Y-Mika 4:12 - Klei Aê Diê Blŭ 2015

¹² Ƀiădah diñu amâo thâo kral ôh klei mĭn Yêhôwa, diñu amâo thâo săng ôh hdră Yêhôwa, klei Yêhôwa bi kƀĭn leh diñu msĕ si čăp mdiê ti anôk prah mdiê.

Y-Mika 4:12 Iomraidhean Croise

Klei Mmuñ Hđăp 147:19

Ñu bi êdah klei Ñu blŭ kơ phung Yakôp, klei bhiăn Ñu leh anăn klei Ñu mtă kơ phung Israel.

Klei Mmuñ Hđăp 147:20

Ñu amâo tuôm ngă msĕ snăn ôh hŏng găp djuê mkăn; digơ̆ amâo thâo săng ôh klei Ñu mtă. Bi mni bĕ kơ Yêhôwa!

Y-Êsai 10:7

Ƀiădah mtao Asiri amâo mkra ngă snăn ôh, kăn tuôm mĭn ngă snăn rei. Ƀiădah lĕ ñu mĭn hlăm ai tiê ñu kơ klei bi rai, čiăng bi luč hĕ lu phung găp djuê mnuih.

Y-Êsai 21:10

Ơ phung ƀuôn sang kâo, phung arăng čăm mkra leh! Ya klei kâo hmư̆ leh mơ̆ng Yêhôwa kơ phung kahan, Aê Diê kơ phung Israel, kâo hưn klei anăn kơ diih.

Y-Êsai 29:7

Jih phung găp djuê lu bi blah hŏng ƀuôn Ariêl, jih jang phung ngă kơ ñu leh anăn kđông ñu, phung bi knap ñu srăng jing msĕ si klei êpei, msĕ si sa klei bi ƀuh êjai mlam,

Y-Êsai 55:8

“Kyuadah klei Kâo mĭn amâo jing klei diih mĭn ôh, êlan diih kăn jing êlan Kâo rei,” Yêhôwa lač.

Y-Yêrêmi 29:11

Kyuadah Kâo thâo ya jing hdră Kâo mkra leh kơ diih,” Yêhôwa lač, “hdră brei klei jăk amâo djŏ ôh klei jhat kơ diih, čiăng kơ diih mâo klei čang hmăng kơ êdei.

Y-Yêrêmi 51:20

Ih jing kmŭt leh anăn mnơ̆ng bi blah Kâo: hŏng ih Kâo bi mčah đơ điêt phung găp djuê mnuih, hŏng ih Kâo bi rai lu ƀuôn ala mtao.

Y-Yêrêmi 51:33

Kyuadah snei Yêhôwa kơ phung kahan, Aê Diê Israel lač: “Anak Mniê ƀuôn Ƀaƀilôn jing msĕ si anôk arăng prah mdiê ti yan arăng juă mdiê; ăt dôk knŏng ƀiă leh anăn yan arăng wiă ñu srăng truh.”

Y-Yôel 3:2

Kâo srăng bi kƀĭn jih jang găp djuê mnuih leh anăn atăt diñu trŭn nao kơ tlung Yêhôsaphat. Tinăn Kâo srăng phat kđi diñu, kyua phung ƀuôn sang Kâo leh anăn ngăn dưn Kâo phung Israel, kyuadah phung anăn bi bra đuĕ leh digơ̆ ti krah phung găp djuê mnuih, leh anăn mă mbha leh čar Kâo.

Y-Luk 3:17

Ñu djă knguôr čiăng mđung bi doh anôk Ñu juă mdiê leh anăn bi kƀĭn mdiê hlăm hjiê Ñu, ƀiădah Ñu srăng čuh kam hlăm pui amâo thâo ram ôh.”