Y-Mika 5:2 - Klei Aê Diê Blŭ 2015

² Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Y-Mika 5:2 Iomraidhean Croise

Klei Mphŭn Dơ̆ng 35:16

Diñu đuĕ nao mơ̆ng ƀuôn Bêthel; leh anăn tơdah diñu ăt dôk kbưi ka truh ôh kơ ƀuôn Êphrata, H'Račel đih pui dleh snăk.

Klei Mphŭn Dơ̆ng 35:19

Snăn H'Račel djiê, leh anăn arăng dơr ñu ti êlan Êphrata (ƀuôn anăn jing ƀuôn Betlêhem).

Klei Mphŭn Dơ̆ng 48:7

Tơdah kâo hriê mơ̆ng krĭng Padan, H'Račel djiê bi ênguôt kâo hlăm čar Kanaan ktuê êlan, kyuadah ăt dôk kbưi mơ̆ng ƀuôn Êphrata; snăn kâo dơr ñu tinăn ti êlan nao kơ ƀuôn Êphrata (jing ƀuôn Betlêhem).”

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

I Klei Yăl Dliê 2:54

Phung anak êkei Y-Salma: Y-Betlêhem, phung Nêtôphat, phung Atrôt-Bet-Jôap, leh anăn sa mkrah phung Manahat, phung Sôra.

I Klei Yăl Dliê 4:4

leh anăn Y-Pênuel jing ama kơ Y-Gêdôr, leh anăn Y-Êser jing ama kơ Y-Husa. Anei phung anak êkei Y-Hur, anak tal êlâo Y-Êphrata ama Y-Betlêhem.

I Klei Yăl Dliê 5:2

wăt tơdah Y-Yuđa jing ktang ti krah phung ayŏng adei ñu leh anăn mâo sa čô khua kiă kriê kbiă hriê mơ̆ng ñu, ƀiădah klei jing ayŏng khua djŏ kơ Y-Yôsep),

Klei Mmuñ Hđăp 132:6

Hmei hmư̆ arăng lač kơ hip ti Êphratha, hmei ƀuh leh ñu hlăm hma ti Jaar.

Klei Mmuñ Hđăp 90:2

Êlâo kơ mâo čư̆ leh anăn êlâo kơ Ih mjing boh lăn leh anăn lăn ala, mơ̆ng ênuk hlŏng lar truh kơ ênuk hlŏng lar, Ih jing Aê Diê.

Klei Kbiă 18:21

Leh anăn ruah bĕ mơ̆ng phung ƀuôn sang phung êkei mâo klei dưi, thâo huĭ mpŭ kơ Aê Diê, ênuah ênô, bi êmut kơ klei sun ngăn. Brei phung anăn jing khua kơ sa êbâo čô, kơ sa êtuh čô, kơ êma pluh čô, leh anăn kơ pluh čô.

Klei Kbiă 18:25

Y-Môis ruah phung êkei mâo klei dưi mơ̆ng krah jih phung Israel, leh anăn mdưm digơ̆ khua kơ phung ƀuôn sang, khua kơ sa êbâo čô, kơ sa êtuh čô, kơ êma pluh čô, leh anăn kơ pluh čô.

Y-Êsai 11:1

Sa ƀĕ kƀiêng srăng čăt mơ̆ng phŭn Y-Yêsê, leh anăn sa ƀĕ Adhan srăng čăt mơ̆ng agha ñu leh anăn mboh.

Y-Êsai 53:2

Kyuadah Ñu hriê kơ prŏng leh ti anăp Yêhôwa msĕ si sa mnơ̆ng mda arăng pla, msĕ si agha kbiă leh mơ̆ng lăn thu. Ñu amâo mâo klei kƀăt amâodah klei kdrăm ôh tơl brei drei čiăng dlăng kơ Ñu, leh anăn amâo mâo klei siam ôh tơl drei khăp kơ Ñu.

Y-Êsai 55:4

Nĕ anei, Kâo brei ñu jing pô hưn bi sĭt kơ phung ƀuôn sang, sa čô khua gai gĭt kơ phung ƀuôn sang.

Y-Êsai 7:14

Kyuanăn Khua Yang pô srăng brei sa klei bi knăl kơ diih: Nĕ anei, sa čô mniê êra hrông srăng ba tian leh anăn kkiêng kơ sa čô anak êkei. Ñu srăng bi anăn gơ̆ Êmanuel.

