Y-Mika 4:3 - Klei Aê Diê Blŭ 2015

³ Ñu srăng phat kđi hdơ̆ng lu phung găp djuê mnuih, leh anăn srăng phat kđi kơ phung găp djuê mnuih jhŏng ktang dôk kbưi. Leh anăn diñu srăng tia đao gưm diñu mjing kơ wăng kai, leh anăn kju diñu mjing kơ mniă. Sa găp djuê mnuih amâo srăng lŏ suê̆ đao gưm ngă kơ sa găp djuê mkăn ôh, kăn diñu srăng lŏ hriăm klei bi blah rei.

Y-Mika 4:3 Iomraidhean Croise

Klei Mmuñ Hđăp 46:10

“Dôk ñăt bĕ, leh anăn brei ih thâo kơ Kâo jing Aê Diê. Kâo srăng mâo klei mpŭ mơ̆ng phung găp djuê, Kâo srăng mâo klei mpŭ hlăm lăn ala.”

Klei Mmuñ Hđăp 46:9

Ñu bi ruê̆ klei bi blah truh ti knhal lăn ala; Ñu đăk hĕ hna leh anăn bi joh hĕ kju, Ñu čuh hĕ khil hŏng pui.

Klei Mmuñ Hđăp 72:3

Brei čư̆ bi truh klei đĭ kyar kơ phung ƀuôn sang, brei kbuôn mboh klei kpă ênô.

Klei Mmuñ Hđăp 72:7

Êjai ñu kiă kriê brei klei phung kpă đĭ kyar, leh anăn brei klei êđăp ênang tơl mlan dôk lĕ leh.

Klei Mmuñ Hđăp 82:8

Kgŭ bĕ, Ơ Aê Diê, phat kđi lăn ala; kyuadah jih jang phung găp djuê mnuih jing dŏ Ih.

Klei Mmuñ Hđăp 96:13

ti anăp Yêhôwa, kyuadah Ñu hriê yơh, Ñu hriê čiăng phat kđi lăn ala. Ñu srăng phat kđi lăn ala hŏng klei kpă ênô, leh anăn phung ƀuôn sang hŏng klei sĭt nik Ñu.

Klei Mmuñ Hđăp 98:9

ti anăp Yêhôwa, kyuadah Ñu hriê phat kđi lăn ala. Ñu srăng phat kđi lăn ala hŏng klei kpă ênô, leh anăn phung ƀuôn sang hŏng klei djŏ.

Y-Êsai 2:4

Ñu srăng phat kđi phung găp djuê mnuih, leh anăn Ñu srăng blŭ kđi kơ lu phung ƀuôn sang. Digơ̆ srăng tia đao gưm digơ̆ mjing kơ wăng kai, leh anăn kju digơ̆ mjing kơ mniă. Sa găp djuê mnuih amâo srăng lŏ suê̆ đao gưm ngă kơ găp djuê mkăn ôh, kăn digơ̆ srăng lŏ hriăm bi blah rei.

Y-Êsai 25:3

Kyuanăn phung ƀuôn sang ktang srăng brei klei guh kơang kơ Ih; lu ƀuôn prŏng phung găp djuê jhat ƀai srăng huĭ mpŭ kơ Ih.

Y-Êsai 51:5

Klei kpă ênô Kâo giăm truh prăl, klei Kâo bi mtlaih dơ̆ng truh leh, leh anăn păl kngan Kâo srăng kiă kriê phung găp djuê mnuih. Jih jang plao ksĭ čang guôn kơ Kâo, diñu knang kơ păl kngan Kâo.

Y-Êsai 60:12

Kyuadah găp djuê leh anăn ƀuôn ala mtao amâo čiăng mă bruă kơ ih ôh srăng rai tuč; arăng srăng bi rai hĕ phung găp djuê anăn jih nguêč.

Y-Êsai 65:25

Asâo tan leh anăn êđai biăp srăng ƀơ̆ng rơ̆k mbĭt, êmông gu srăng ƀơ̆ng adrăng msĕ si êmô, ƀiădah ala srăng ƀơ̆ng bruih lăn. Diñu amâo srăng bi ruă, kăn bi rai rei ti jih čư̆ doh jăk Kâo,” Yêhôwa lač.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Ôsê 2:18

Hlăm hruê anăn Kâo srăng ngă brei kơ diih sa klei bi mguôp hŏng hlô dliê, čĭm phiơr hlăm adiê, leh anăn hlô êbat ban ti lăn; Kâo srăng bi luč hna, đao gưm, leh anăn klei bi blah mơ̆ng čar; leh anăn Kâo srăng brei diih đih mdei hŏng klei hơĭt.

Y-Ôsê 2:20

Kâo srăng bi čuôp ih hŏng Kâo hlăm klei sĭt suôr, leh anăn ih srăng thâo kral Yêhôwa.”

Y-Yôel 3:2

Kâo srăng bi kƀĭn jih jang găp djuê mnuih leh anăn atăt diñu trŭn nao kơ tlung Yêhôsaphat. Tinăn Kâo srăng phat kđi diñu, kyua phung ƀuôn sang Kâo leh anăn ngăn dưn Kâo phung Israel, kyuadah phung anăn bi bra đuĕ leh digơ̆ ti krah phung găp djuê mnuih, leh anăn mă mbha leh čar Kâo.

Y-Mika 5:15

Kâo srăng ngă klei rŭ ênua hŏng klei ăl leh anăn ngêñ kơ phung găp djuê mnuih amâo gưt asăp Kâo ôh.”

Y-Sakari 14:3

Hlăk anăn Yêhôwa srăng nao bi blah hŏng phung găp djuê mnuih anăn msĕ si ñu ngă hlăm hruê bi blah.

Y-Sakari 8:20

Snei Yêhôwa kơ phung kahan lač: “Lu phung ƀuôn sang ăt srăng lŏ hriê, si tô hmô phung dôk hlăm lu boh ƀuôn prŏng;

Y-Sakari 9:10

Ñu srăng bi rai êdeh aseh mơ̆ng čar Êphraim leh anăn aseh bi blah mơ̆ng ƀuôn Yêrusalem; leh anăn hna bi blah srăng joh. Ñu srăng mtă klei êđăp ênang kơ phung găp djuê mnuih; klei Ñu kiă kriê srăng dơ̆ng mơ̆ng êa ksĭ anei truh kơ êa ksĭ adih, leh anăn mơ̆ng Êa Krông truh ti knhal lăn ala.

Bruă Phung Khua Ƀĭng Kna 17:31

Kyuadah Ñu bi kčah leh sa hruê Ñu srăng brei sa čô Ñu čuăn leh phat kđi lăn ala hŏng klei kpă. Ñu hưn bi sĭt leh klei anăn kơ jih jang mnuih hŏng klei Ñu bi kbiă lŏ hdĭp Gơ̆ leh mơ̆ng phung djiê.”

Klei Bi Êdah 19:11

Hlăk anăn kâo ƀuh adiê pŏk leh, nĕ anei mâo sa drei aseh kô̆! Pô đĭ aseh anăn arăng pia Pô Sĭt Suôr leh anăn Pô Sĭt Nik. Ñu phat kđi leh anăn bi blah hŏng klei kpă.

I Y-Samuel 2:10

Arăng srăng bi mčah đơ điêt phung roh hŏng Yêhôwa; mơ̆ng adiê ti dlông Ñu srăng brei grăm đah phung anăn; Yêhôwa srăng phat kđi phung dôk ti knhal lăn ala; Ñu srăng brei klei ktang kơ mtao Ñu, leh anăn bi mđĭ klei dưi pô Ñu trôč êa ƀâo mngưi.”