Y-Mika 4:9 - Klei Aê Diê Blŭ 2015

⁹ Ară anei si ngă ih ur kraih? Amâo mâo mtao hĕ ti krah ih? Khua kčĕ ih rai tuč leh mơ̆, tơl ih ruă ktang msĕ si sa čô mniê ruă kkiêng?

Y-Mika 4:9 Iomraidhean Croise

Y-Êsai 13:8

Diñu srăng rŭng răng, klei ruă ktang leh anăn klei ênguôt srăng truh kơ diñu; diñu srăng dôk ruă msĕ si mniê đih pui. Diñu srăng bi dlăng hdơ̆ng diñu pô hŏng klei huĭ, ƀô̆ mta diñu srăng jing msĕ si pui trơ̆ng.

Y-Êsai 21:3

Kyuanăn tiê kơiêng kâo ruă snăk, kâo mâo klei ruă msĕ si klei ruă sa čô mniê đih pui. Kâo dlưh ai tiê tơl kâo amâo dưi hmư̆, kâo huĭ tơl kâo amâo dưi ƀuh ôh.

Y-Êsai 26:17

Msĕ si sa čô mniê ba tian dơ̆ng kkiêng dôk ruă leh anăn ur êjai mông dleh dlan truh kơ ñu, msĕ snăn mơh hmei jing ti anăp Ih, Ơ Yêhôwa.

Y-Yêrêmi 22:23

Ơ pô dôk hlăm čar Liƀan, dôk ti krah ana kyâo sêdar, ih srăng krao êdi yơh tơdah klei ruă truh kơ ih, msĕ si klei ruă sa čô mniê dôk đih pui!”

Y-Yêrêmi 30:10

‘Snăn đăm huĭ ôh, Ơ phung Yakôp dĭng buăl Kâo,’ Yêhôwa lač, ‘Kăn êdu ai rei, Ơ phung Israel, kyuadah nĕ anei, Kâo srăng bi mtlaih ih mơ̆ng anôk kbưi, leh anăn phung anak čô ih mơ̆ng čar digơ̆ jing mnă. Phung Yakôp srăng lŏ wĭt leh anăn dôk êđăp ênang leh anăn dôk mdei, leh anăn amâo mâo pô bi huĭ diñu ôh.’

Y-Yêrêmi 4:21

Dŭm boh sui kâo ƀuh čhiăm gru phung roh, leh anăn hmư̆ asăp arăng ayŭ ki ksŭng kơ klei bi blah?

Y-Yêrêmi 4:31

Kyuadah kâo hmư̆ asăp ur msĕ si sa čô mniê dôk đih pui, klei ruă msĕ si sa čô mniê dôk kkiêng anak tal êlâo, asăp anak mniê ƀuôn Siôn dôk hia ƀhŏk ƀhưn, êjai yơr kngan ñu, “Knap mñai yơh kâo! Mngăt kâo djiê hwăt, ti anăp phung bi mdjiê mnuih.”

Y-Yêrêmi 48:41

Arăng srăng mă jih jang ƀuôn prŏng leh anăn wang mă kđông kjăp. Hlăm hruê anăn ai tiê phung kahan čar Môap srăng jing msĕ si ai tiê sa čô mniê êjai dôk đih pui.

Y-Yêrêmi 50:43

Mtao ƀuôn Ƀaƀilôn hmư̆ leh klei arăng hưn kơ diñu, leh anăn kngan ñu dlưh jing awăt; klei ênguôt djă ñu, mâo klei ruă msĕ si sa čô mniê dôk ruă kkiêng.

Y-Yêrêmi 8:19

Hmư̆ bĕ asăp mniê phung ƀuôn sang kâo hia mơ̆ng čar kbưi, “Amâo djŏ hĕ Yêhôwa dôk hlăm ƀuôn Siôn? Amâo djŏ hĕ Mtao ñu dôk hlăm ñu?” “Si ngă diñu mčhur leh ai Kâo brei Kâo ngêñ kơ rup krah leh anăn rup yang tue diñu?”

Klei Čŏk Hia 4:20

Pô Yêhôwa trôč leh êa ƀâo mngưi, Pô jing msĕ si klei bi êwa drei, djŏ leh kđông diñu. Kơ Ñu yơh drei mĭn, “ti gŭ êyui Ñu drei srăng dôk hdĭp ti krah phung găp djuê mnuih.”

Y-Ôsê 10:3

Kyuadah ară anei diñu srăng lač, “Drei amâo mâo mtao ôh, kyuadah drei amâo huĭ mpŭ kơ Yêhôwa ôh. Bi sa čô mtao, ya klei ñu dưi đru drei?”

Y-Ôsê 13:13

Klei ruă kkiêng truh leh kơ ñu, ƀiădah ñu jing sa čô anak êkei amâo thâo mĭn ôh; tơdah djŏ mông leh ñu amâo čiăng kbiă mơ̆ng tian amĭ ôh.

Y-Ôsê 3:4

Kyuadah phung anak čô Israel srăng dôk lu hruê amâo mâo ôh mtao amâodah khua, amâo mâo klei ngă yang amâodah kmeh, amâo mâo êphôt amâodah têraphim.

Y-Mika 5:3

Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Y-Yôhan 16:21

Êjai sa čô mniê ruă kkiêng ñu mâo klei ênguôt, kyuadah mông ñu kkiêng truh leh. Ƀiădah leh ñu kkiêng kơ anak, ñu amâo lŏ hdơr klei ñu ruă ôh, kyua klei mơak ñu kkiêng leh anak hlăm lăn ala.

Klei Bi Êdah 12:2

Ñu ba tian leh, leh anăn ur kyua ñu mâo klei ruă kkiêng êjai dôk đih pui.