Y-Mika 3:7 - Klei Aê Diê Blŭ 2015

⁷ Phung thâo bi ƀuh srăng hêñ, arăng srăng bi hêñ phung mdian; jih jang diñu srăng guôm ƀăng kƀông diñu, kyuadah amâo mâo klei lŏ wĭt lač mơ̆ng Aê Diê ôh.

Y-Mika 3:7 Iomraidhean Croise

Klei Mmuñ Hđăp 74:9

Hmei amâo lŏ ƀuh klei bi knăl Ih dôk mbĭt hŏng hmei ôh, amâo lŏ mâo khua pô hưn êlâo ôh; kăn mâo rei pô hlăm phung hmei thâo dŭm boh sui klei anei srăng dôk.

Klei Kbiă 9:11

Phung mdian amâo dưi dôk ti anăp Y-Môis ôh kyua ruih tiêng, kyuadah wăt phung mdian pô mơh djŏ ruih tiêng msĕ si jih jang phung Êjip.

Y-Êsai 44:25

Pô bi luč klei bi knăl phung hưn êlâo soh, leh anăn Pô brei phung mjâo jing mluk, Pô bi kdŭn hĕ phung thâo mĭn, leh anăn brei klei diñu thâo săng jing klei mluk;

Y-Yêrêmi 18:18

Snăn diñu lač, “Hriê bĕ drei, trông čhai hdră srăng ngă kơ Y-Yêrêmi, kyuadah klei bhiăn amâo srăng rai tuč ôh mơ̆ng khua ngă yang, kăn klei kčĕ rai tuč rei mơ̆ng phung thâo mĭn, kăn klei blŭ rai tuč rei mơ̆ng phung khua pô hưn êlâo. Hriê bĕ brei drei čăm ñu hŏng klei blŭ, leh anăn đăm brei drei mđing hmư̆ kơ klei ñu blŭ ôh.”

Y-Êsêkiêl 24:17

Krao bĕ, ƀiădah amâo kraih ôh; đăm kơŭ kyăm ôh kơ pô djiê. Păn kŏ ih leh anăn čŭt hdruôm jơ̆ng ih; đăm guôm hĕ kƀông ih ôh, kăn ƀơ̆ng kpŭng arăng čang rei.”

Y-Êsêkiêl 24:22

Diih srăng ngă tui si Kâo ngă leh: diih amâo srăng guôm kƀông diih ôh, kăn ƀơ̆ng rei kpŭng arăng čang.

Bruă Lêwi 13:45

Mnuih djŏ phŭng mâo klei ruă anăn srăng hơô čhiăm ao tĭ leh anăn amâo gĭ ƀŭk ôh, leh anăn ñu srăng guôm kƀuê ñu ti dlông leh anăn ur, ‘Čhŏ, čhŏ.’

Y-Amôs 8:11

“Nĕ anei, hruê srăng truh,” Aê Diê Yêhôwa lač, “Tơdah Kâo srăng mơĭt klei ư̆ êpa hlăm čar; amâo djŏ klei ư̆ êpa kpŭng ôh, kăn djŏ klei mhao êa rei, ƀiădah klei ư̆ êpa čiăng hmư̆ klei Yêhôwa blŭ.

Y-Mika 3:4

Hlăk anăn diñu srăng ur kơ Yêhôwa, ƀiădah Gơ̆ amâo srăng lŏ wĭt lač kơ diñu ôh. Hlăm ênuk anăn Gơ̆ srăng mdăp ƀô̆ mta kơ diñu, kyuadah klei jhat diñu ngă leh.

Y-Mika 7:16

Phung găp djuê mnuih srăng ƀuh leh anăn hêñ kơ jih klei ktang diñu; diñu srăng dôk ñăt amâo lŏ mâo klei blŭ ôh; knga diñu srăng jing kngăl.

Y-Sakari 13:4

Ti hruê anăn, grăp čô khua pô hưn êlâo srăng hêñ kơ klei ñu bi ƀuh tơdah ñu hưn êlâo; ñu amâo srăng hơô ôh sa blah ao kpal bi mlâo čiăng mplư,

I Y-Samuel 14:37

Y-Sôl êmuh kơ Aê Diê, “Kâo srăng trŭn tiŏ phung Philistin mơ̆? Ih srăng jao diñu hlăm kngan phung Israel mơ̆?” Ƀiădah Aê Diê amâo lŏ wĭt lač kơ ñu ôh hruê anăn.

I Y-Samuel 28:15

Leh anăn Y-Samuel lač kơ Y-Sôl, “Si ngă ih bi kpăk kâo êjai ih brei kâo kbiă?” Y-Sôl lŏ wĭt lač, “Kâo mâo klei rŭng răng snăk, kyuadah phung Philistin bi blah hŏng kâo, leh anăn Aê Diê lui kâo leh, leh anăn amâo lŏ wĭt lač kơ kâo ôh, hŏng phung khua pô hưn êlâo amâodah hŏng klei êpei kăn rei. Kyuanăn kâo iêô ih leh čiăng kơ ih hưn kơ kâo ya kâo srăng ngă.”

I Y-Samuel 28:6

Tơdah Y-Sôl êmuh kơ Yêhôwa, Yêhôwa amâo lŏ wĭt lač kơ ñu ôh, kăn hŏng klei êpei, hŏng Urim, amâodah hŏng phung khua pô hưn êlâo rei.

I Y-Samuel 9:9

(Mphŭn dô hlăm čar Israel tơdah arăng nao êmuh kơ Aê Diê, pô anăn lač, “Bơ drei nao kơ pô mâo klei thâo ƀuh;” kyuadah pô arăng pia khua pô hưn êlâo hruê anei, mphŭn dô arăng pia pô mâo klei thâo ƀuh).