Y-Mika 4:10 - Klei Aê Diê Blŭ 2015

¹⁰ Ơ anak mniê Siôn, kpư̆ krao msĕ si sa čô mniê ruă kkiêng, kyuadah ară anei ih srăng kbiă mơ̆ng ƀuôn prŏng leh anăn ih srăng dôk hlăm hma; ih srăng nao ti čar Ƀaƀilôn. Tinăn arăng srăng dŏng ih, tinăn Yêhôwa srăng bi tui ih mơ̆ng kngan phung roh ih.

Y-Mika 4:10 Iomraidhean Croise

II Bruă Mtao 20:18

Leh anăn đa đa phung anak êkei ih pô arăng kkiêng leh kơ ih arăng srăng mă ba; leh anăn digơ̆ srăng jing phung dĭng buăl kriâo hlăm sang mtao Ƀaƀilôn.”

II Bruă Mtao 25:4

Hlăk anăn arăng ƀoh ƀăng hlăm mnư̆ ƀuôn; mtao mbĭt hŏng jih jang phung kahan đuĕ êjai mlam ti êlan ƀăng jang plah wah dua mnư̆, giăm war mnga mtao, wăt tơdah phung Kaldê dôk jŭm dar ƀuôn dưn. Diñu nao phă êlan Arabah.

II Klei Yăl Dliê 33:11

Kyuanăn Yêhôwa atăt phung khua kahan mtao Asiri nao wang blah diñu, phung anăn mă Y-Manasê jing mnă, tuăk ñu ti adŭng hŏng knuăk, kă ñu hŏng klei săng đai kông leh anăn đoh ba ñu kơ ƀuôn Ƀaƀilôn.

II Klei Yăl Dliê 36:20

Ñu atăt ba jing mnă kơ čar Ƀaƀilôn phung tlaih mơ̆ng đao gưm, leh anăn digơ̆ jing dĭng buăl kơ ñu leh anăn kơ phung anak êkei ñu tơl ênuk arăng mdơ̆ng ƀuôn ala mtao Persơ,

II Klei Yăl Dliê 36:23

“Snei Y-Sirus mtao Persơ lač, ‘Yêhôwa, Aê Diê hlăm adiê, brei leh kơ kâo jih jang ƀuôn ala mtao ti lăn ala, leh anăn Ñu mtă leh kơ kâo brei mdơ̆ng kơ Ñu sa boh sang yang ti ƀuôn Yêrusalem hlăm čar Yuđa. Hlei pô hlăm phung diih jing phung ƀuôn sang Ñu, akâo kơ Yêhôwa Aê Diê gơ̆ dôk mbĭt hŏng gơ̆. Brei gơ̆ đĭ nao kơ ƀuôn Yêrusalem.’ ”

Klei Mmuñ Hđăp 106:10

Gơ̆ bi mtlaih diñu mơ̆ng kngan phung roh, leh anăn bi êngiê diñu mơ̆ng klei myang phung roh.

Y-Êsai 43:14

Snei Yêhôwa lač, Pô Bi Tui diih, Pô Doh Jăk phung Israel, “Kyua diih yơh, Kâo srăng tiŏ nao phung kahan kơ ƀuôn Ƀaƀilôn, leh anăn suôt phung Ƀaƀilôn jing phung đuĕ, hlăm kŭmpăn digơ̆ tuôm khăp leh.

Y-Êsai 45:13

Kâo bi mđĭ leh Y-Sirus hŏng klei kpă ênô Kâo, leh anăn Kâo srăng bi kpă jih êlan ñu. Ñu srăng lŏ mdơ̆ng ƀuôn prŏng Kâo, leh anăn bi êngiê phung Kâo arăng suôt leh mơ̆ng čar, amâo djŏ kyua sa ênoh ôh kăn kyua sa klei mưn rei,’ Yêhôwa kơ phung kahan lač.

Y-Êsai 48:20

Kbiă bĕ mơ̆ng ƀuôn Ƀaƀilôn, đuĕ bĕ mơ̆ng čar Kaldê! Ur driâo bĕ hưn klei anei, yăl dliê bĕ, ba hưn klei anei truh ti knhal lăn ala. Lač bĕ, “Yêhôwa bi tui leh dĭng buăl ñu phung Yakôp.”

Y-Yêrêmi 13:4

“Ba čhiăm hyuă kơiêng ih blei leh anăn hyuă leh, leh anăn kgŭ nao bĕ kơ êa krông Ơprat, leh anăn mdăp hĕ gơ̆ hlăm anôk ƀăng boh tâo kđang.”

Y-Yêrêmi 15:21

“Kâo srăng bi mtlaih ih mơ̆ng kngan phung ƀai, leh anăn bi tui ih mơ̆ng phung ngă jhat.”

Y-Yêrêmi 29:20

Snăn hmư̆ bĕ klei Yêhôwa blŭ, Ơ jih jang phung mnă Kâo suôt leh mơ̆ng ƀuôn Yêrusalem truh kơ čar Ƀaƀilôn:

Y-Yêrêmi 4:31

Kyuadah kâo hmư̆ asăp ur msĕ si sa čô mniê dôk đih pui, klei ruă msĕ si sa čô mniê dôk kkiêng anak tal êlâo, asăp anak mniê ƀuôn Siôn dôk hia ƀhŏk ƀhưn, êjai yơr kngan ñu, “Knap mñai yơh kâo! Mngăt kâo djiê hwăt, ti anăp phung bi mdjiê mnuih.”

Y-Yêrêmi 48:41

Arăng srăng mă jih jang ƀuôn prŏng leh anăn wang mă kđông kjăp. Hlăm hruê anăn ai tiê phung kahan čar Môap srăng jing msĕ si ai tiê sa čô mniê êjai dôk đih pui.

Y-Yêrêmi 52:27

Mtao Ƀaƀilôn bi mdjiê digơ̆ ti ƀuôn Ribla hlăm čar Hamat. Msĕ snăn yơh arăng mă ba phung Yuđa brei jing mnă hlăm čar mkăn.

Y-Ôsê 1:10

“Ƀiădah ênoh yap phung anak čô Israel srăng jing msĕ si čuah hlăm êa ksĭ, arăng amâo dưi mkă, kăn dưi yap rei; leh anăn hrô kơ klei arăng lač kơ diñu, ‘Diih amâo jing phung ƀuôn sang Kâo ôh,’ arăng srăng lač djŏ kơ diñu, ‘Phung anak êkei Aê Diê hdĭp.’

Y-Ôsê 13:13

Klei ruă kkiêng truh leh kơ ñu, ƀiădah ñu jing sa čô anak êkei amâo thâo mĭn ôh; tơdah djŏ mông leh ñu amâo čiăng kbiă mơ̆ng tian amĭ ôh.

Y-Ôsê 2:14

“Kyuanăn nĕ anei, Kâo srăng mƀlum ñu, leh anăn atăt ñu kơ kdrăn tač, leh anăn srăng blŭ hŏng klei êdu kơ ñu.

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Y-Mika 5:3

Kyuanăn Yêhôwa srăng jao digơ̆ tơl truh ênuk mniê ruă kkiêng truh tian leh; hlăk anăn phung ayŏng adei Ñu adôk srăng lŏ wĭt kơ phung ƀuôn sang Israel.

Klei Bi Êdah 12:14

Ƀiădah arăng brei kơ mniê anăn dua pŏk siap tlang prŏng, čiăng kơ ñu dưi phiơr đuĕ mơ̆ng ala nao kơ kdrăn tač, ti anôk arăng srăng čiêm ñu êjai sa ênuk, đa đa ênuk leh anăn sa mkrah ênuk.