Y-Mika 3:6 - Klei Aê Diê Blŭ 2015

⁶ Kyuanăn srăng jing mlam kơ diih, amâo mâo klei bi ƀuh ôh, leh anăn klei mmăt kơ diih, amâo mâo klei bi êdah klei hgăm ôh. Yang hruê srăng lĕ kơ phung khua pô hưn êlâo, hruê srăng jing mmăt kơ diñu.

Y-Mika 3:6 Iomraidhean Croise

Klei Mmuñ Hđăp 74:9

Hmei amâo lŏ ƀuh klei bi knăl Ih dôk mbĭt hŏng hmei ôh, amâo lŏ mâo khua pô hưn êlâo ôh; kăn mâo rei pô hlăm phung hmei thâo dŭm boh sui klei anei srăng dôk.

Y-Êsai 29:10

Kyuadah Yêhôwa bi truh leh kơ diih klei pĭt snăk; Ñu bi pĭt leh ală diih, ală diih si tô hmô phung khua pô hưn êlâo, Ñu guôm leh boh kŏ diih, boh kŏ si tô hmô phung mâo klei bi ƀuh.

Y-Êsai 59:10

Drei duah êwư mtih msĕ si mnuih bum ală, drei duah êwư msĕ si phung amâo mâo ală ôh. Drei têč hnêč êjai yang hruê dơ̆ng msĕ si êjai mmăt wai băk; ti krah phung mâo klei ktang, drei jing msĕ si phung djiê.

Y-Yêrêmi 13:16

Brei bĕ klei guh kơang kơ Yêhôwa Aê Diê diih êlâo kơ Ñu bi truh klei mmăt kơ diih, êlâo kơ jơ̆ng diih têč hnêč ti dlông čư̆ êjai mmăt wai băk, leh anăn êjai diih duah klei mngač, Ñu bi mlih jing mmăt, leh anăn brei mâo klei mmăt kpal snăk.

Y-Yêrêmi 15:9

Sa čô mniê kkiêng leh kơ kjuh čô anak srăng djiê hwăt, leh anăn tuč êwa. Klei mngač ñu srăng bi mlih hĕ jing mmăt êjai yang hruê; arăng srăng bi luă gŭ leh anăn bi hêñ ñu. Leh anăn phung diñu ăt dôk Kâo srăng jao kơ phung roh diñu bi mdjiê hŏng đao gưm,” Yêhôwa lač.

Y-Yêrêmi 18:18

Snăn diñu lač, “Hriê bĕ drei, trông čhai hdră srăng ngă kơ Y-Yêrêmi, kyuadah klei bhiăn amâo srăng rai tuč ôh mơ̆ng khua ngă yang, kăn klei kčĕ rai tuč rei mơ̆ng phung thâo mĭn, kăn klei blŭ rai tuč rei mơ̆ng phung khua pô hưn êlâo. Hriê bĕ brei drei čăm ñu hŏng klei blŭ, leh anăn đăm brei drei mđing hmư̆ kơ klei ñu blŭ ôh.”

Y-Êsêkiêl 13:9

‘Kngan Kâo srăng bi kdơ̆ng hŏng phung khua pô hưn êlâo phung bi ƀuh klei luar leh anăn blŭ klei mdian luar. Diñu amâo srăng dôk hlăm klei phung ƀuôn sang Kâo bi kƀĭn ôh, kăn arăng čih anăn diñu rei hlăm hră čih anăn sang Israel, kăn diñu srăng mŭt hlăm čar Israel rei; leh anăn diih srăng thâo kơ Kâo jing Yêhôwa Aê Diê.

Y-Êsêkiêl 7:26

Sa klei knap mñai truh leh anăn klei knap mñai mkăn tui hlue. Sa klei hmư̆ hing tui hlue klei hmư̆ hing mkăn; diñu duah sa klei bi ƀuh mơ̆ng khua pô hưn êlâo, ƀiădah phung khua ngă yang amâo lŏ mtô klei bhiăn ôh, leh anăn phung khua mduôn amâo lŏ dưi bi kčĕ ôh.

Y-Amôs 8:11

“Nĕ anei, hruê srăng truh,” Aê Diê Yêhôwa lač, “Tơdah Kâo srăng mơĭt klei ư̆ êpa hlăm čar; amâo djŏ klei ư̆ êpa kpŭng ôh, kăn djŏ klei mhao êa rei, ƀiădah klei ư̆ êpa čiăng hmư̆ klei Yêhôwa blŭ.

Y-Mika 2:6

“Đăm hưn êlâo ôh” — snăn diñu lač — “Đăm hưn êlâo ôh klei msĕ snăn; klei hêñ amâo srăng hmao drei ôh.”