Y-Mika 5:3 - Klei Aê Diê Blŭ 2015

³ Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Y-Mika 5:3 Iomraidhean Croise

I Bruă Mtao 14:16

Ñu srăng lui phung Israel kyuadah klei Y-Jêrôbôam ngă soh leh, leh anăn klei ñu bi msoh leh phung Israel.”

II Klei Yăl Dliê 30:7

Đăm jing msĕ si phung aê leh anăn phung ayŏng adei diih ôh, diñu amâo dôk sĭt suôr ôh hŏng Yêhôwa Aê Diê phung aê diñu, kyuanăn Yêhôwa bi rai diñu leh tui si diih ƀuh.

Klei Mmuñ Hđăp 67:3

Brei phung ƀuôn sang bi mni kơ Ih, Ơ Aê Diê; brei jih jang phung ƀuôn sang bi mni kơ Ih.

Y-Êsai 11:11

Hlăm hruê anăn, Khua Yang srăng yơr tal dua kngan Ñu čiăng bi wĭt kdrêč phung ƀuôn sang Ñu adôk mơ̆ng čar Asiri, čar Êjip, čar Patrôs, čar Êthiôpi, čar Êlam, čar Sinar, čar Hamat, leh anăn mơ̆ng jih jang plao êa ksĭ.

Y-Êsai 49:6

Ñu lač, “Jing klei điêt đei kơ ih jing dĭng buăl Kâo čiăng lŏ kơrŭ phung găp djuê Yakôp leh anăn čiăng lŏ mdơ̆ng phung Israel adôk. Kâo msĕ mơh srăng brei ih jing klei mngač kơ phung tue, čiăng kơ klei Kâo bi mtlaih dưi truh ti knhal lăn ala.”

Y-Yêrêmi 23:5

“Nĕ anei, hruê srăng truh,” Yêhôwa lač, “Tơdah Kâo srăng bi čăt kơ Y-Đawit sa ƀĕ Adhan Kpă, leh anăn Gơ̆ srăng jing mtao kiă kriê leh anăn ngă hŏng klei thâo mĭn, leh anăn srăng ngă klei kpă ênô leh anăn klei djŏ hlăm čar.

Y-Yêrêmi 31:1

“Hlăm ênuk anăn,” Yêhôwa lač, “Kâo srăng jing Aê Diê kơ jih jang găp djuê Israel, leh anăn diñu srăng jing phung ƀuôn sang Kâo.”

Y-Êsêkiêl 34:16

‘Kâo srăng tui duah phung luč, leh anăn Kâo srăng atăt wĭt phung klah đuĕ, Kâo srăng păn guôm phung êka, leh anăn Kâo srăng bi ktang phung awăt, ƀiădah Kâo srăng bi rai phung êmŏng leh anăn phung ktang; Kâo srăng răng kriê diñu hŏng klei kpă.’

Y-Ôsê 11:8

Si Kâo dưi lui ih, Ơ Êphraim? Si Kâo dưi jao ih kơ arăng, Ơ Israel? Si Kâo dưi brei ih jing msĕ si ƀuôn Adma? Si Kâo dưi ngă kơ ih msĕ si kơ ƀuôn Sêbôim? Ai tiê Kâo hngah ngă klei anăn, kyua klei Kâo khăp jing ktang hĭn êjai!

Y-Ôsê 2:14

“Kyuanăn nĕ anei, Kâo srăng mƀlum ñu, leh anăn atăt ñu kơ kdrăn tač, leh anăn srăng blŭ hŏng klei êdu kơ ñu.

Y-Ôsê 2:9

Kyuanăn Kâo srăng mă wĭt mdiê Kâo djŏ ênuk gơ̆, leh anăn kpiê mrâo Kâo djŏ yan gơ̆, leh anăn Kâo srăng lŏ mă hĕ čhiăm mlâo biăp Kâo leh anăn mrai kbuă Kâo, dŏ pioh guôm klei lưng mlŭn ñu.

