Y-Mika 4:1 - Klei Aê Diê Blŭ 2015

¹ Srăng truh hlăm ênuk knhal tuč čư̆ sang yang Yêhôwa arăng srăng mdơ̆ng brei jing čư̆ dlông hĭn, leh anăn mđĭ gơ̆ ti dlông hĭn kơ jih jang kbuôn; leh anăn phung ƀuôn sang srăng kluh nao kơ gơ̆.

Y-Mika 4:1 Iomraidhean Croise

Klei Mphŭn Dơ̆ng 49:1

Y-Yakôp iêô phung anak êkei ñu leh anăn lač, “Bi kƀĭn bĕ diih, čiăng kơ kâo dưi hưn klei srăng truh kơ diih hlăm ênuk êdei.

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

Klei Mmuñ Hđăp 110:3

Phung ƀuôn sang ih srăng myơr diñu pô kơ Ih ti hruê Ih atăt gai phung kahan Ih kơ klei bi blah. Ti dlông čư̆ doh jăk Ih, msĕ si êa nguôm ti aguah ưm phung hlăk ai Ih srăng hriê kơ Ih.

Klei Mmuñ Hđăp 22:27

Jih jang knhal lăn ala srăng hdơr leh anăn wĭt kơ Yêhôwa; jih jang găp djuê mnuih srăng buôn kkuh ti anăp Ñu.

Klei Mmuñ Hđăp 48:1

Yêhôwa jing prŏng leh anăn năng kơ jih klei arăng bi mni hlăm ƀuôn Aê Diê drei ti čư̆ doh jăk Ñu.

Klei Mmuñ Hđăp 86:9

Jih jang phung găp djuê mnuih Ih mjing leh srăng hriê buôn kkuh ti anăp Ih, Ơ Khua Yang; leh anăn diñu srăng brei klei guh kơang kơ anăn Ih.

Y-Êsai 27:13

Hlăm hruê anăn arăng srăng ayŭ ki prŏng. Phung luč leh hlăm čar Asiri leh anăn phung arăng suôt leh kơ čar Êjip srăng hriê kkuh mpŭ kơ Yêhôwa ti čư̆ doh jăk ti ƀuôn Yêrusalem.

Y-Êsai 43:6

Kâo srăng lač kơ dưr, ‘Brei bĕ’, leh anăn kơ dhŭng, ‘Đăm kơ̆ng pioh ôh’. Atăt ba bĕ phung anak êkei Kâo hriê mơ̆ng kbưi, leh anăn phung anak mniê Kâo mơ̆ng knhal lăn ala,

Y-Êsai 49:6

Ñu lač, “Jing klei điêt đei kơ ih jing dĭng buăl Kâo čiăng lŏ kơrŭ phung găp djuê Yakôp leh anăn čiăng lŏ mdơ̆ng phung Israel adôk. Kâo msĕ mơh srăng brei ih jing klei mngač kơ phung tue, čiăng kơ klei Kâo bi mtlaih dưi truh ti knhal lăn ala.”

Y-Êsai 54:2

Bi ƀai bĕ anôk sang čhiăm ih, brei arăng lang bi prŏng čhiăm păng anôk ih dôk; đăm kơ̆ng ôh, dhiang klei ih leh anăn bi kjăp giê krơ̆ng ih.

Y-Êsai 56:7

diñu yơh Kâo srăng atăt ba kơ čư̆ doh jăk Kâo, leh anăn brei diñu hơ̆k mơak hlăm sang Kâo wah lač. Mnơ̆ng diñu čuh leh anăn mnơ̆ng diñu ngă yang Kâo srăng tŭ ti dlông knưl Kâo; kyuadah sang kâo arăng srăng pia sang wah lač pioh kơ jih jang phung găp djuê mnuih.”

Y-Yêrêmi 16:19

Ơ Yêhôwa, klei ktang kâo leh anăn kđông kjăp kâo, anôk kâo đuĕ dăp êjai hruê mâo klei rŭng răng, kơ Ih yơh phung găp djuê mnuih srăng hriê mơ̆ng knhal lăn ala leh anăn lač: “Phung aê hmei dưn knŏng klei luar, mnơ̆ng hơăi mang amâo mâo klei tŭ dưn ôh.

