Y-Mika 3:4 - Klei Aê Diê Blŭ 2015

⁴ Hlăk anăn diñu srăng ur kơ Yêhôwa, ƀiădah Gơ̆ amâo srăng lŏ wĭt lač kơ diñu ôh. Hlăm ênuk anăn Gơ̆ srăng mdăp ