Y-Mika 3:5 - Klei Aê Diê Blŭ 2015

⁵ Snei Yêhôwa lač djŏ kơ phung khua pô hưn êlâo, phung atăt bi wơr êlan phung ƀuôn sang Kâo, phung ur, “Klei êđăp ênang” êjai êgei diñu mâo mnơ̆ng mmah, ƀiădah mkra klei bi blah hŏng pô amâo brei mnơ̆ng ƀơ̆ng huă kơ diñu ôh.

Y-Mika 3:5 Iomraidhean Croise

Klei Bi Hriêng 28:21

Amâo jăk ôh dlăng mnuih mdê mdê, ƀiădah wăt knŏng čiăng mâo sa klŏ kpŭng ăt arăng dưi ngă soh mơh.

Y-Êsai 3:12

Bi phung ƀuôn sang kâo, phung hđeh ktư̆ juă diñu, leh anăn phung mniê kiă kriê diñu. Ơ phung ƀuôn sang kâo, phung atăt gai diih bi wơr dliê diih, leh anăn bi čhuai êlan diih.

Y-Yêrêmi 23:27

Diñu mĭn čiăng brei phung ƀuôn sang Kâo wơr bĭt anăn Kâo hŏng klei diñu êpei, klei anăn diñu hưn hdơ̆ng diñu, msĕ si phung ama diñu wơr bĭt anăn Kâo čiăng hdơr kơ yang Baal.

Y-Yêrêmi 23:32

Nĕ anei, Kâo bi kdơ̆ng hŏng phung hưn êlâo klei êpei luar,” Yêhôwa lač, “Leh anăn phung hưn klei anăn leh anăn atăt phung ƀuôn sang Kâo wơr dliê hŏng klei diñu luar leh anăn ngă pliă plia, tơdah Kâo amâo tuôm tiŏ diñu amâodah mtă kơ diñu ôh; snăn diñu amâo mâo klei tŭ dưn ôh kơ phung ƀuôn sang anei,” Yêhôwa lač.

Y-Yêrêmi 6:14

Diñu bi hlao anôk êka phung ƀuôn sang Kâo knŏng bơ ƀiă, êjai diñu lač, ‘Klei êđăp ênang, klei êđăp ênang,’ ƀiădah amâo mâo klei êđăp ênang ôh.

Y-Yêrêmi 6:4

“Mkra bĕ klei bi blah hŏng gơ̆, kgŭ bĕ, brei drei ksŭng ti yang hruê dơ̆ng! Knap mñai yơh kơ drei, kyuadah yang hruê wih leh, kyuadah êyui adiê tlam jing dlông!

Klei Čŏk Hia 2:14

Phung khua pô hưn êlâo ih ƀuh leh klei bi ƀuh luar leh anăn mplư; diñu amâo tuôm bi êdah klei wê ih ôh, čiăng kơ ih amâo đuĕ jing mnă ôh, ƀiădah bi ƀuh leh kơ ih klei bi êdah luar leh anăn mplư.

Y-Êsêkiêl 13:9

‘Kngan Kâo srăng bi kdơ̆ng hŏng phung khua pô hưn êlâo phung bi ƀuh klei luar leh anăn blŭ klei mdian luar. Diñu amâo srăng dôk hlăm klei phung ƀuôn sang Kâo bi kƀĭn ôh, kăn arăng čih anăn diñu rei hlăm hră čih anăn sang Israel, kăn diñu srăng mŭt hlăm čar Israel rei; leh anăn diih srăng thâo kơ Kâo jing Yêhôwa Aê Diê.

Y-Ôsê 4:5

Ih srăng têč hnêč êjai hruê, khua pô hưn êlâo srăng têč hnêč mbĭt hŏng ih msĕ mơh êjai mlam; leh anăn Kâo srăng bi rai amĭ ih.

Y-Yôel 3:9

Hưn bĕ klei anei ti krah phung găp djuê mnuih: “mkra bĕ kơ klei bi blah! Mčhur bĕ phung kahan jhŏng ktang! Brei jih jang phung thâo bi blah hriê giăm, brei diñu đĭ nao!”

Y-Mika 2:11

Tơdah sa čô mnuih luar leh anăn mplư, blŭ lač, “Kâo srăng mtô kơ diih kơ kpiê leh anăn kơ kpiê ktang,” pô anăn srăng jing khua pô hưn êlâo năng kơ phung ƀuôn sang anei!

Y-Mika 3:11

Phung khua ñu phat kđi kyua ngăn sun, phung khua ngă yang ñu mtô kyua ênoh mưn, phung khua pô hưn êlâo ñu bi êdah klei hgăm kyua prăk. Ƀiădah diñu knang kơ Yêhôwa leh anăn lač, “Amâo djŏ hĕ Yêhôwa dôk ti krah drei? Amâo mâo klei jhat ôh srăng truh kơ drei.”

Y-Malaki 2:8

Ƀiădah diih weh đuĕ leh mơ̆ng êlan; diih bi têč hnêč leh lu mnuih hŏng klei diih bi hriăm; diih bi msoh leh klei bi mguôp hŏng Y-Lêwi,” Yêhôwa kơ phung kahan lač.

Y-Mathiơ 15:14

Lui mơ̆ng ai diñu; diñu jing phung bum ală atăt êlan phung bum ală. Tơdah sa čô bum ală atăt sa čô bum ală, jih dua srăng lĕ hlăm ƀăng.”

Y-Mathiơ 7:15

“Răng bĕ kơ phung khua pô hưn êlâo soh. Diñu hriê kơ diih hơô klĭt biăp, ƀiădah ti lam diñu jing asâo tan ră.

Hră Y-Pôl Mơĭt kơ Phung Rôm 16:18

Kyuadah phung msĕ snăn amâo mă bruă kơ Krist Khua Yang drei ôh, ƀiădah kơ tian diñu pô, leh anăn hŏng klei blŭ siam leh anăn myâo mă diñu mplư ai tiê phung kgưt.