Y-Mika 3:9 - Klei Aê Diê Blŭ 2015

⁹ Hmư̆ bĕ klei anei, Ơ phung khua sang Yakôp leh anăn phung khua gai gĭt sang Israel, phung bi êmut kơ klei djŏ găl leh anăn bi msoh jih klei mtăp mđơr,

Y-Mika 3:9 Iomraidhean Croise

Y-Nêhêmi 13:17

Kâo ƀuah phung mdrŏng hlăm phung Yuđa leh anăn lač kơ diñu, “Ya klei jhat diih ngă anei, bi čhŏ hruê sabat?

Klei Kbiă 3:16

Nao bi kƀĭn bĕ phung khua mduôn phung Israel leh anăn lač kơ diñu, ‘Yêhôwa, Aê Diê phung aê diih, Aê Diê Y-Abraham, Y-Isăk, leh anăn Y-Yakôp, bi êdah leh kơ kâo, lač, Kâo ƀuh diih leh, leh anăn klei arăng ngă kơ diih hlăm čar Êjip.

Klei Bi Hriêng 17:15

Pô yap mnuih soh kpă leh anăn pô bi kmhal mnuih kpă, Yêhôwa bi êmut kơ jih dua diñu.

Klei Bi Hriêng 17:23

Mnuih ƀai mă tŭ ngăn sun hŏng klei hgăm, čiăng bi msoh klei kpă.

Klei Bi Hriêng 18:5

Amâo jăk ôh dôk tĭng kơ mnuih ƀai, amâodah bi msoh klei djŏ kơ mnuih kpă.

Klei Bi Hriêng 21:7

Klei măk ƀai phung wê srăng bi rai diñu pô, kyuadah diñu hngah ngă klei djŏ.

Y-Êsai 1:23

Phung khua kiă kriê ih jing phung bi kdơ̆ng, găp hŏng phung knĕ. Grăp čô khăp kơ ngăn sun leh anăn tui tiŏ klei mưn. Diñu amâo mgang phung anak êrĭt ôh, kăn diñu uêñ rei kơ klei kpă phung mniê djiê ung.

Y-Yêrêmi 5:28

diñu jing êmŏng leh anăn klĭt êbhơr blia. Diñu ngă ƀai amâo mâo knhal ôh; kđi phung anak êrĭt ama diñu amâo mkra bi djŏ ôh, leh anăn diñu amâo mgang ôh klei djŏ kơ phung ƀun ƀin.”

Y-Êsêkiêl 44:23

Diñu srăng mtô kơ phung ƀuôn sang Kâo klei mdê mnơ̆ng doh jăk leh anăn mnơ̆ng yang dar, leh anăn bi êdah kơ digơ̆ si dưi tĭng ksiêm mnơ̆ng amâo doh hŏng mnơ̆ng doh.

Y-Ôsê 5:1

“Hmư̆ bĕ klei anei, Ơ phung khua ngă yang! Mđing knga bĕ, Ơ sang Israel! Kăp hmư̆ bĕ, Ơ sang mtao! Kyuadah klei phat kđi anei djŏ kơ diih; kyuadah diih jing leh kđông ƀêč ti ƀuôn Mispa, leh anăn ñuăl dăng leh ti čư̆ Tabor.

Bruă Lêwi 26:15

tơdah diih hngah kơ klei bhiăn Kâo, leh anăn tơdah mngăt diih bi êmut kơ klei Kâo mtă, tơl diih amâo ngă ôh tui hlue jih klei Kâo mtă, ƀiădah gao hĕ klei Kâo bi mguôp,

Y-Amôs 5:7

Ơ phung diih mbliư̆ klei djŏ jing kyâo phĭ, leh anăn bhĭr hwiê klei kpă ênô ti lăn!

Y-Mika 1:1

Hlăm ênuk Y-Jôtham, Y-Ahas, leh anăn Y-Hêsêkia, phung mtao čar Yuđa, Yêhôwa blŭ kơ Y-Mika mnuih ƀuôn Môrêset klei ñu ƀuh djŏ kơ ƀuôn Samari leh anăn ƀuôn Yêrusalem.

Y-Mika 3:1

Leh anăn kâo lač: “Hmư̆ bĕ, Ơ phung khua Yakôp, leh anăn phung khua gai gĭt sang Israel! Diih amâo thâo hĕ ya jing klei kpă?

Klei Mtô Mñă Klei Bhiăn 27:19

‘Tăm pah hĕ kơ pô bi msoh klei kpă djŏ kơ pô dôk jưh bhiâo, kơ anak êrĭt, leh anăn kơ mniê djiê ung.’ Leh anăn jih jang phung ƀuôn sang srăng lač, ‘Amen’.