Y-Mika 5:12 - Klei Aê Diê Blŭ 2015

¹² Kâo srăng bi rai hĕ klei thâo mdian mơ̆ng ih, leh anăn ih amâo srăng lŏ mâo phung mjâo ôh.

Y-Mika 5:12 Iomraidhean Croise

Y-Êsai 2:18

Rup yang srăng êgao tuč.

Y-Êsai 2:20

Hlăm hruê anăn phung mnuih srăng hwiê hĕ kơ kkuih leh anăn kơ knhuăr rup yang prăk leh anăn rup yang mah diñu, diñu ngă leh pioh kkuh mpŭ.

Y-Êsai 27:9

Kyuanăn hŏng klei anei arăng srăng bi doh klei wê phung Yakôp, leh anăn snei jing jih klei truh kyua klei bi doh klei soh diñu: Yakôp srăng brei jih jang boh tâo knưl jing msĕ si boh tâo čŭr ƀhĭ leh, amâo srăng mâo phung yang Asêra leh anăn knưl čuh mnơ̆ng ƀâo mngưi ăt dôk ôh.

Y-Êsai 44:17

Leh anăn hŏng sa mkrah kyâo adôk, ñu ngă rup yang ñu krah ñu pô. Ñu buôn kkuh ti anăp gơ̆, leh anăn iêô wah lač kơ gơ̆, lač: “Bi mtlaih kâo bĕ, kyuadah ih jing yang kâo!”

Y-Êsêkiêl 16:41

Diñu srăng čuh sang ih leh anăn phat kđi ih ti anăp ală lu phung mniê. Kâo srăng kơ̆ng ih amâo brei ngă knhông ôh, leh anăn ih amâo srăng lŏ brei klei mưn ôh kơ phung piu ih.

Y-Êsêkiêl 36:25

Kâo srăng krih êa êngeh kơ diih, leh anăn diih srăng jing doh kơ jih jang klei čhŏ mrŏ diih, leh anăn mơ̆ng jih jang rup yang diih.

Y-Sakari 13:1

“Ti hruê anăn, arăng srăng pŏk sa akŏ êa kơ sang Y-Đawit leh anăn kơ phung dôk hlăm ƀuôn Yêrusalem, čiăng bi doh diñu mơ̆ng klei soh leh anăn klei čhŏ mrŏ.

Klei Mtô Mñă Klei Bhiăn 18:14

Kyuadah phung diih srăng suôt anei jing găp djuê dôk hmư̆ kơ phung hưn klei srăng truh leh anăn ngă klei mdian; ƀiădah bi diih, Yêhôwa Aê Diê diih amâo tŭ ôh diih ngă snăn.”

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.

Klei Bi Êdah 22:15

Ti êngao ƀuôn anăn mâo phung asâo, phung mjâo, phung knhông, phung bi mdjiê mnuih, phung kkuh mpŭ kơ rup yang, leh anăn grăp čô khăp leh anăn ngă klei luar.