Y-Mika 5:11 - Klei Aê Diê Blŭ 2015

¹¹ Kâo srăng bi rai ƀuôn prŏng hlăm čar ih, leh anăn bi klưh jih jang kđông kjăp ih.

Y-Mika 5:11 Iomraidhean Croise

Y-Êsai 1:7

Čar diih jing ênguôl leh, jih ƀuôn prŏng diih arăng čuh hŏng pui. Phung tue plah mă čar diih ti anăp ală diih. Ñu jing ênguôl kyuadah phung tue bi rai ñu leh.

Y-Êsai 2:6

Kyuadah Ih hngah leh êlan phung ƀuôn sang Ih, sang phung Yakôp. Kyuadah diñu bŏ hŏng phung mdian mơ̆ng čar Ngŏ, leh anăn ngă msĕ si phung mjâo phung Philistin, leh anăn diñu djă kngan hŏng phung tue amâo đăo ôh.

Y-Êsai 27:9

Kyuanăn hŏng klei anei arăng srăng bi doh klei wê phung Yakôp, leh anăn snei jing jih klei truh kyua klei bi doh klei soh diñu: Yakôp srăng brei jih jang boh tâo knưl jing msĕ si boh tâo čŭr ƀhĭ leh, amâo srăng mâo phung yang Asêra leh anăn knưl čuh mnơ̆ng ƀâo mngưi ăt dôk ôh.

Y-Êsai 6:11

Hlăk anăn kâo lač, “Ơ Khua Yang, dŭm boh sui?” Ñu lŏ wĭt lač, “Tơl lu ƀuôn prŏng rai leh, amâo mâo mnuih dôk ôh, leh anăn amâo mâo sa čô dôk hlăm sang ôh, leh anăn jih lăn čar jing ênguôl,

Klei Čŏk Hia 2:2

Yêhôwa bi rai leh amâo mâo klei pap ôh jih jang anôk dôk phung Yakôp; hlăm klei Ñu ngêñ Ñu bi klưh leh kđông kjăp anak mniê Yuđa, Ñu dlăm ti lăn leh anăn bi hêñ ƀuôn ala mtao mbĭt hŏng phung khua kiă kriê gơ̆.

Y-Êsêkiêl 38:11

leh anăn lač, ‘Kâo srăng đĭ ngă kơ čar mâo ƀuôn amâo mâo mnư̆ ôh; kâo srăng ngă kơ phung ƀuôn sang dôk êđăp ênang leh anăn hŏng klei hơĭt, jih jang diñu dôk hlăm anôk amâo mâo mnư̆ ôh, leh anăn anôk amâo mâo giê kal amâodah ƀăng jang ôh;

Y-Ôsê 10:14

Klei hao hao kơ klei bi blah srăng ngă kơ phung ƀuôn sang diih, leh anăn jih jang kđông mgang diih srăng rai, msĕ si Y-Salman bi rai ƀuôn Bet-Arbel hlăm hruê bi blah; arăng juă bi rai phung amĭ mbĭt hŏng phung anak diñu.

Y-Amôs 5:9

Ñu yơh Pô brei klei bi rai truh pral kơ phung ktang, snăn klei bi rai truh kơ kđông kjăp.

Y-Sakari 4:6

Ñu lač kơ kâo, “Anei jing klei Yêhôwa blŭ kơ Y-Sôrôbabel: ‘Amâo djŏ hŏng klei myang ôh, kăn djŏ hŏng klei ktang rei, ƀiădah hŏng Mngăt Myang Kâo,’ Yêhôwa kơ phung kahan lač.