Y-Yêrêmi 26:18

“Y-Mika ƀuôn Môrêset hưn êlâo leh hlăm ênuk Y-Hêsêkia mtao Yuđa, leh anăn lač kơ jih jang phung ƀuôn sang čar Yuđa, ‘Snei klei Yêhôwa kơ phung kahan lač, “Arăng srăng kai ƀuôn Siôn msĕ si sa boh hma; ƀuôn Yêrusalem srăng jing sa kăm mnơ̆ng rai, leh anăn čư̆ sang yang srăng jing čư̆ kmrơ̆ng.” ’

Y-Yêrêmi 3:17

Hlăm ênuk anăn arăng srăng pia ƀuôn Yêrusalem Jhưng Mtao Yêhôwa, leh anăn jih jang găp djuê mnuih srăng bi kƀĭn tinăn, ti anăp Yêhôwa hlăm ƀuôn Yêrusalem, leh anăn diñu amâo srăng lŏ jing khăng kŏ ôh čiăng tui hlue klei ai tiê jhat diñu pô čiăng.

Y-Yêrêmi 31:12

Digơ̆ srăng truh leh anăn mmuñ kraih ti dlông čư̆ Siôn, leh anăn digơ̆ srăng hơ̆k mơak kyua klei jăk Yêhôwa, kyua mdiê, kpiê leh anăn êa prăi boh ôliwơ, leh anăn kyua lu êđai biăp bê leh anăn êmô aseh; mngăt diñu srăng jing msĕ si war djam msah hĕ hŏng êa, leh anăn diñu amâo srăng lŏ ênguôt ôh.

Y-Yêrêmi 48:47

Ăt Kâo srăng brei klei jăk jĭn kơ čar Môap, ƀiădah hlăm ênuk knhal tuč,” Yêhôwa lač. Snăn yơh jing klei phat kđi kơ čar Môap.

Y-Êsêkiêl 38:16

diih srăng hriê bi kdơ̆ng hŏng phung ƀuôn sang Kâo Israel msĕ si knam guôm čar. Hlăm ênuk knhal tuč, Ơ Y-Gôk Kâo srăng atăt diih ngă kơ čar Kâo, čiăng kơ phung găp djuê mnuih dưi thâo kral Kâo, tơdah, hŏng ih Kâo bi êdah klei doh jăk Kâo ti anăp ală diñu.’

Y-Êsêkiêl 40:2

leh anăn atăt ba hlăm klei bi ƀuh Aê Diê kơ čar Israel, leh anăn dưm kâo ti čư̆ dlông snăk, ti čư̆ anăn mâo msĕ si sa boh ƀuôn arăng mdơ̆ng phă dhŭng.

Y-Êsêkiêl 43:12

Anei yơh jing klei bhiăn kơ sang yang: jih anôk lăn jŭm dar ti dlông čŏng čư̆ srăng jing anôk doh jăk hĭn. Nĕ anei, klei bhiăn kơ sang yang.

Y-Đaniel 10:14

Ară anei kâo hriê čiăng brei ih thâo săng klei srăng truh kơ phung ƀuôn sang ih hlăm ênuk knhal tuč, kyuadah klei bi ƀuh djŏ kơ ênuk êdei.”

Y-Đaniel 2:28

Ƀiădah mâo Aê Diê hlăm adiê bi êdah klei hgăm, leh anăn Ñu brei mtao Nebukatnetsar thâo klei srăng truh hlăm ênuk knhal tuč. Klei ih êpei ƀuh leh anăn klei ih bi ƀuh êjai ih đih ti jhưng pĭt ih snei:

Y-Đaniel 2:35

Leh anăn msei, lăn lŭ, kông, prăk, leh anăn mah mčah mđrăm mbĭt, leh anăn jing msĕ si kam ti anôk juă mdiê êjai yan bhang, leh anăn angĭn mđung kpuh diñu, snăn amâo lŏ ƀuh diñu ôh hơăi. Ƀiădah boh tâo bi mčah rup tuh anăn hriê kơ prŏng jing sa boh čư̆ prŏng leh anăn bi bŏ tar ƀar lăn ala.

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Đaniel 7:14

Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Đaniel 7:18

Ƀiădah phung doh jăk Pô Ti Dlông Hĭn srăng mă tŭ ƀuôn ala mtao, leh anăn srăng mâo ƀuôn ala mtao nanao hlŏng lar hlăm jih jang ênuk.’

Y-Đaniel 7:22

tơl Pô Dôk Hdĭp Mơ̆ng Ênuk Đưm truh leh anăn brei klei phat kđi kyua phung doh jăk Pô Ti Dlông Hĭn, leh anăn ênuk truh tơdah phung doh jăk mă tŭ ƀuôn ala mtao.

