăn 32:22

Kyuadah pui klei Kâo ăl trơ̆ng leh, leh anăn pui anăn ƀơ̆ng truh ti tur Ƀuôn Phung Djiê, dôk ƀơ̆ng lăn ala leh anăn boh ñu, leh anăn brei pui ƀơ̆ng atur čư̆.

Klei Mtô Mñă Klei Bhiăn 4:26

hruê anei kâo iêô adiê leh anăn lăn ala jing mnơ̆ng hưn bi kdơ̆ng hŏng diih kơ klei diih srăng djăl luč jih mơ̆ng ala čar diih srăng găn êa krông Yurdan mă jing dŏ diih. Diih amâo srăng dôk sui tinăn ôh, ƀiădah diih srăng rai jih nguêč.