Y-Mika 5:10 - Klei Aê Diê Blŭ 2015

¹⁰ “Leh anăn hlăm hruê anăn,” Yêhôwa lač, “Kâo srăng bi rai hĕ aseh, leh anăn êdeh aseh ih mơ̆ng ti krah ih.

Y-Mika 5:10 Iomraidhean Croise

Y-Êsai 2:7

Čar diñu bŏ hŏng prăk leh anăn mah, amâo mâo knhal ôh kơ klei mdrŏng diñu. Čar diñu bŏ hŏng aseh, leh anăn êdeh aseh.

Y-Yêrêmi 3:23

Sĭt nik, hmei thâo kơ klei hmei kkuh mpŭ hao hao kơ rup yang ti dlông kbuôn leh anăn čư̆ amâo dưi đru hmei ôh. Hmei thâo knŏng Yêhôwa Aê Diê jing klei bi mtlaih kơ phung Israel.

Y-Ôsê 1:7

Ƀiădah Kâo srăng pap kơ sang Yuđa, leh anăn Kâo srăng bi mtlaih diñu amâo djŏ hŏng hna, kăn djŏ hŏng đao gưm, hŏng klei bi blah, hŏng aseh, leh anăn hŏng phung kahan đĭ aseh rei. Ƀiădah hŏng Yêhôwa Aê Diê diñu.”

Y-Ôsê 14:3

Asiri amâo dưi bi mtlaih hmei ôh, hmei amâo srăng đĭ aseh ôh; leh anăn hmei amâo srăng lŏ lač ôh ‘Aê Diê hmei,’ kơ bruă kngan hmei ngă. Hlăm Ih yơh anak êrĭt ƀuh klei pap.”

Y-Agê 2:22

leh anăn klư̆ hĕ jhưng mtao jih jang ƀuôn ala mtao, leh anăn bi luč klei ktang jih jang ƀuôn ala mtao phung găp djuê mnuih, leh anăn bi rai hĕ êdeh aseh leh anăn phung đĭ digơ̆, aseh leh anăn phung đĭ digơ̆ srăng êbuh, grăp čô hŏng đao gưm ƀĭng găp ñu.’ ”

Y-Sakari 9:10

Ñu srăng bi rai êdeh aseh mơ̆ng čar Êphraim leh anăn aseh bi blah mơ̆ng ƀuôn Yêrusalem; leh anăn hna bi blah srăng joh. Ñu srăng mtă klei êđăp ênang kơ phung găp djuê mnuih; klei Ñu kiă kriê srăng dơ̆ng mơ̆ng êa ksĭ anei truh kơ êa ksĭ adih, leh anăn mơ̆ng Êa Krông truh ti knhal lăn ala.

Klei Mtô Mñă Klei Bhiăn 17:16

Knŏng ñu amâo dưi bi mâo lu aseh kơ ñu pô ôh, amâodah atăt ba phung ƀuôn sang lŏ wĭt kơ čar Êjip čiăng bi mâo lu aseh, kyuadah Yêhôwa lač leh kơ ih, ‘Diih amâo srăng lŏ wĭt ôh ti êlan anăn.’