Y-Mika 5:7 - Klei Aê Diê Blŭ 2015

⁷ Hlăk anăn kdrêč adôk mơ̆ng Yakôp srăng dôk ti krah lu phung ƀuôn sang msĕ si êa nguôm mơ̆ng Yêhôwa, msĕ si êa hjan ti rơ̆k mda, msĕ si mnơ̆ng amâo guôn kơ mnuih ôh, kăn bi kdung hruê kơ phung anak mnuih rei.

Y-Mika 5:7 Iomraidhean Croise

II Y-Samuel 17:12

Snăn drei srăng truh kơ ñu ti anôk drei srăng ƀuh ñu, leh anăn drei srăng truh kơ ñu msĕ si êa nguôm lĕ ti lăn. Ñu leh anăn jih jang mnuih mbĭt hŏng ñu amâo mâo sa čô srăng ăt dôk ôh.

Klei Mmuñ Hđăp 110:3

Phung ƀuôn sang ih srăng myơr diñu pô kơ Ih ti hruê Ih atăt gai phung kahan Ih kơ klei bi blah. Ti dlông čư̆ doh jăk Ih, msĕ si êa nguôm ti aguah ưm phung hlăk ai Ih srăng hriê kơ Ih.

Klei Mmuñ Hđăp 133:3

Klei anăn jing msĕ si êa nguôm ti čư̆ Hermôn lĕ ti čư̆ Siôn. Kyuadah tinăn Yêhôwa hơêč hmưi klei jăk jĭn, jing klei hdĭp nanao hlŏng lar.

Klei Mmuñ Hđăp 72:6

Brei mtao jing msĕ si êa hjan lĕ hlăm kdrăn rơ̆k mrâo arăng jah, msĕ si hjan prŏng aruăt bi msah lăn ala.

Klei Bi Hriêng 19:12

Klei mtao ngêñ jing msĕ si klei êmông gu gruh, ƀiădah klei ñu pap jing msĕ si êa nguôm ti rơ̆k.

Y-Êsai 32:15

tơl Aê Diê tuh Mngăt Myang kơ drei mơ̆ng dlông, leh anăn kdrăn tač lŏ jing hma mboh, leh anăn arăng dlăng kơ hma mboh msĕ si kmrơ̆ng.

Y-Êsai 44:3

Kyuadah Kâo srăng tuh êa kơ lăn čar mhao, leh anăn hnoh êa ti lăn thu; Kâo srăng tuh Mngăt Myang Kâo ti phung anak čô diih, leh anăn klei Kâo hơêč hmưi ti phung čô čĕ diih.

Y-Êsai 55:10

Kyuadah msĕ si êa hjan leh anăn pliêr trŭn mơ̆ng adiê, amâo lŏ wĭt tinăn ôh, ƀiădah krih lăn, brei gơ̆ čăt mnơ̆ng leh anăn bi mnga, leh anăn brei mjeh kơ pô rah leh anăn mnơ̆ng ƀơ̆ng huă kơ pô ƀơ̆ng,

Y-Êsai 66:19

Kâo srăng dưm sa mnơ̆ng bi knăl ti krah diñu. Leh anăn mơ̆ng phung diñu ăt dôk Kâo srăng tiŏ nao đa đa kơ phung găp djuê mnuih, kơ phung Tarsis, phung Pul, phung Lut thâo mnah hna, phung Tubal leh anăn phung Jawan, phung plao êa ksĭ kbưi, phung amâo tuôm hmư̆ ôh klei hing ang Kâo, kăn tuôm ƀuh rei klei guh kơang Kâo; leh anăn diñu srăng hưn klei guh kơang Kâo ti krah phung găp djuê mnuih.

Y-Yêrêmi 14:22

Mâo mơ̆ phung yang amâo sĭt phung găp djuê mnuih dưi bi truh êa hjan? Amâodah dưi mơ̆ adiê bi lĕ êa hjan? Amâo djŏ hĕ Ih yơh, Ơ Yêhôwa Aê Diê hmei, dưi ngă klei anăn? Hmei dôk čang hmăng kơ Ih, kyuadah Ih yơh ngă jih klei anăn.”

