Y-Mika 3:8 - Klei Aê Diê Blŭ 2015

⁸ Ƀiădah bi kơ kâo, kâo bŏ hŏng klei myang, bŏ hŏng Mngăt Yang Yêhôwa, leh anăn hŏng klei djŏ leh anăn klei ktang, čiăng hưn kơ phung Yakôp klei diñu gao klei bhiăn, leh anăn kơ phung Israel klei soh diñu.

Y-Mika 3:8 Iomraidhean Croise

Y-Yôp 32:18

Kyuadah kâo mâo lu klei kâo čiăng blŭ, mngăt kâo mtrŭt kâo.

Y-Êsai 58:1

“Ur kraih bĕ, đăm kơ̆ng ôh; ur kraih msĕ si sa ƀĕ ki. Hưn bĕ kơ phung ƀuôn sang Kâo klei diñu gao klei bhiăn, leh anăn kơ sang Yakôp klei soh diñu.

Y-Êsai 61:1

Mngăt Myang Khua Yang Yêhôwa dôk ti kâo, kyuadah Yêhôwa trôč leh êa ƀâo mngưi ti kâo čiăng hưn klei mrâo mrang jăk kơ phung ƀun ƀin. Ñu tiŏ hriê leh kâo čiăng bi hlao phung mâo ai tiê ênguôt, čiăng hưn klei êngiê kơ phung mnă, leh anăn klei pŏk sang mnă kơ phung arăng krư̆;

Y-Êsai 61:2

čiăng hưn thŭn Yêhôwa pap, leh anăn hruê Aê Diê drei rŭ ênua, čiăng bi juh jih jang phung kơŭ kyăm,

Y-Yêrêmi 1:18

Nĕ hruê anei, Kâo mjing ih sa boh ƀuôn kjăp, sa ƀĕ kmeh msei, leh anăn mnư̆ kông bi kdơ̆ng hŏng jih lăn čar, hŏng phung mtao čar Yuđa, phung khua diñu, phung khua ngă yang diñu, leh anăn phung ƀuôn sang.

Y-Yêrêmi 20:9

Tơdah kâo lač, “Kâo amâo srăng lŏ bâo kơ ñu ôh, kăn lŏ blŭ hlăm anăn ñu rei,” klei Ih blŭ jing hlăm ai tiê kâo msĕ si pui dôk trơ̆ng bŏ leh hlăm klang kâo, leh anăn kâo êmăn djă pioh klei anăn, leh anăn kâo amâo lŏ dưi ôh.

Y-Yêrêmi 6:11

Kyuanăn kâo bŏ hŏng klei Yêhôwa ngêñ; kâo amâo lŏ dưi kơ̆ng klei ngêñ anăn ôh. “Tuh bĕ klei anăn kơ phung hđeh hlăm êlan dơ̆ng, leh anăn kơ phung êkei hlăk ai msĕ mơh; tuh djŏ wăt kơ ung leh anăn mô̆, phung khua leh anăn phung mduôn êdi.

Klei Čŏk Hia 2:14

Phung khua pô hưn êlâo ih ƀuh leh klei bi ƀuh luar leh anăn mplư; diñu amâo tuôm bi êdah klei wê ih ôh, čiăng kơ ih amâo đuĕ jing mnă ôh, ƀiădah bi ƀuh leh kơ ih klei bi êdah luar leh anăn mplư.

Y-Êsêkiêl 16:2

“Ơ anak mnuih, brei phung ƀuôn Yêrusalem thâo klei jhat Kâo bi êmut kheh diñu ngă leh,

Y-Êsêkiêl 20:4

Ih srăng phat kđi diñu mơ̆, Ơ anak mnuih, ih srăng phat kđi diñu mơ̆? Snăn brei diñu thâo klei jhat Kâo bi êmut kheh phung aê diñu ngă leh,

Y-Êsêkiêl 22:2

“Bi ih, Ơ anak mnuih, ih srăng phat kđi, ih srăng phat kđi mơ̆ kơ ƀuôn tuh êrah? Snăn hưn bĕ kơ ñu jih jang klei jhat Kâo bi êmut kheh ñu ngă leh.

Y-Êsêkiêl 23:36

Yêhôwa lač kơ kâo: “Ơ anak mnuih, ih srăng phat kđi hĕ kơ H'Ôhôla leh anăn H'Ôhôliba? Snăn hưn bĕ kơ diñu klei jhat diñu ngă Kâo bi êmut kheh.

Y-Êsêkiêl 3:14

Mngăt Myang pŭ kâo kơ dlông leh anăn mă mđuĕ kâo kơ anôk mkăn, leh anăn kâo nao hŏng klei ênguôt leh anăn ăl hlơr, kngan Yêhôwa jing ktrŏ ti kâo.

Y-Êsêkiêl 43:10

“Bi ih, Ơ anak mnuih, mblang bĕ kơ sang Israel si sang yang srăng jing leh anăn rup čih kơ gơ̆, čiăng kơ diñu hêñ kyua klei soh diñu.

Y-Mathiơ 7:29

kyuadah Ñu mtô kơ digơ̆ hŏng klei kơhưm, amâo djŏ msĕ si phung khua čih hră digơ̆ ôh.

Y-Markôs 3:17

Y-Yakơ anak êkei Y-Sêbêdê, leh anăn Y-Yôhan adei Y-Yakơ, dua čô anei Ñu bi anăn Bôanerjơ, čiăng lač phung anak grăm;

I Kôrantô 2:4

Klei kâo blŭ leh anăn klei kâo mtô amâo djŏ hŏng klei blŭ thâo mĭn mnuih ôh, ƀiădah hŏng klei Yang Mngăt Jăk bi êdah leh anăn hŏng klei myang Aê Diê,