Y-Yêrêmi 30:21

Khua diñu srăng jing sa čô hlăm phung diñu pô; mtao diñu srăng kbiă hriê mơ̆ng ti krah diñu. Kâo srăng brei ñu hriê giăm Kâo, leh anăn ñu srăng truh, kyuadah hlei jhŏng hriê giăm Kâo tơdah Kâo amâo jak ñu ôh?’ Yêhôwa lač.

Y-Ôsê 6:3

Brei drei thâo, brei drei hung kơ klei thâo kral Yêhôwa; klei Ñu hriê jing sĭt nik msĕ si ang dar. Ñu srăng hriê kơ drei msĕ si êa hjan, msĕ si êa hjan yan mnga krih lăn.”

Y-Amôs 9:11

“Hlăm hruê anăn Kâo srăng lŏ mdơ̆ng sang čhiăm Y-Đawit klưh leh, leh anăn lŏ mkra ƀăng hluh ñu, leh anăn srăng lŏ mdơ̆ng dŏ ñu rai leh, leh anăn lŏ mdơ̆ng ñu msĕ si ênuk mphŭn dô,

Y-Mika 4:10

Ơ anak mniê Siôn, kpư̆ krao msĕ si sa čô mniê ruă kkiêng, kyuadah ară anei ih srăng kbiă mơ̆ng ƀuôn prŏng leh anăn ih srăng dôk hlăm hma; ih srăng nao ti čar Ƀaƀilôn. Tinăn arăng srăng dŏng ih, tinăn Yêhôwa srăng bi tui ih mơ̆ng kngan phung roh ih.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Mathiơ 2:1

Leh H'Mari kkiêng kơ Yêsu ti ƀuôn Betlêhem hlăm čar Yuđa ênuk mtao Hêrôt, nĕ anei mâo phung knhâo mơ̆ng čar Ngŏ truh ti ƀuôn Yêrusalem leh anăn êmuh,

Y-Mathiơ 2:6

‘Leh anăn ih, Ơ ƀuôn Betlêhem hlăm čar Yuđa, Sĭt nik amâo jing điêt hĭn ôh đơ phung ƀuôn prŏng hlăm čar Yuđa; kyuadah sa čô khua kiă kriê srăng kbiă hriê mơ̆ng ih, Ñu srăng jing mgăt biăp kơ phung ƀuôn sang Kâo Israel.’ ”

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Luk 23:2

Diñu dơ̆ng kčŭt kơ Yêsu, lač, “Hmei ƀuh êkei anei mtrŭt găp djuê hmei kơ klei bi kdơ̆ng, leh anăn ghă hmei tuh jia kơ Sêsar, leh anăn lač kơ ñu pô jing Yang Krist, sa čô Mtao.”

Y-Luk 23:38

Msĕ mơh mâo sa klei čih ti dlông boh kŏ Ñu arăng čih snei: “Anei jing Mtao Phung Yuđa.”

Y-Yôhan 7:42

Amâo djŏ hĕ Klei Aê Diê Blŭ lač leh kơ Yang Krist jing anak čô Y-Đawit, leh anăn kbiă hriê mơ̆ng ƀuôn Betlêhem, ƀuôn Y-Đawit dôk leh?”

Klei Mtô Mñă Klei Bhiăn 1:15

Snăn kâo mă phung khua mơ̆ng găp djuê diih, phung thâo mĭn leh anăn găn lu klei truh, leh anăn mdưm digơ̆ jing khua kơ diih, khua kơ êbâo, khua kơ êtuh, khua kơ êma pluh, leh anăn khua kơ pluh čô, leh anăn khua kiă hlăm phung găp djuê diih.

Kôlôs 1:17

Ñu jing Pô êlâo hĭn kơ jih jang mnơ̆ng, leh anăn jih jang mnơ̆ng ăt dôk kjăp hlăm Ñu.

Hêbrơ 13:8

Yêsu Krist ăt jing msĕ mbruê, hruê anei, leh anăn hlŏng lar.

Hêbrơ 7:14

Kyuadah sĭt nik Khua Yang drei kbiă hriê mơ̆ng găp djuê Yuđa, kơ găp djuê anăn Y-Môis amâo tuôm blŭ ôh kơ bruă khua ngă yang.