Y-Êsêkiêl 14:22

Ƀiădah ăt srăng mâo phung tlaih hlăm čar ăt dôk hdĭp, phung anak êkei leh anăn anak mniê kbiă mơ̆ng čar. Diñu srăng hriê kơ diih, leh anăn tơdah diih ƀuh klei diñu dôk dơ̆ng ƀơ̆ng huă leh anăn klei diñu ngă, diih srăng mâo klei bi juh kyua klei jhat Kâo bi truh leh kơ ƀuôn anăn.

Y-Êsêkiêl 47:1

Leh klei anăn, ñu atăt kâo lŏ nao kơ ƀăng bhă sang yang; leh anăn nĕ anei, êa kbiă mơ̆ng ti gŭ mbông sang yang đoh phă ngŏ (kyuadah sang yang ƀô̆ phă ngŏ), leh anăn êa đoh trŭn mơ̆ng ti gŭ djiêô dhŭng mbông sang yang, tĭng dhŭng knưl.

Y-Êsêkiêl 5:5

Snei Yêhôwa Aê Diê lač: Anei jing ƀuôn Yêrusalem; Kâo mdơ̆ng ñu leh ti krah phung găp djuê mnuih mâo lu boh čar jŭm dar ñu.

Y-Đaniel 11:32

Ñu srăng blŭ klei myâo mă mplư phung gao klei bi mguôp; ƀiădah phung thâo kral Aê Diê digơ̆ srăng dôk kjăp leh anăn ngă klei yuôm.

Y-Ôsê 14:5

Kâo srăng jing msĕ si êa nguôm kơ phung Israel, diñu srăng bi mnga msĕ si mnga lili, diñu srăng bi agha msĕ si ana kyâo sêdar čar Liƀan.

Y-Ôsê 6:3

Brei drei thâo, brei drei hung kơ klei thâo kral Yêhôwa; klei Ñu hriê jing sĭt nik msĕ si ang dar. Ñu srăng hriê kơ drei msĕ si êa hjan, msĕ si êa hjan yan mnga krih lăn.”

Y-Yôel 2:32

Leh anăn klei anei srăng truh, jih jang hlei pô iêô wah lač kơ anăn Yêhôwa srăng tlaih; kyuadah hlăm čư̆ Siôn leh anăn Ƀuôn Yêrusalem srăng mâo phung tlaih leh, tui si Yêhôwa lač leh, hlăm phung adôk hdĭp ăt srăng mâo phung Yêhôwa iêô.

Y-Amôs 5:15

Bi êmut bĕ kơ klei jhat, leh anăn khăp bĕ kơ klei jăk, bi kjăp klei kpă ti ƀăng jang. Năng ai Yêhôwa, Aê Diê kơ phung kahan srăng pap kơ phung Yôsep adôk.

Y-Mika 2:12

“Ơ Yakôp, sĭt nik Kâo srăng bi kƀĭn jih jang ih, sĭt nik Kâo srăng bi kƀĭn Israel adôk. Kâo srăng dưm diñu mbĭt msĕ si lu biăp hlăm sa boh war, msĕ si lu biăp hlăm kdrăn rơ̆k diñu, sa phung mnuih lu bi ênai hao hao.

Y-Mika 4:13

Ơ anak mniê Siôn, kgŭ prah bĕ, kyuadah Kâo srăng brei ih mâo ki msei leh anăn kčuôp kông. Ih srăng čăm đơ điêt lu phung ƀuôn sang, leh anăn srăng jao brei ngăn dŏ diñu kơ Yêhôwa, klei mdrŏng diñu kơ Khua Yang kơ jih lăn ala.

Y-Mika 4:7

Kâo srăng brei phung đŏng dlơt jơ̆ng jing phung adôk, leh anăn brei phung arăng suôt leh jing sa găp djuê jhŏng ktang; leh anăn Yêhôwa srăng kiă kriê diñu ti čư̆ Siôn mơ̆ng anăn hlŏng lar.

Y-Mika 5:3

Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Y-Mika 5:8

Leh anăn kdrêč adôk mơ̆ng Yakôp srăng dôk ti krah phung găp djuê mnuih, ti krah lu phung ƀuôn sang, msĕ si sa drei êmông gu ti krah hlô dliê, msĕ si sa drei êđai êmông gu ti krah lu biăp, tơdah ñu găn, ñu juă leh anăn hiêk đơ điêt, leh anăn amâo mâo pô dưi bi mtlaih ôh.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Sôphôni 3:13

Phung adôk hlăm čar Israel amâo srăng ngă sa mta klei soh ôh leh anăn amâo srăng blŭ klei luar ôh, kăn srăng mâo rei êlah mplư hlăm ƀăng êgei diñu. Kyuadah diñu srăng huă ƀơ̆ng leh anăn đih mdei, leh anăn amâo mâo pô srăng bi huĭ diñu ôh.”

