Y-Mika 5:8 - Klei Aê Diê Blŭ 2015

⁸ Leh anăn kdrêč adôk mơ̆ng Yakôp srăng dôk ti krah phung găp djuê mnuih, ti krah lu phung ƀuôn sang, msĕ si sa drei êmông gu ti krah hlô dliê, msĕ si sa drei êđai êmông gu ti krah lu biăp, tơdah ñu găn, ñu juă leh anăn hiêk đơ điêt, leh anăn amâo mâo pô dưi bi mtlaih ôh.

Y-Mika 5:8 Iomraidhean Croise

Klei Mphŭn Dơ̆ng 49:9

Y-Yuđa jing sa drei êđai êmông gu; Ơ dam, ih đĭ nao leh mơ̆ng mnơ̆ng ih hiêk ƀơ̆ng. Ñu buôn, ñu lua msĕ si sa drei êmông gu, msĕ si sa drei ana êmông gu; hlei pô jhŏng bi mdih ñu?

Klei Mmuñ Hđăp 104:20

Ih mjing klei mmăt, leh anăn mâo mlam, hlăk anăn jih jang hlô hlăm kmrơ̆ng kbiă hiu.

Klei Mmuñ Hđăp 44:5

Hŏng Ih hmei mdlưh phung roh hmei; hŏng anăn Ih hmei juă phung bi kdơ̆ng hŏng hmei.

Klei Mmuñ Hđăp 50:22

Brei ih thâo bi nik klei anei, Ơ pô wơr bĭt Aê Diê leh, huĭdah Kâo srăng hiêk bi rai ih, leh anăn amâo mâo pô dưi bi mtlaih ih ôh.

Klei Bi Hriêng 30:30

êmông gu jing hlô ktang hĭn kơ jih jang hlô, amâo kdŭn ti anăp hlô mkăn ôh;

Y-Êsai 5:29

Klei diñu ur driâo jing msĕ si êmông gu ana gruh; diñu ur msĕ si êđai êmông gu. Diñu gruh leh anăn mă hlô diñu, diñu djă ba mnơ̆ng diñu mă leh, amâo mâo pô dưi bi mtlaih ôh.

Y-Êsêkiêl 39:10

snăn diñu amâo lŏ čiăng kơ kyâo djuh ôh mơ̆ng dliê amâodah druôm kyâo hlăm kmrơ̆ng, kyuadah diñu srăng yua mnơ̆ng bi blah anăn mjing kơ djuh; diñu srăng plah mă phung plah mă leh diñu, leh anăn mă dŏ dô phung mă leh dŏ dô diñu, Yêhôwa Aê Diê lač.

Y-Ôsê 5:14

Kyuadah Kâo srăng jing msĕ si sa drei êmông gu kơ Êphraim, leh anăn msĕ si sa drei êđai êmông gu kơ sang Yuđa. Kâo, Kâo gơ̆ yơh, srăng hiêk ñu leh anăn đuĕ nao, Kâo srăng djă ba, leh anăn amâo mâo pô srăng dŏng ôh.

Y-Mika 2:12

“Ơ Yakôp, sĭt nik Kâo srăng bi kƀĭn jih jang ih, sĭt nik Kâo srăng bi kƀĭn Israel adôk. Kâo srăng dưm diñu mbĭt msĕ si lu biăp hlăm sa boh war, msĕ si lu biăp hlăm kdrăn rơ̆k diñu, sa phung mnuih lu bi ênai hao hao.

Y-Mika 4:13

Ơ anak mniê Siôn, kgŭ prah bĕ, kyuadah Kâo srăng brei ih mâo ki msei leh anăn kčuôp kông. Ih srăng čăm đơ điêt lu phung ƀuôn sang, leh anăn srăng jao brei ngăn dŏ diñu kơ Yêhôwa, klei mdrŏng diñu kơ Khua Yang kơ jih lăn ala.

Y-Mika 4:7

Kâo srăng brei phung đŏng dlơt jơ̆ng jing phung adôk, leh anăn brei phung arăng suôt leh jing sa găp djuê jhŏng ktang; leh anăn Yêhôwa srăng kiă kriê diñu ti čư̆ Siôn mơ̆ng anăn hlŏng lar.

