Y-Mika 4:7 - Klei Aê Diê Blŭ 2015

⁷ Kâo srăng brei phung đŏng dlơt jơ̆ng jing phung adôk, leh anăn brei phung arăng suôt leh jing sa găp djuê jhŏng ktang; leh anăn Yêhôwa srăng kiă kriê diñu ti čư̆ Siôn mơ̆ng anăn hlŏng lar.

Y-Mika 4:7 Iomraidhean Croise

Klei Mmuñ Hđăp 2:6

“Kâo mdơ̆ng leh Mtao Kâo ti dlông Siôn, čư̆ doh jăk Kâo.”

Y-Êsai 16:5

Arăng srăng mdơ̆ng sa boh jhưng mtao hŏng klei jăk, leh anăn sa čô srăng dôk gŭ ti jhưng anăn hŏng klei sĭt suôr, sa čô mơ̆ng sang čhiăm Y-Đawit, sa čô phat kđi duah klei djŏ, leh anăn djăl ngă klei kpă ênô.

Y-Êsai 24:23

Hlăk anăn, mlan srăng guam leh anăn yang hruê srăng hêñ; kyuadah Yêhôwa kơ phung kahan srăng kiă kriê ti čư̆ Siôn leh anăn ti ƀuôn Yêrusalem, Ñu srăng bi êdah klei guh kơang Ñu ti anăp phung khua mduôn Ñu.

Y-Êsai 6:13

Wăt tơdah ăt dôk tinăn sa kdrêč hlăm pluh diñu, arăng srăng lŏ bi rai ñu. Ƀiădah msĕ si ana kyâo têrêbin leh anăn ana kyâo sen ăt dôk knŏng kpơ̆ng tơdah leh arăng druôm ana digơ̆, găp djuê doh jăk jing kpơ̆ng ñu.”

Y-Êsai 60:22

Pô ƀiă hĭn srăng jing sa phung ƀuôn sang, leh anăn pô điêt hĭn srăng jing sa găp djuê mnuih ktang. Kâo jing Yêhôwa, Kâo srăng bi truh djăl klei anăn hlăm ênuk ñu.”

Y-Êsai 66:8

Hlei tuôm hmư̆ leh klei msĕ snăn? Hlei tuôm ƀuh leh mnơ̆ng msĕ snăn? Arăng srăng mkŏ mjing mơ̆ sa boh čar hlăm sa hruê? Arăng srăng mkŏ mjing mơ̆ sa găp djuê mnuih bhiâo riâo rit? Kyuadah tơdah ƀuôn Siôn dơ̆ng đih pui, ñu kkiêng kơ phung anak ñu.

Y-Êsêkiêl 43:7

leh anăn ñu lač kơ kâo: “Ơ anak mnuih, anei yơh jing anôk kơ jhưng mtao Kâo leh anăn anôk kơ plă jơ̆ng Kâo, anôk Kâo srăng dôk ti krah phung anak čô ƀuôn sang Israel hlŏng lar. Sang Israel amâo srăng lŏ bi čhŏ ôh anăn doh jăk Kâo, diñu, amâodah phung mtao diñu hŏng klei diñu ngă knhông leh anăn hŏng asei mlei djiê phung mtao diñu,

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Đaniel 4:34

Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Y-Đaniel 7:14

Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Ôsê 1:10

“Ƀiădah ênoh yap phung anak čô Israel srăng jing msĕ si čuah hlăm êa ksĭ, arăng amâo dưi mkă, kăn dưi yap rei; leh anăn hrô kơ klei arăng lač kơ diñu, ‘Diih amâo jing phung ƀuôn sang Kâo ôh,’ arăng srăng lač djŏ kơ diñu, ‘Phung anak êkei Aê Diê hdĭp.’

Y-Yôel 2:32

Leh anăn klei anei srăng truh, jih jang hlei pô iêô wah lač kơ anăn Yêhôwa srăng tlaih; kyuadah hlăm čư̆ Siôn leh anăn Ƀuôn Yêrusalem srăng mâo phung tlaih leh, tui si Yêhôwa lač leh, hlăm phung adôk hdĭp ăt srăng mâo phung Yêhôwa iêô.

Y-Yôel 3:17

“Hlăk anăn diih srăng thâo Kâo jing Yêhôwa Aê Diê diih, Pô dôk ti Siôn, čư̆ doh jăk Kâo. Ƀuôn Yêrusalem srăng jing doh jăk, leh anăn phung tue amâo srăng lŏ mŭt dôk tinăn ôh.

Y-Apđia 1:21

Phung bi mtlaih srăng đĭ čư̆ Siôn čiăng kiă kriê čư̆ Êsâo. Leh anăn ƀuôn ala mtao srăng jing dŏ Yêhôwa.

Y-Mika 2:12

“Ơ Yakôp, sĭt nik Kâo srăng bi kƀĭn jih jang ih, sĭt nik Kâo srăng bi kƀĭn Israel adôk. Kâo srăng dưm diñu mbĭt msĕ si lu biăp hlăm sa boh war, msĕ si lu biăp hlăm kdrăn rơ̆k diñu, sa phung mnuih lu bi ênai hao hao.

Y-Mika 2:13

Pô bi hluh mnư̆ srăng nao êlâo kơ diñu; diñu srăng bi mčah mnư̆ găn ti ƀăng jang leh anăn kbiă tinăn. Mtao diñu srăng găn êlâo kơ diñu, Khua Yang Yêhôwa pô atăt êlan.”

Y-Mika 5:3

Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Sôphôni 3:13

Phung adôk hlăm čar Israel amâo srăng ngă sa mta klei soh ôh leh anăn amâo srăng blŭ klei luar ôh, kăn srăng mâo rei êlah mplư hlăm ƀăng êgei diñu. Kyuadah diñu srăng huă ƀơ̆ng leh anăn đih mdei, leh anăn amâo mâo pô srăng bi huĭ diñu ôh.”

Y-Sôphôni 3:20

Hlăm ênuk anăn Kâo srăng lŏ atăt diih wĭt, hlăk anăn Kâo srăng bi kƀĭn diih mđrăm mbĭt. Kâo srăng brei diih jing hing ang leh anăn mâo klei bi mni ti krah jih jang phung ƀuôn sang lăn ala, tơdah Kâo srăng lŏ atăt phung mnă diih wĭt ti anăp ală diih,” Yêhôwa lač.

Y-Luk 1:33

Ñu srăng kiă kriê găp djuê Y-Yakôp nanao hlŏng lar, leh anăn ƀuôn ala mtao Ñu amâo srăng thâo tuč ôh.”

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”