Y-Amôs 5:15

Bi êmut bĕ kơ klei jhat, leh anăn khăp bĕ kơ klei jăk, bi kjăp klei kpă ti ƀăng jang. Năng ai Yêhôwa, Aê Diê kơ phung kahan srăng pap kơ phung Yôsep adôk.

Y-Mika 4:4

Ƀiădah grăp čô diñu srăng dôk ti gŭ phŭn boh kriăk ƀâo ñu leh anăn ti gŭ ana boh hra ñu, leh anăn amâo mâo pô bi huĭ diñu ôh; kyuadah ƀăng êgei Yêhôwa kơ phung kahan blŭ leh klei anăn.

Y-Mika 4:7

Kâo srăng brei phung đŏng dlơt jơ̆ng jing phung adôk, leh anăn brei phung arăng suôt leh jing sa găp djuê jhŏng ktang; leh anăn Yêhôwa srăng kiă kriê diñu ti čư̆ Siôn mơ̆ng anăn hlŏng lar.

Y-Mika 5:7

Hlăk anăn kdrêč adôk mơ̆ng Yakôp srăng dôk ti krah lu phung ƀuôn sang msĕ si êa nguôm mơ̆ng Yêhôwa, msĕ si êa hjan ti rơ̆k mda, msĕ si mnơ̆ng amâo guôn kơ mnuih ôh, kăn bi kdung hruê kơ phung anak mnuih rei.

Y-Mika 5:8

Leh anăn kdrêč adôk mơ̆ng Yakôp srăng dôk ti krah phung găp djuê mnuih, ti krah lu phung ƀuôn sang, msĕ si sa drei êmông gu ti krah hlô dliê, msĕ si sa drei êđai êmông gu ti krah lu biăp, tơdah ñu găn, ñu juă leh anăn hiêk đơ điêt, leh anăn amâo mâo pô dưi bi mtlaih ôh.

Y-Mika 6:14

Ih srăng huă ƀơ̆ng, ƀiădah amâo trei ôh, leh anăn srăng mâo klei êpa hlăm tian ih; diih srăng mkăm, ƀiădah amâo pioh ôh, leh anăn ya mnơ̆ng ih mkăm Kâo srăng jao kơ đao gưm.

Y-Mika 7:13

Ƀiădah lăn ala srăng jing ênguôl kyua phung dôk hlăm ñu, kyua boh mơ̆ng klei diñu ngă.

Y-Sakari 10:6

Kâo srăng bi ktang sang Yuđa, leh anăn bi mtlaih sang Yôsep. Kâo srăng atăt ba diñu wĭt kyuadah Kâo mâo klei pap kơ diñu, leh anăn diñu srăng jing msĕ si Kâo amâo tuôm hngah kơ diñu ôh; kyuadah Kâo jing Yêhôwa Aê Diê diñu, leh anăn Kâo srăng lŏ wĭt lač kơ diñu.

Y-Mathiơ 1:21

Gơ̆ srăng kkiêng kơ sa čô anak êkei, leh anăn brei ih bi anăn Ñu Yêsu, kyuadah Ñu srăng bi mtlaih phung ƀuôn sang Ñu mơ̆ng klei soh digơ̆.”

Y-Mathiơ 12:50

Kyuadah hlei pô ngă tui si klei Ama Kâo hlăm adiê čiăng jing ayŏng adei, amai adei leh anăn amĭ Kâo.”

Y-Mathiơ 25:40

Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’

Hră Y-Pôl Mơĭt kơ Phung Rôm 8:29

Kyuadah phung Ñu thâo kral leh mơ̆ng êlâo, Ñu čuăn leh mơh brei digơ̆ jing msĕ si rup Anak Ñu, čiăng kơ Anak Ñu jing ayŏng khua kơ lu phung ayŏng adei.