Y-Mika 5:1 - Klei Aê Diê Blŭ 2015

¹ Ară anei dăp bĕ phung kahan ih, Ơ anak mniê phung kahan, kyuadah arăng wang ngă kơ drei. Diñu srăng čăm khua gai gĭt phung Israel ti miêng hŏng giê.

Y-Mika 5:1 Iomraidhean Croise

Klei Mphŭn Dơ̆ng 35:19

Snăn H'Račel djiê, leh anăn arăng dơr ñu ti êlan Êphrata (ƀuôn anăn jing ƀuôn Betlêhem).

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

I Bruă Mtao 22:24

Hlăk anăn Y-Sêdêkia anak êkei Y-Kênana hriê leh anăn čăm hĕ Y-Mika ti miêng leh anăn lač, “Si êlan Mngăt Myang Yêhôwa kbiă mơ̆ng kâo čiăng blŭ kơ ih?”

II Bruă Mtao 24:2

Yêhôwa tiŏ nao ngă kơ Y-Jêhôyakim lu êpul phung Kaldê, lu êpul phung Siri, lu êpul phung Môap, leh anăn lu êpul phung Amôn brei digơ̆ ngă bi rai čar Yuđa, tui si klei Yêhôwa blŭ hŏng phung dĭng buăl Ñu phung khua pô hưn êlâo.

Y-Yôp 16:10

Phung mnuih ha ƀăng êgei diñu čiăng kĕ ƀơ̆ng kâo, hŏng klei mgao diñu pah miêng kâo, diñu bi kƀĭn mguôp čiăng ngă kơ kâo.

Klei Bi Hriêng 8:23

Aê Diê mjing kâo leh mơ̆ng ênuk đưm, mơ̆ng phŭn êlâo kơ mâo lăn ala.

Y-Êsai 10:6

Kâo tiŏ nao ñu ngă kơ găp djuê amâo thâo mpŭ kơ Aê Diê ôh, Kâo mtă ñu nao bi kdơ̆ng hŏng phung ƀuôn sang brei Kâo ngêñ, čiăng plah mă leh anăn sua dŏ dô, leh anăn juă diñu msĕ si lăn lŭ ti êlan.

Y-Êsai 33:22

Kyuadah Yêhôwa jing khua phat kđi drei, Yêhôwa jing Pô brei klei bhiăn kơ drei, Yêhôwa jing mtao drei, Ñu pô yơh srăng bi mtlaih drei.

Y-Êsai 8:9

Ơ phung ƀuôn sang, brei diih mâo klei ênguôt. Ơ jih jang čar kbưi, mđing bĕ knga. Hyuă bĕ hdrăng kơiêng leh anăn mâo klei ênguôt; hyuă bĕ hdrăng kơiêng leh anăn mâo klei ênguôt.

Y-Êsai 9:5

Kyuadah jih jang hdruôm jơ̆ng phung kahan čŭt hlăm klei bi blah, leh anăn jih čhum ao kčaĭ êrah srăng pioh kơ mnơ̆ng pui ƀơ̆ng.

Y-Yêrêmi 25:9

nĕ anei, Kâo srăng tiŏ nao arăng iêô jih jang phung găp djuê mnuih hlăm čar dưr,” Yêhôwa lač, “leh anăn iêô Y-Nebukatnetsar mtao čar Ƀaƀilôn dĭng buăl Kâo, leh anăn Kâo srăng atăt diñu ngă kơ čar anei leh anăn phung dôk hlăm čar, leh anăn ngă kơ jih jang găp djuê dôk jŭm dar. Kâo srăng bi rai diñu jih, leh anăn mjing diñu klei bi huĭ arăng, klei arăng djă djik djak, leh anăn klei hêñ nanao.

Y-Yêrêmi 4:7

Sa drei êmông gu kbiă đuĕ mơ̆ng hruh ñu, sa čô pô bi rai phung găp djuê mnuih kbiă leh; ñu hriê leh mơ̆ng anôk ñu čiăng bi rai čar diih; jih jang ƀuôn prŏng diih srăng jing kăm mnơ̆ng rai leh, amâo mâo mnuih dôk ôh.

Klei Čŏk Hia 3:30

Brei ñu jao miêng ñu kơ pô čăm, leh anăn tŭ klei arăng bi hêñ.

Y-Êsêkiêl 21:32

Diih srăng jing djuh kơ pui; arăng srăng tuh êrah ih ti čar ih; arăng amâo srăng lŏ hdơr kơ ih ôh, kyuadah Kâo gơ̆ Yêhôwa blŭ leh klei anăn.’ ”

Y-Êsêkiêl 24:2

“Ơ anak mnuih, čih bĕ mrô yap hruê anei, hruê anei yơh. Mtao Ƀaƀilôn dơ̆ng wang ngă leh kơ ƀuôn Yêrusalem hruê anei.

