Y-Mika 4:4 - Klei Aê Diê Blŭ 2015

⁴ Ƀiădah grăp čô diñu srăng dôk ti gŭ phŭn boh kriăk ƀâo ñu leh anăn ti gŭ ana boh hra ñu, leh anăn amâo mâo pô bi huĭ diñu ôh; kyuadah ƀăng êgei Yêhôwa kơ phung kahan blŭ leh klei anăn.

Y-Mika 4:4 Iomraidhean Croise

I Bruă Mtao 4:25

Phung Yuđa leh anăn phung Israel dôk hlăm klei hơĭt mơ̆ng ƀuôn Dan truh ti ƀuôn Bêr-Sêba, grăp čô ti gŭ ana boh kriăk ƀâo ñu leh anăn ti gŭ ana boh hra ñu, jih jang ênuk Y-Salômôn kiă kriê.

I Bruă Mtao 5:5

Snăn kâo čiăng ngă sa boh sang kơ anăn Yêhôwa Aê Diê kâo, tui si Yêhôwa blŭ leh kơ Y-Đawit ama kâo, ‘Anak êkei ih pô Kâo srăng mdưm ti jhưng mtao ih čuê ih srăng mdơ̆ng sang kơ anăn Kâo.’

Y-Yôp 11:19

Ih srăng đih, leh anăn amâo mâo pô bi huĭ ih ôh; lu mnuih srăng kwưh klei ih đru.

Klei Mmuñ Hđăp 72:3

Brei čư̆ bi truh klei đĭ kyar kơ phung ƀuôn sang, brei kbuôn mboh klei kpă ênô.

Klei Bi Hriêng 3:25

Đăm hyưt ôh kơ klei jŭ jhat truh bhiâo riâo rit, kăn huĭ rei tơdah phung ƀai rai tuč,

Y-Êsai 1:20

Ƀiădah tơdah diih hngah leh anăn bi kdơ̆ng, đao gưm srăng bi rai diih, kyuadah ƀăng êgei Yêhôwa blŭ leh.”

Y-Êsai 17:2

Ƀuôn Arôer srăng jing ênguôl, ñu srăng jing anôk kơ phung biăp đih mdei, leh anăn amâo mâo pô bi huĭ diñu ôh.

Y-Êsai 22:25

Hlăm hruê anăn, Yêhôwa kơ phung kahan lač, hnim pơ̆ng leh hlăm anôk kjăp srăng kbuč hĕ; arăng srăng bi joh ñu, leh anăn ñu lĕ ti gŭ, leh anăn mnơ̆ng ktrŏ ti ñu arăng srăng bi rai hĕ.” Kyua Yêhôwa lač leh klei anăn.

Y-Êsai 26:16

Ơ Yêhôwa, êjai mâo klei knap mñai diñu duah Ih; tơdah Ih mkra diñu, diñu iêô wah lač kơ Ih hŏng jih ai tiê.

Y-Êsai 32:17

Boh tŭ dưn mơ̆ng klei kpă ênô srăng jing klei êđăp ênang, leh anăn boh tŭ dưn mơ̆ng klei kpă ênô jing klei mdei leh anăn klei knang nanao.

Y-Êsai 36:16

Đăm dôk hmư̆ Y-Hêsêkia ôh, kyuadah snei klei mtao čar Asiri blŭ: Ngă klei êđăp ênang hŏng kâo, leh anăn brei ih hriê kơ kâo; leh anăn grăp čô diih srăng ƀơ̆ng boh mơ̆ng phŭn boh kriăk ƀâo leh anăn boh ana hra ñu pô, leh anăn grăp čô diih srăng mnăm êa kbăng ñu pô,

Y-Êsai 40:5

Klei guh kơang Yêhôwa srăng bi êdah, leh anăn jih jang mnuih mđrăm mbĭt srăng ƀuh klei guh kơang anăn, kyuadah ƀăng êgei Yêhôwa blŭ leh klei anăn.”