Y-Mika 5:3

Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Sakari 10:5

Mđrăm mbĭt diñu srăng jing msĕ si phung jhŏng knêñ juă phung roh hlăm lŭ ti êlan dơ̆ng hlăm klei bi blah. Kyuadah Yêhôwa dôk mbĭt hŏng diñu, diñu srăng bi blah leh anăn srăng bi hêñ phung đĭ aseh.

Y-Sakari 11:6

Kyuadah Kâo amâo srăng lŏ pap kơ phung dôk hlăm čar anei ôh,” Yêhôwa lač, “Nĕ anei, Kâo srăng brei grăp čô mnuih lĕ hlăm kngan pô riêng gah gơ̆ leh anăn hlăm kngan mtao gơ̆. Diñu srăng ktư̆ juă lăn čar, leh anăn Kâo amâo srăng bi mtlaih digơ̆ ôh mơ̆ng kngan diñu.”

Y-Sakari 12:3

Ti hruê anăn Kâo srăng brei ƀuôn Yêrusalem jing sa boh tâo ktrŏ kơ jih jang phung găp djuê mnuih, tơdah hlei pô srăng pŭ yŏng gơ̆ srăng ruă kjham. Leh anăn jih jang phung găp djuê mnuih ti lăn ala srăng hriê mđrăm mbĭt bi kdơ̆ng hŏng gơ̆.

Y-Sakari 14:18

Tơdah phung ƀuôn sang čar Êjip amâo đĭ nao ôh tinăn leh anăn ngă snăn, diñu amâo srăng mâo êa hjan ôh. Yêhôwa srăng ngă kơ diñu klei knap ñu srăng ngă kơ phung găp djuê mnuih amâo đĭ nao ôh kơ ƀuôn Yêrusalem čiăng hdơr pioh Klei Knăm Sang Trưng.

Y-Sakari 9:15

Yêhôwa kơ phung kahan srăng mgang diñu, leh anăn diñu srăng bi rai leh anăn dưi êjai bhĭr boh tâo; diñu srăng mnăm leh anăn ngă hao hao msĕ si kpiê ngă kơ diñu, leh anăn diñu srăng bŏ msĕ si boh êlŭ arăng yua čiăng krih kiêng knưl ngă yang.

Y-Malaki 4:3

Leh anăn diih srăng juă phung ƀai; kyuadah diñu srăng jing hbâo ti gŭ plă jơ̆ng diih ti hruê Kâo ngă,” Yêhôwa kơ phung kahan lač.

Klei Yap 24:9

Diñu lua, diñu đih msĕ si sa drei êmông gu knô, msĕ si sa drei êmông gu ana; hlei pô srăng bi mdih diñu? Jăk mơak yơh kơ hlei pô srăng brei klei jăk jĭn kơ ih; tăm pah hĕ kơ hlei pô srăng tăm pah kơ ih.”

Y-Mathiơ 10:14

Tơdah arăng amâo jum diih amâodah amâo dôk hmư̆ klei diih blŭ ôh, êjai diih kbiă mơ̆ng sang anăn amâodah ƀuôn anăn ktuh hĕ ƀruih jơ̆ng diih.

Bruă Phung Khua Ƀĭng Kna 18:6

Phung Yuđa bi kdơ̆ng leh anăn dlao wač kơ ñu, ñu êyuh čhiăm ao ñu leh anăn lač kơ phung anăn, “Brei êrah diih lĕ ti boh kŏ diih pô. Kâo amâo jing soh hŏng diih ôh. Mơ̆ng anei kơ anăp kâo srăng nao kơ phung tue.”

Hêbrơ 12:25

Răng bĕ, đăm hngah kơ Pô dôk blŭ ôh. Kyuadah tơdah phung anăn amâo tlaih ôh klei bi kmhal tơdah diñu hngah hmư̆ pô brei diñu răng ti lăn ala, sĭt nik drei amâo srăng tlaih ôh tơdah drei hngah kơ Pô blŭ brei răng mơ̆ng adiê.

Hêbrơ 2:3

si drei srăng dưi tlaih tơdah drei amâo uêñ ôh kơ klei bi mtlaih prŏng snăn? Tal êlâo Khua Yang hưn klei bi mtlaih anăn, leh anăn phung hmư̆ leh Ñu hưn bi sĭt kơ hmei,