I Y-Yôhan 1:1

Kâo čih djŏ kơ Klei Blŭ klei hdĭp, klei anăn mâo mơ̆ng mphŭn dơ̆ng, klei anăn hmei hmư̆ leh, klei anăn ală hmei ƀuh leh, klei anăn hmei dlăng leh, leh anăn kngan hmei ruêh leh.

Klei Bi Êdah 19:16

Arăng čih ti ao jhung Ñu leh anăn ti pha Ñu sa anăn, Mtao kơ phung mtao leh anăn Khua Yang kơ phung khua yang.

Klei Bi Êdah 2:8

“Čih bĕ kơ dĭng buăl jăk Phung Sang Aê Diê ti ƀuôn Smirna snei: Nĕ snei Pô tal êlâo hĭn leh anăn Pô knhal tuč, Pô djiê leh anăn lŏ hdĭp leh lač,

Klei Bi Êdah 21:6

Leh anăn Ñu lač kơ kâo, “Jih bruă leh! Kâo jing Alpha leh anăn Ômêga, klei mphŭn dơ̆ng leh anăn klei knhal tuč. Kơ hlei pô mhao, kâo srăng brei hơăi mang êa hdĭp mơ̆ng akŏ êa hdĭp.

Phung Khua Phat Kđi 17:7

Mâo sa čô êkei hlăk ai mơ̆ng ƀuôn Betlêhem hlăm čar Yuđa, mơ̆ng găp djuê Yuđa, jing sa čô Lêwi.

H'Rut 1:1

Hlăm ênuk phung khua phat kđi kiă kriê mâo klei ư̆ êpa hlăm čar. Mâo sa čô êkei mơ̆ng ƀuôn Betlêhem hlăm čar Yuđa nao dôk bhiâo hlăm čar Môap mbĭt hŏng mô̆ ñu leh anăn dua čô anak êkei ñu.

H'Rut 4:11

Leh anăn jih jang phung ƀuôn sang dôk ti ƀăng jang leh anăn phung khua mduôn lač, “Hmei jing phung hưn bi sĭt yơh. Akâo kơ Yêhôwa brei mniê dơ̆ng mŭt hlăm sang ih jing msĕ si H'Račel leh anăn H'Lêa, dua čô digơ̆ mdơ̆ng leh sang Israel. Brei ih mâo klei čăt đĭ lu hlăm čar Êphrata, leh anăn mâo klei hing ang hlăm ƀuôn Betlêhem;

I Y-Samuel 10:19

Ƀiădah hruê anei diih hngah leh kơ Aê Diê diih, Pô bi mtlaih diih mơ̆ng jih jang klei jhat leh anăn klei rŭng răng diih; leh anăn diih lač leh, ‘Hơăi, ƀiădah mdưm bĕ sa čô mtao kiă kriê hmei.’ Snăn ară anei bi êdah bĕ diih pô ti anăp Yêhôwa tui si găp djuê diih leh anăn sang ama diih.”

I Y-Samuel 17:12

Y-Đawit jing anak êkei sa čô Êphrata mơ̆ng ƀuôn Betlêhem hlăm čar Yuđa bi anăn Y-Yêsê, pô mâo sa păn čô anak êkei. Hlăm ênuk Y-Sôl, Y-Yêsê mduôn leh, dôk hdĭp sui thŭn leh.

I Y-Samuel 17:18

Msĕ mơh mă pluh klŏ ƀêñ êa ksâo anei brei kơ khua kiă sa êbâo čô kahan diñu, čiăng ƀuh thâodah phung ayŏng ih dôk suaih asei mlei, leh anăn djă ba mnơ̆ng bi knăl mơ̆ng diñu.”

I Y-Samuel 23:23

Snăn dlăng leh anăn ksiêm bi nik jih jang anôk ñu đuĕ dăp, leh anăn lŏ wĭt hưn klei diih thâo sĭt leh kơ kâo. Snăn kâo srăng nao mbĭt hŏng diih. Tơdah ñu dôk hlăm čar, kâo srăng duah ñu tơl ƀuh ti krah lu êbâo phung Yuđa.”

I Y-Samuel 8:12

Ñu srăng mjing kơ ñu pô khua kơ phung êbâo čô leh anăn khua kơ phung êma pluh čô, đa pioh kai hma ñu, puôt wiă mdiê ñu, mkra mnơ̆ng bi blah leh anăn mnơ̆ng yua kơ êdeh aseh ñu.