Y-Êsai 54:14

Kâo srăng bi kjăp ih hŏng klei kpă ênô; ih srăng dôk kbưi hŏng klei arăng ktư̆ juă, kyuadah ih amâo srăng huĭ ôh, leh anăn dôk kbưi hŏng klei bi huĭ, kyuadah klei anăn amâo srăng hriê giăm ih ôh.

Y-Êsai 58:14

hlăk anăn, ih srăng mâo klei mơak hlăm Yêhôwa, leh anăn Kâo srăng brei ih đĭ ti anôk dlông hĭn hlăm lăn čar; Kâo srăng čiêm ih hŏng ngăn dưn Y-Yakôp, aê ih,” Ƀăng êgei Yêhôwa blŭ leh klei anăn.

Y-Yêrêmi 23:4

Kâo srăng dưm phung mgăt biăp kiă kriê digơ̆ bi jăk, leh anăn digơ̆ amâo srăng lŏ huĭ ôh, kăn êdu ai rei, kăn srăng mâo pô luč rei,” Yêhôwa lač.

Y-Yêrêmi 30:10

‘Snăn đăm huĭ ôh, Ơ phung Yakôp dĭng buăl Kâo,’ Yêhôwa lač, ‘Kăn êdu ai rei, Ơ phung Israel, kyuadah nĕ anei, Kâo srăng bi mtlaih ih mơ̆ng anôk kbưi, leh anăn phung anak čô ih mơ̆ng čar digơ̆ jing mnă. Phung Yakôp srăng lŏ wĭt leh anăn dôk êđăp ênang leh anăn dôk mdei, leh anăn amâo mâo pô bi huĭ diñu ôh.’

Y-Êsêkiêl 34:25

Kâo srăng ngă hŏng diñu sa klei bi mguôp êđăp ênang leh anăn suôt hlô dliê mơ̆ng čar, čiăng kơ diñu dôk hơĭt hlăm kdrăn tač leh anăn dôk pĭt hlăm kmrơ̆ng hŏng klei êđăp ênang.

Y-Êsêkiêl 34:28

Diñu amâo srăng lŏ jing mnơ̆ng phung găp djuê mnuih plah mă ôh, kăn hlô dliê srăng kĕ ƀơ̆ng diñu rei. Diñu srăng dôk hŏng klei hơĭt, leh anăn amâo mâo pô srăng bi huĭ diñu ôh.

Y-Êsêkiêl 38:11

leh anăn lač, ‘Kâo srăng đĭ ngă kơ čar mâo ƀuôn amâo mâo mnư̆ ôh; kâo srăng ngă kơ phung ƀuôn sang dôk êđăp ênang leh anăn hŏng klei hơĭt, jih jang diñu dôk hlăm anôk amâo mâo mnư̆ ôh, leh anăn anôk amâo mâo giê kal amâodah ƀăng jang ôh;

Y-Êsêkiêl 39:26

Diñu srăng wơr bĭt klei hêñ diñu, leh anăn jih jang klei diñu lhiăr kơ Kâo, tơdah diñu dôk hŏng klei hơĭt hlăm čar diñu pô amâo mâo pô bi huĭ diñu ôh,

Bruă Lêwi 26:6

Kâo srăng brei klei êđăp ênang hlăm čar diih, diih srăng pĭt mdei, amâo mâo pô bi huĭ diih ôh. Kâo srăng suôt hĕ hlô jhŏng mơ̆ng čar diih, leh anăn đao gưm amâo srăng găn ôh ti čar diih.

Y-Mika 5:3

Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Y-Sôphôni 3:13

Phung adôk hlăm čar Israel amâo srăng ngă sa mta klei soh ôh leh anăn amâo srăng blŭ klei luar ôh, kăn srăng mâo rei êlah mplư hlăm ƀăng êgei diñu. Kyuadah diñu srăng huă ƀơ̆ng leh anăn đih mdei, leh anăn amâo mâo pô srăng bi huĭ diñu ôh.”

Y-Sakari 3:10

Hlăm hruê anăn,’ Yêhôwa kơ phung kahan lač, ‘grăp čô diih srăng jak pô riêng gah ñu dôk ti gŭ phŭn boh kriăk ƀâo leh anăn ana boh hra ñu.’ ”