Y-Mika 6:1 - Klei Aê Diê Blŭ 2015

¹ Hmư̆ bĕ ya klei Yêhôwa lač: “Kgŭ bĕ ih, bi êdah bĕ klei ih ti anăp phung čư̆, leh anăn brei phung kbuôn hmư̆ asăp ih.

Y-Mika 6:1 Iomraidhean Croise

Klei Mmuñ Hđăp 50:1

Yêhôwa, Aê Diê Pô Myang, blŭ leh, Ñu iêô lăn ala dơ̆ng mơ̆ng anôk yang hruê ƀlĕ truh ti anôk yang hruê lĕ.

Klei Mmuñ Hđăp 50:4

Ñu iêô phung adiê ti dlông leh anăn lăn ala, čiăng kơ Ñu dưi phat kđi phung ƀuôn sang Ñu:

Y-Êsai 1:2

Ơ phung adiê, dôk hmư̆ bĕ! Ơ lăn, mđing bĕ knga! Kyuadah Yêhôwa blŭ leh: “Kâo čiêm leh anăn rông leh phung anak êkei, ƀiădah diñu bi kdơ̆ng hŏng Kâo leh.

Y-Êsai 3:13

Yêhôwa dôk ti anôk Ñu phat kđi; Ñu dôk dơ̆ng čiăng phat kđi phung ƀuôn sang Ñu.

Y-Yêrêmi 13:15

Mđing knga hmư̆ bĕ, đăm jing mgao ôh, kyuadah Yêhôwa blŭ leh.

Y-Yêrêmi 22:29

Ơ lăn, lăn, lăn, hmư̆ bĕ klei Yêhôwa blŭ!

Y-Êsêkiêl 36:1

“Bi ih, Ơ anak mnuih, hưn êlâo bĕ kơ phung čư̆ Israel leh anăn lač bĕ, ‘Ơ phung čư̆ Israel, hmư̆ bĕ klei Yêhôwa blŭ.

Y-Êsêkiêl 36:8

Ƀiădah diih, Ơ phung čư̆ Israel, srăng bi kƀiêng adhan diih leh anăn mboh kơ phung ƀuôn sang Kâo Israel; kyuadah amâo sui ôh diñu srăng lŏ wĭt kơ ƀuôn.

Y-Êsêkiêl 37:4

Ñu lŏ lač kơ kâo, “Hưn êlâo bĕ kơ phung klang anei leh anăn lač kơ diñu, ‘Ơ phung klang krô, hmư̆ bĕ klei Yêhôwa blŭ.

Y-Êsêkiêl 6:3

leh anăn lač, ‘Ơ diih phung čư̆ Israel, hmư̆ bĕ klei Yêhôwa Aê Diê blŭ! Snei klei Yêhôwa Aê Diê blŭ kơ phung čư̆ leh anăn phung kbuôn, kơ phung troh leh anăn kơ phung tlung: Nĕ anei, Kâo, Kâo pô yơh, srăng bi truh klei bi blah kơ diih, leh anăn Kâo srăng bi rai anôk dlông diih.

Y-Amôs 3:1

Ơ phung anak čô Israel, hmư̆ bĕ klei Yêhôwa blŭ bi kdơ̆ng hŏng diih, bi kdơ̆ng hŏng jih jang găp djuê Kâo bi kbiă leh mơ̆ng čar Êjip:

Y-Mika 1:2

Hmư̆ bĕ, jih jang diih phung ƀuôn sang, hmư̆ bi nik bĕ, Ơ lăn ala leh anăn jih jang mnơ̆ng hlăm ñu, brei Khua Yang Yêhôwa, Khua Yang mơ̆ng sang yang doh jăk Ñu, jing Pô hưn bi kdơ̆ng hŏng diih.

Y-Mika 1:4

Čư̆ srăng lik ti gŭ jơ̆ng ñu, tlung srăng kđang msĕ si hlĭn ti anăp pui, msĕ si êa đoh ti ping čư̆ dơ̆ng.

Y-Mika 5:15

Kâo srăng ngă klei rŭ ênua hŏng klei ăl leh anăn ngêñ kơ phung găp djuê mnuih amâo gưt asăp Kâo ôh.”

Y-Mika 6:2

Ơ phung čư̆ leh anăn diih atur kjăp kơ lăn ala, hmư̆ bĕ klei Yêhôwa kčŭt. Kyuadah Yêhôwa mâo klei hŏng phung ƀuôn sang Ñu; Ñu srăng bi tăng hŏng phung Israel.

Y-Luk 19:40

Yêsu lŏ wĭt lač, “Kâo lač kơ diih, tơdah phung anei dôk ñăt, boh tâo yơh srăng ur.”

Klei Mtô Mñă Klei Bhiăn 32:1

Mđing bĕ knga ih, Ơ adiê, leh anăn kâo srăng blŭ; brei lăn ala hmư̆ boh blŭ mơ̆ng ƀăng êgei kâo.

Klei Mtô Mñă Klei Bhiăn 4:26

hruê anei kâo iêô adiê leh anăn lăn ala jing mnơ̆ng hưn bi kdơ̆ng hŏng diih kơ klei diih srăng djăl luč jih mơ̆ng ala čar diih srăng găn êa krông Yurdan mă jing dŏ diih. Diih amâo srăng dôk sui tinăn ôh, ƀiădah diih srăng rai jih nguêč.

I Y-Samuel 12:7

Kyuanăn ară anei, dôk êđăp ênang bĕ, čiăng kơ kâo dưi kwưh kơ diih ti anăp Yêhôwa kyua jih jang bruă Yêhôwa bi mtlaih ñu ngă leh kơ diih leh anăn kơ phung aê diih đưm.

I Y-Samuel 15:16

Leh anăn Y-Samuel lač kơ Y-Sôl, “Dôk kriêp bĕ! Kâo srăng hưn kơ ih klei Yêhôwa blŭ leh kơ kâo mlam mlei.” Leh anăn ñu lač kơ gơ̆, “Blŭ bĕ.”