Y-Mika 4:13 - Klei Aê Diê Blŭ 2015

¹³ Ơ anak mniê Siôn, kgŭ prah bĕ, kyuadah Kâo srăng brei ih mâo ki msei leh anăn kčuôp kông. Ih srăng čăm đơ điêt lu phung ƀuôn sang, leh anăn srăng jao brei ngăn dŏ diñu kơ Yêhôwa, klei mdrŏng diñu kơ Khua Yang kơ jih lăn ala.

Y-Mika 4:13 Iomraidhean Croise

Klei Mmuñ Hđăp 24:1

Boh lăn leh anăn jih jang mnơ̆ng hlăm ñu jing dŏ Yêhôwa; lăn ala leh anăn phung mnuih dôk hlăm ñu jing dŏ Ñu mơh.

Klei Mmuñ Hđăp 68:29

Kyua sang yang Ih ti ƀuôn Yêrusalem, phung mtao srăng djă ba mnơ̆ng myơr kơ Ih.

Klei Mmuñ Hđăp 72:10

Brei phung mtao čar Tarsis leh anăn phung plao êa ksĭ tuh jia kơ ñu, brei phung mtao Sahêba leh anăn Sêba myơr mnơ̆ng kơ ñu.

Y-Êsai 18:7

Hlăm ênuk anăn diñu srăng ba mnơ̆ng myơr kơ Yêhôwa kơ phung kahan, mơ̆ng sa phung ƀuôn sang dlông awan leh anăn êjăng, sa phung ƀuôn sang bi krưp dơ̆ng mơ̆ng phŭn mâo ñu hlŏng kơ ară anei, sa găp djuê ktang leh anăn khăng ktư̆ juă, čar diñu mâo lu êa krông bi mbha. Diñu srăng ba mnơ̆ng myơr anăn ti čư̆ Siôn, anôk pioh kơ Anăn Yêhôwa kơ phung kahan.

Y-Êsai 21:10

Ơ phung ƀuôn sang kâo, phung arăng čăm mkra leh! Ya klei kâo hmư̆ leh mơ̆ng Yêhôwa kơ phung kahan, Aê Diê kơ phung Israel, kâo hưn klei anăn kơ diih.

Y-Êsai 23:18

Ƀiădah dŏ ñu mnia leh anăn ênoh mưn ñu srăng pioh mdê kơ Yêhôwa. Arăng amâo srăng mkăm pioh ôh, ƀiădah dŏ ñu mnia srăng pioh dưi jing mnơ̆ng ƀơ̆ng huă êbeh dlai leh anăn čhiăm ao siam kơ phung dôk ti anăp Yêhôwa.

Y-Êsai 5:28

Ƀrăm diñu knur, leh anăn jih jang hna diñu ƀêč leh. Kčuôp jơ̆ng aseh diñu jing msĕ si boh tâo pui, leh anăn pông êdeh diñu jing msĕ si angĭn đrŭng.

Y-Yêrêmi 51:20

Ih jing kmŭt leh anăn mnơ̆ng bi blah Kâo: hŏng ih Kâo bi mčah đơ điêt phung găp djuê mnuih, hŏng ih Kâo bi rai lu ƀuôn ala mtao.

Y-Yêrêmi 51:33

Kyuadah snei Yêhôwa kơ phung kahan, Aê Diê Israel lač: “Anak Mniê ƀuôn Ƀaƀilôn jing msĕ si anôk arăng prah mdiê ti yan arăng juă mdiê; ăt dôk knŏng ƀiă leh anăn yan arăng wiă ñu srăng truh.”

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Ôsê 10:11

Êphraim jing sa drei êmô ana êra arăng mđăo leh khăp juă mdiê; leh anăn Kâo srăng dưm knông ti dlông kkuê siam ñu; Kâo srăng gai Êphraim, Yuđa srăng kai, Yakôp srăng čaih lăn kơ ñu pô.

Y-Mika 5:7

Hlăk anăn kdrêč adôk mơ̆ng Yakôp srăng dôk ti krah lu phung ƀuôn sang msĕ si êa nguôm mơ̆ng Yêhôwa, msĕ si êa hjan ti rơ̆k mda, msĕ si mnơ̆ng amâo guôn kơ mnuih ôh, kăn bi kdung hruê kơ phung anak mnuih rei.

Y-Haƀakuk 3:12

Ih hiu ti lăn ala hŏng klei ngêñ, Ih juă lin phung găp djuê mnuih hŏng klei Ih ăl.

Y-Sakari 12:3

Ti hruê anăn Kâo srăng brei ƀuôn Yêrusalem jing sa boh tâo ktrŏ kơ jih jang phung găp djuê mnuih, tơdah hlei pô srăng pŭ yŏng gơ̆ srăng ruă kjham. Leh anăn jih jang phung găp djuê mnuih ti lăn ala srăng hriê mđrăm mbĭt bi kdơ̆ng hŏng gơ̆.

Y-Sakari 12:6

Ti hruê anăn Kâo srăng brei phung khua Yuđa jing msĕ si sa boh gŏ pui trơ̆ng ti krah djuh, msĕ si sa ƀĕ pui kƀong trơ̆ng ti krah čăp mdiê; leh anăn diñu srăng ƀơ̆ng tĭng hnuă leh anăn tĭng điâo jih jang phung ƀuôn sang jŭm dar, ƀiădah ƀuôn Yêrusalem srăng dôk hơĭt ti anôk ñu.

Y-Sakari 4:14

Leh anăn ñu lač, “Anei jing dua čô Yêhôwa trôč leh êa ƀâo mngưi dôk dơ̆ng mă bruă kơ Khua Yang kơ jih lăn ala.”

Y-Sakari 6:5

Dĭng buăl jăk lŏ wĭt lač kơ kâo, “Phung anei jing pă čô mngăt myang hlăm adiê kbiă nao mơ̆ng anôk diñu dôk dơ̆ng ti anăp Yêhôwa kơ jih lăn ala.

I Kôrantô 16:2

Ti hruê tal sa grăp hruê kăm, brei grăp čô diih mkăm pioh mdê tui si ñu dưi ƀơ̆ng đĭ leh, čiăng kơ diih myơr amâo guôn ôh tơl kâo truh.

Klei Mtô Mñă Klei Bhiăn 33:25

Giê kal ƀăng bhă ih srăng ngă hŏng msei leh anăn kông, leh anăn klei mơai ih srăng mdŭm hŏng hruê ih dôk hdĭp.

Y-Yôsuê 6:19

Ƀiădah jih jang prăk leh anăn mah, mnơ̆ng ngă hŏng kông leh anăn msei jing dŏ pioh kơ Yêhôwa. Arăng srăng pioh dŏ anăn hlăm sang pioh ngăn Yêhôwa.”