Y-Đaniel 9:25

Brei ih ksiêm leh anăn thâo săng, dơ̆ng mơ̆ng mâo klei mtă lŏ mkra leh anăn mdơ̆ng ƀuôn Yêrusalem tơl Pô arăng trôč êa ƀâo mngưi truh, Pô jing khua, srăng mâo kjuh hruê kăm, leh anăn năm pluh dua hruê kăm. Arăng srăng lŏ mdơ̆ng ƀuôn Yêrusalem mâo êlan leh anăn kđông kjăp êjai ênuk rŭng răng.

Y-Yôel 3:9

Hưn bĕ klei anei ti krah phung găp djuê mnuih: “mkra bĕ kơ klei bi blah! Mčhur bĕ phung kahan jhŏng ktang! Brei jih jang phung thâo bi blah hriê giăm, brei diñu đĭ nao!”

Y-Amôs 2:3

Kâo srăng bi rai mtao mơ̆ng ti krah ñu, leh anăn srăng bi mdjiê jih jang phung khua ñu mbĭt hŏng ñu,” Yêhôwa lač.

Y-Haƀakuk 1:6

Kyuadah nĕ anei, Kâo srăng bi êrâo phung Kaldê, phung ƀuôn sang jhŏng ƀai leh anăn ruăt ngă, phung lip tar ƀar lăn ala, čiăng plah mă anôk amâo jing anôk diñu pô ôh.

Y-Haƀakuk 3:16

Kâo hmư̆ leh anăn ai tiê kâo ktư̆ yơ̆ng, tơdah hmư̆ asăp anăn kƀông kâo ktư̆; klei brŭ mŭt hlăm klang kâo, jơ̆ng kâo čhuang ting ring rang. Ƀiădah hŏng klei êđăp ênang kâo srăng dôk guôn kơ hruê rŭng răng srăng truh kơ phung ƀuôn sang mŭt bi blah hŏng hmei.

Y-Mathiơ 26:67

Diñu kčuh êa bah ti ƀô̆ Yêsu leh anăn tŭk Gơ̆; đa đa pah miêng Gơ̆,

Y-Mathiơ 27:30

Diñu kčuh êa bah ti Gơ̆, leh anăn mă giê mbô anăn čăm ti boh kŏ Gơ̆.

Y-Mathiơ 5:39

Ƀiădah Kâo lač kơ diih, Đăm bi kdơ̆ng hŏng mnuih ƀai ôh. Ƀiădah tơdah arăng čăm ih ti miêng hnuă, wir miêng điâo brei ñu čăm msĕ mơh.

Y-Yôhan 18:22

Tơdah Yêsu lač leh klei anăn, sa čô hlăm phung kahan kiă dôk tinăn pah miêng Yêsu leh anăn lač, “Snăn hĕ ih lŏ wĭt lač kơ khua ngă yang prŏng?”

Y-Yôhan 19:3

Diñu nao kơ Yêsu leh anăn lač, “Kkuh kơ ih, Ơ Mtao phung Yuđa!” Leh anăn diñu pah miêng Yêsu.

Bruă Phung Khua Ƀĭng Kna 23:2

Khua ngă yang prŏng Y-Ananias mtă kơ phung dôk giăm Y-Pôl pah ti ƀăng êgei gơ̆.

II Kôrantô 11:20

Kyuadah diih tŭ tơdah arăng mjing diih hlŭn, amâodah plah mă dŏ dô diih, amâodah ƀơ̆ng ngăn diih, ngă mgao hŏng diih amâodah pah miêng diih.

Klei Mtô Mñă Klei Bhiăn 28:49

Yêhôwa srăng atăt ba sa găp djuê mơ̆ng kbưi, mơ̆ng knhal lăn ala, pral msĕ si tlang phiơr, sa găp djuê diih amâo thâo săng klei blŭ ôh ngă kơ diih,

Klei Mtô Mñă Klei Bhiăn 33:27

Aê Diê Pô dôk hlŏng lar jing anôk diih kđap, leh anăn ti gŭ mâo păl Ñu dôk hlŏng lar. Ñu srăng suôt phung roh ti anăp diih, leh anăn lač, ‘Bi rai bĕ!’

Phung Khua Phat Kđi 17:7

Mâo sa čô êkei hlăk ai mơ̆ng ƀuôn Betlêhem hlăm čar Yuđa, mơ̆ng găp djuê Yuđa, jing sa čô Lêwi.