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Ôsê 3:5

Êdei kơ klei anăn phung anak čô Israel srăng lŏ wĭt leh anăn tui duah Yêhôwa Aê Diê diñu, leh anăn Y-Đawit mtao diñu. Diñu srăng hriê hŏng klei huĭ mpŭ kơ Yêhôwa leh anăn hriê mă tŭ klei jăk jĭn Ñu hlăm ênuk knhal tuč.

Y-Mika 3:12

Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.

Y-Sakari 14:10

Jih čar srăng bliư̆ jing lăn dap mơ̆ng ƀuôn Gêba truh ti ƀuôn Rimôn tĭng dhŭng ƀuôn Yêrusalem. Ƀiădah ƀuôn Yêrusalem srăng mđĭ ti dlông dôk djŏ anôk ñu dơ̆ng mơ̆ng Ƀăng Jang Benjamin truh ti anôk Ƀăng Jang Tal Êlâo, truh ti Ƀăng Jang Kiêng, leh anăn mơ̆ng Sang Tum Hananel truh ti anôk djiêt kpiê mtao.

Y-Sakari 2:11

“Lu phung găp djuê mnuih srăng bi mguôp hŏng Yêhôwa hlăm hruê anăn, leh anăn srăng jing phung ƀuôn sang Kâo; leh anăn Kâo srăng dôk ti krah diih.” Diih srăng thâo Yêhôwa kơ phung kahan tiŏ nao leh kâo kơ diih.

Y-Sakari 8:3

Snei Yêhôwa lač: “Kâo srăng lŏ wĭt kơ ƀuôn Siôn leh anăn dôk hlăm ƀuôn Yêrusalem. Hlăk anăn arăng srăng pia ƀuôn Yêrusalem Ƀuôn Klei Sĭt Nik, leh anăn čư̆ Yêhôwa kơ phung kahan arăng srăng pia Čư̆ Doh Jăk.”

Y-Malaki 1:11

Kyuadah mơ̆ng anôk yang hruê ƀlĕ truh ti anôk yang hruê lĕ, anăn Kâo jing prŏng ti krah phung găp djuê mnuih, leh anăn hlăm jih jang anôk arăng myơr mnơ̆ng ƀâo mngưi leh anăn mnơ̆ng myơr doh kơ anăn Kâo, kyuadah anăn Kâo jing prŏng ti krah phung găp djuê mnuih,” Yêhôwa kơ phung kahan lač.

Bruă Phung Khua Ƀĭng Kna 2:17

‘Aê Diê lač, Hlăm ênuk knhal tuč srăng truh snei: Kâo srăng tuh Mngăt Myang Kâo ti jih jang kđeh; phung anak êkei leh anăn anak mniê diih srăng hưn êlâo, phung êkei hlăk ai diih srăng mâo klei bi ƀuh, leh anăn phung êkei mduôn diih srăng mâo klei êpei.

Hêbrơ 1:2

ƀiădah hlăm ênuk knhal tuč anei Ñu blŭ leh kơ drei hŏng Anak Êkei Ñu. Aê Diê brei Gơ̆ jing Pô dưn jih jang mnơ̆ng, hŏng Gơ̆ msĕ mơh Ñu hrih leh lăn adiê.

II Y-Pêtrôs 3:3

Êlâo hĭn brei diih thâo săng snei: hlăm ênuk knhal tuč srăng mâo phung mưč hriê djă djik djak, ngă tui si klei diñu pô tluh.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 15:4

Ơ Khua Yang, hlei amâo srăng huĭ mpŭ leh anăn bi guh kơang anăn Ih? Kyuadah knŏng hjăn Ih jing doh jăk. Jih jang găp djuê mnuih srăng hriê kkuh mpŭ kơ Ih, kyuadah bruă kpă ênô Ih bi êdah leh.”

Klei Bi Êdah 20:4

Kâo ƀuh lu boh jhưng mtao, leh anăn Aê Diê brei kơ phung dôk gŭ tinăn klei dưi phat kđi. Kâo ƀuh msĕ mơh mngăt phung arăng khăt kkuê leh kyua diñu hưn klei Yêsu, kyua klei Aê Diê blŭ, kăn tuôm kkuh mpŭ kơ hlô dliê amâodah kơ rup ñu, leh anăn kăn tuôm mă tŭ klei čih mrô ñu ti adhei amâodah ti kngan diñu. Diñu kbiă lŏ hdĭp leh anăn kiă kriê mbĭt hŏng Krist êjai sa êbâo thŭn.