Y-Mika 5:4 - Klei Aê Diê Blŭ 2015

⁴ Ñu srăng dôk dơ̆ng leh anăn kiă jih jang biăp Ñu hŏng klei ktang Yêhôwa, hŏng klei kdrăm anăn Yêhôwa Aê Diê ñu. Leh anăn diñu srăng dôk hơĭt, kyuadah hlăk anăn Ñu srăng jing prŏng truh ti knhal lăn ala.

Y-Mika 5:4 Iomraidhean Croise

Klei Mmuñ Hđăp 145:12

čiăng brei phung anak mnuih thâo kral bruă myang Ih, leh anăn klei guh kơang klei kdrăm ƀuôn ala mtao Ih.

Klei Mmuñ Hđăp 22:27

Jih jang knhal lăn ala srăng hdơr leh anăn wĭt kơ Yêhôwa; jih jang găp djuê mnuih srăng buôn kkuh ti anăp Ñu.

Klei Mmuñ Hđăp 72:19

Mpŭ mni kơ anăn guh kơang Ñu nanao hlŏng lar; brei jih lăn ala bŏ hŏng klei guh kơang Ñu! Amen leh anăn Amen.

Klei Mmuñ Hđăp 72:8

Brei ñu kiă kriê mơ̆ng êa ksĭ anei truh kơ êa ksĭ adih, mơ̆ng Êa Krông truh ti knhal lăn ala.

Klei Mmuñ Hđăp 93:1

Yêhôwa kiă kriê; Ñu hơô leh klei guh kơang; Yêhôwa hơô leh klei kdrăm kơah leh anăn klei ktang. Sĭt nik Ñu bi kjăp lăn ala, gơ̆ amâo srăng mgei ôh.

Klei Mmuñ Hđăp 98:3

Ñu hdơr leh kơ klei khăp Ñu leh anăn klei sĭt suôr Ñu hŏng sang Israel. Jih jang knhal lăn ala ƀuh leh klei bi mtlaih Aê Diê drei.

Klei Kbiă 23:21

Răng leh anăn dôk hmư̆ bĕ asăp ñu. Đăm bi kdơ̆ng hŏng ñu ôh, kyuadah ñu amâo srăng pap brei ôh klei ih gao klei bhiăn; kyuadah Anăn Kâo dôk hlăm ñu.

Y-Êsai 45:22

Wĭt bĕ kơ Kâo leh anăn mâo klei bi mtlaih, Ơ jih jang knhal lăn ala! Kyuadah Kâo jing Aê Diê, leh anăn amâo mâo pô mkăn ôh.

Y-Êsai 49:5

Ară anei snei Yêhôwa lač, Pô mjing leh kâo mơ̆ng tian amĭ kâo, brei jing dĭng buăl Ñu, čiăng lŏ atăt wĭt phung Yakôp leh anăn bi kƀĭn phung Israel kơ Ñu, kyuadah kâo mâo klei mpŭ ti anăp ală Yêhôwa, leh anăn Aê Diê kâo jing leh klei ktang kâo —

Y-Êsai 52:10

Yêhôwa bi êdah leh bruă păl doh jăk Ñu ngă, ti anăp ală jih jang phung găp djuê mnuih, leh anăn jih jang knhal lăn ala srăng ƀuh klei Aê Diê drei bi mtlaih.

Y-Êsai 52:13

Nĕ anei, dĭng buăl Kâo srăng đĭ kyar, arăng srăng mpŭ kơ Ñu leh anăn bi mđĭ Ñu, Ñu srăng dôk ti anôk dlông snăk.

Y-Êsai 8:7

kyuanăn ară anei Khua Yang bi mđĭ êa lip mơ̆ng Êa Krông Prŏng leh anăn lu bi kdơ̆ng hŏng diñu, čiăng lač, mtao čar Asiri mbĭt hŏng jih klei guh kơang ñu. Êa Krông anăn srăng đĭ ling tar ƀar mơ̆ng tur ñu leh anăn dlai jih jang hang ñu.

Y-Mika 7:14

Kiă kriê phung ƀuôn sang ih hŏng giê knuăk ih, jih jang biăp jing ngăn dưn ih, phung dôk hjăn hlăm kmrơ̆ng ti krah Karmel; brei diñu ƀơ̆ng rơ̆k ti čar Basan leh anăn hlăm čar Galaat msĕ si ênuk đưm đă.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Sakari 9:10

Ñu srăng bi rai êdeh aseh mơ̆ng čar Êphraim leh anăn aseh bi blah mơ̆ng ƀuôn Yêrusalem; leh anăn hna bi blah srăng joh. Ñu srăng mtă klei êđăp ênang kơ phung găp djuê mnuih; klei Ñu kiă kriê srăng dơ̆ng mơ̆ng êa ksĭ anei truh kơ êa ksĭ adih, leh anăn mơ̆ng Êa Krông truh ti knhal lăn ala.

Y-Malaki 1:5

Ală diih pô srăng ƀuh klei anăn, leh anăn diih srăng lač, “Prŏng êdi Yêhôwa, wăt ti êngao knông lăn Israel!”

Y-Mathiơ 16:18

Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.

Y-Mathiơ 2:6

‘Leh anăn ih, Ơ ƀuôn Betlêhem hlăm čar Yuđa, Sĭt nik amâo jing điêt hĭn ôh đơ phung ƀuôn prŏng hlăm čar Yuđa; kyuadah sa čô khua kiă kriê srăng kbiă hriê mơ̆ng ih, Ñu srăng jing mgăt biăp kơ phung ƀuôn sang Kâo Israel.’ ”

Y-Mathiơ 25:31

“Tơdah Anak Mnuih srăng hriê hlăm klei guh kơang Ñu mbĭt hŏng jih jang phung dĭng buăl jăk, hlăk anăn Ñu srăng dôk gŭ ti dlông jhưng mtao guh kơang Ñu.

Y-Luk 1:32

Ñu srăng jing prŏng, leh anăn arăng srăng pia Ñu Anak Pô Ti Dlông Hĭn, leh anăn Khua Yang Aê Diê srăng brei kơ Ñu jhưng mtao aê Ñu Y-Đawit.

Y-Yôhan 10:38

Ƀiădah tơdah Kâo ngă bruă anăn, wăt tơdah diih amâo đăo kơ Kâo dưn, đăo bĕ kơ bruă anăn, čiăng kơ diih dưi thâo săng kơ Ama dôk hlăm Kâo, leh anăn Kâo dôk hlăm Ama.”

Y-Yôhan 20:17

Yêsu lač kơ ñu, “Đăm ruêh Kâo ôh, kyuadah Kâo ka đĭ ôh kơ Ama Kâo; ƀiădah nao bĕ kơ phung ayŏng adei Kâo leh anăn lač kơ diñu, ‘Kâo đĭ nao kơ Ama Kâo leh anăn kơ Ama diih, kơ Aê Diê Kâo leh anăn kơ Aê Diê diih.’ ”

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

I Y-Pêtrôs 1:5

phung Aê Diê kiă kriê hŏng klei myang Ñu kyua klei đăo, čiăng mâo klei bi mtlaih giăm bi êdah hlăm ênuk knhal tuč.

Y-Yut 1:1

Kâo gơ̆ Y-Yut, sa čô dĭng buăl Yêsu Krist leh anăn adei Y-Yakơ, čih mơĭt kơ phung Aê Diê iêô leh, phung Aê Diê Ama khăp leh anăn pioh leh kơ Yêsu Krist.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”