Y-Mika 5:6 - Klei Aê Diê Blŭ 2015

⁶ Diñu srăng kiă kriê čar Asiri hŏng đao gưm, leh anăn čar Nimrôt hŏng đao gưm hliê. Ñu srăng bi mtlaih drei mơ̆ng phung Asiri tơdah phung anăn mŭt čar drei, leh anăn juă ti lam knông drei.

Y-Mika 5:6 Iomraidhean Croise

II Bruă Mtao 15:29

Hlăm ênuk Y-Pêka mtao Israel, Y-Tiglat-Pilêser mtao Asiri hriê leh anăn mă hĕ ƀuôn Ijôn, ƀuôn Aƀel-Bet-Maka, ƀuôn Janôa, ƀuôn Kêdes, ƀuôn Hasôr, čar Galaat, čar Galilê, leh anăn jih lăn phung Naptali. Leh anăn ñu atăt ba phung ƀuôn sang jing mnă kơ čar Asiri.

I Klei Yăl Dliê 1:10

Y-Kus jing ama kơ Y-Nimrôt; ñu dơ̆ng jing sa čô jhŏng ktang ti lăn ala.

II Klei Yăl Dliê 33:11

Kyuanăn Yêhôwa atăt phung khua kahan mtao Asiri nao wang blah diñu, phung anăn mă Y-Manasê jing mnă, tuăk ñu ti adŭng hŏng knuăk, kă ñu hŏng klei săng đai kông leh anăn đoh ba ñu kơ ƀuôn Ƀaƀilôn.

Y-Yôp 29:22

Leh kâo blŭ, diñu amâo lŏ blŭ ôh, klei kâo blŭ kma leh hlăm ai tiê diñu.

Klei Mmuñ Hđăp 110:3

Phung ƀuôn sang ih srăng myơr diñu pô kơ Ih ti hruê Ih atăt gai phung kahan Ih kơ klei bi blah. Ti dlông čư̆ doh jăk Ih, msĕ si êa nguôm ti aguah ưm phung hlăk ai Ih srăng hriê kơ Ih.

Klei Mmuñ Hđăp 72:6

Brei mtao jing msĕ si êa hjan lĕ hlăm kdrăn rơ̆k mrâo arăng jah, msĕ si hjan prŏng aruăt bi msah lăn ala.

Y-Êsai 14:2

Phung găp djuê mnuih srăng mă phung Israel leh anăn atăt diñu kơ anôk diñu pô. Leh anăn sang Israel srăng yua digơ̆ hlăm čar Yêhôwa jing dĭng buăl êkei leh anăn mniê. Phung Israel srăng mă mjing mnă phung mjing diñu mnă leh, leh anăn diñu srăng kiă kriê phung ktư̆ juă diñu leh.

Y-Êsai 14:25

Kâo srăng bi rai pô Asiri hlăm čar Kâo, Kâo srăng juă ñu hŏng jơ̆ng ti dlông čư̆ Kâo, leh anăn bi joh knông ñu mơ̆ng phung ƀuôn sang Kâo, leh anăn mă mđuĕ mnơ̆ng ktrŏ ñu mơ̆ng mra digơ̆.”

Y-Êsai 33:1

Knap mñai yơh kơ ih, Ơ pô bi rai, êjai arăng amâo bi rai ih ôh, Ơ pô lhiăr, êjai arăng amâo lhiăr kơ ih ôh! Tơdah ih mdei leh klei bi rai, arăng srăng bi rai ih mơh; tơdah ih ruê̆ leh ngă klei lhiăr, arăng srăng lhiăr kơ ih mơh.

Y-Êsai 37:36

Dĭng buăl jăk Yêhôwa nao hlăm wăl phung Asiri jưh leh anăn bi mdjiê sa êtuh sa păn pluh êma êbâo čô mnuih. Leh anăn tơdah arăng kgŭ ưm aguah, nĕ anei jih jang phung anăn jing atâo leh.

Y-Êsai 37:37

Snăn Y-Sênakêrip mtao čar Asiri đuĕ wĭt leh anăn dôk ti ƀuôn Niniwơ.

Y-Êsai 6:13

Wăt tơdah ăt dôk tinăn sa kdrêč hlăm pluh diñu, arăng srăng lŏ bi rai ñu. Ƀiădah msĕ si ana kyâo têrêbin leh anăn ana kyâo sen ăt dôk knŏng kpơ̆ng tơdah leh arăng druôm ana digơ̆, găp djuê doh jăk jing kpơ̆ng ñu.”

Y-Yêrêmi 14:22

Mâo mơ̆ phung yang amâo sĭt phung găp djuê mnuih dưi bi truh êa hjan? Amâodah dưi mơ̆ adiê bi lĕ êa hjan? Amâo djŏ hĕ Ih yơh, Ơ Yêhôwa Aê Diê hmei, dưi ngă klei anăn? Hmei dôk čang hmăng kơ Ih, kyuadah Ih yơh ngă jih klei anăn.”

Y-Nahum 2:11

Ti anôk ƀăng êmông gu anôk diñu čiêm êđai diñu, anôk êmông gu knô leh anăn ana nao dôk mbĭt hŏng êđai amâo mâo pô bi huĭ digơ̆ ôh.

Y-Sôphôni 2:13

Ñu srăng yơr kngan Ñu bi kdơ̆ng hŏng phung dưr, leh anăn bi rai čar Asiri; leh anăn Ñu srăng brei ƀuôn Niniwơ jing ênguôl, lăn thu msĕ si kdrăn tač.

Y-Sôphôni 3:12

Ƀiădah Kâo srăng lui ti krah ih phung thâo luă gŭ leh anăn êmhač, phung thâo knang kơ anăn Yêhôwa.

Y-Luk 1:71

čiăng kơ drei tlaih mơ̆ng phung roh hŏng drei, leh anăn mơ̆ng kngan jih jang phung bi êmut kơ drei;

Y-Luk 1:74

leh Ñu bi êngiê drei mơ̆ng kngan phung roh, Ñu srăng brei kơ drei dưi mă bruă kơ Ñu amâo huĭ ôh,

Y-Luk 24:27

Leh anăn Ñu mblang kơ phung anăn jih jang klei čih leh djŏ kơ Ñu dơ̆ng mơ̆ng hdruôm hră Y-Môis truh kơ hdruôm hră jih jang phung khua pô hưn êlâo.

Klei Mtô Mñă Klei Bhiăn 32:2

Brei klei kâo mtô lĕ msĕ si êa hjan, brei klei kâo blŭ rôč msĕ si êa nguôm, msĕ si êa hjan êdu ti dlông rơ̆k mda, msĕ si kdrah hjan ti dlông ana djam.