Y-Sakari 14:8

Ti hruê anăn êa hdĭp srăng đoh kbiă mơ̆ng ƀuôn Yêrusalem, sa mkrah êa anăn srăng đoh phă êa ksĭ ngŏ, leh anăn sa mkrah đoh phă êa ksĭ yŭ; srăng jing snăn hlăm yan bhang wăt yan puih.

Y-Sakari 9:13

kyuadah Kâo ƀêč phung Yuđa msĕ si hna Kâo, Kâo brei phung Êphraim jing ƀrăm ñu. Kâo srăng mčhur phung anak êkei ih, Ơ ƀuôn Siôn bi kdơ̆ng hŏng phung anak êkei ih, Ơ čar Grĕk, leh anăn yua diih msĕ si sa ƀĕ đao gưm kahan bi blah.

Y-Mathiơ 28:19

Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;

Bruă Phung Khua Ƀĭng Kna 11:15

Tơdah kâo dơ̆ng blŭ, Yang Mngăt Jăk trŭn ti diñu msĕ si ti phung drei tal êlâo.

Bruă Phung Khua Ƀĭng Kna 13:46

Y-Pôl leh anăn Y-Barnabas blŭ kơ diñu hŏng klei jhŏng, lač, “Tui si djŏ, hmei hưn klei Aê Diê blŭ kơ diih êlâo hĭn. Ƀiădah kyua diih hngah klei anăn leh anăn yap diih pô amâo năng kơ klei hdĭp hlŏng lar ôh, snăn ară anei hmei wir kơ phung tue.

Bruă Phung Khua Ƀĭng Kna 16:9

Êjai mlam Y-Pôl mâo klei bi ƀuh: sa čô êkei Masêdôn dôk dơ̆ng kwưh kơ ñu leh anăn lač, “Hriê bĕ kơ čar Masêdôn leh anăn đru hmei!”

Bruă Phung Khua Ƀĭng Kna 9:15

Ƀiădah Khua Yang lač kơ ñu, “Nao bĕ, kyuadah gơ̆ jing pô Kâo ruah leh brei hưn anăn Kâo ti anăp phung tue, phung mtao, leh anăn phung anak Israel.

Hră Y-Pôl Mơĭt kơ Phung Rôm 10:20

Leh anăn Y-Êsai jhŏng lač, “Phung amâo tuôm duah Kâo ƀuh leh Kâo; Kâo bi êdah leh Kâo pô kơ phung amâo duah êmuh kơ Kâo ôh.”

Hră Y-Pôl Mơĭt kơ Phung Rôm 11:12

Snăn tơdah klei diñu gao klei bhiăn bi mdrŏng kơ lăn ala, leh anăn tơdah klei diñu êbuh bi mdrŏng kơ phung tue, dŭm boh mdrŏng kdlưn hĭn srăng truh tơdah jih jang diñu lŏ wĭt đăo kơ Aê Diê?

Hră Y-Pôl Mơĭt kơ Phung Rôm 9:30

Snăn ya drei srăng lač lĕ? Phung tue amâo tuôm tui duah ôh klei kpă ênô mâo leh klei kpă ênô, anăn jing klei kpă ênô mơ̆ng klei đăo.

I Kôrantô 3:6

Kâo pla leh, Y-Apôlôs krih êa leh, ƀiădah Aê Diê brei čăt hriê kơ prŏng.

Klei Mtô Mñă Klei Bhiăn 32:2

Brei klei kâo mtô lĕ msĕ si êa hjan, brei klei kâo blŭ rôč msĕ si êa nguôm, msĕ si êa hjan êdu ti dlông rơ̆k mda, msĕ si kdrah hjan ti dlông ana djam.

Phung Khua Phat Kđi 6:36

Y-Gidêôn lač kơ Aê Diê, “Tơdah Ih srăng bi mtlaih phung Israel hŏng kngan kâo tui si Ih lač leh,