Y-Mika 4:6 - Klei Aê Diê Blŭ 2015

⁶ Yêhôwa lač, “Hlăm hruê anăn Kâo srăng bi kƀĭn phung đŏng dlơt jơ̆ng leh anăn bi kƀĭn phung arăng suôt hĕ leh, leh anăn phung Kâo bi knap leh.

Y-Mika 4:6 Iomraidhean Croise

Klei Mmuñ Hđăp 147:2

Yêhôwa lŏ mdơ̆ng ƀuôn Yêrusalem; Ñu bi kƀĭn phung Israel bra đuĕ leh.

Klei Mmuñ Hđăp 38:17

Kyuadah kâo păt čiăng êbuh, leh anăn kâo ruă nanao.

Y-Êsai 56:8

Khua Yang Yêhôwa, Pô bi kƀĭn phung Israel arăng suôt leh lač: “Kâo srăng bi kƀĭn phung mkăn kơ ñu êngao kơ phung bi kƀĭn leh.”

Y-Yêrêmi 3:18

Hlăm ênuk anăn sang Yuđa srăng bi mguôp hŏng sang Israel, leh anăn diñu srăng hriê mđrăm mbĭt mơ̆ng čar dưr truh kơ čar Kâo brei leh kơ phung aê diih jing ngăn dưn.

Y-Yêrêmi 31:8

Nĕ anei, Kâo srăng atăt diñu kbiă mơ̆ng čar dưr, leh anăn Kâo srăng hrui bi kƀĭn diñu mơ̆ng anôk lăn ala kbưi hĭn, ti krah diñu phung bum ală leh anăn phung êwiên, phung mniê ba tian leh, leh anăn mniê đih pui, sa phung lu snăk srăng lŏ wĭt tinei.

Y-Êsêkiêl 36:24

Kyuadah Kâo srăng mă diih mơ̆ng phung găp djuê mnuih, leh anăn bi kƀĭn diih mơ̆ng jih jang čar, leh anăn atăt diih kơ čar diih pô.

Y-Mika 2:12

“Ơ Yakôp, sĭt nik Kâo srăng bi kƀĭn jih jang ih, sĭt nik Kâo srăng bi kƀĭn Israel adôk. Kâo srăng dưm diñu mbĭt msĕ si lu biăp hlăm sa boh war, msĕ si lu biăp hlăm kdrăn rơ̆k diñu, sa phung mnuih lu bi ênai hao hao.

Y-Sôphôni 3:19

Nĕ anei, hlăm ênuk anăn Kâo srăng ngă kơ jih jang phung ktư̆ juă ih; Kâo srăng bi mtlaih phung êwiên leh anăn bi kƀĭn phung arăng bi bra đuĕ leh, leh anăn Kâo srăng brei kơ diñu klei bi mni leh anăn klei hing ang hlăm grăp čar arăng bi hêñ diñu leh.

Y-Luk 19:10

Kyuadah Anak Mnuih hriê čiăng duah leh anăn bi mtlaih pô luč leh.”

Y-Yôhan 10:16

Leh anăn Kâo lŏ mâo phung biăp mkăn amâo dôk hlăm war anei ôh. Kâo srăng atăt ba wĭt phung anăn msĕ mơh, leh anăn digơ̆ srăng hmư̆ asăp Kâo. Snăn srăng mâo sa phung biăp leh anăn sa čô mgăt.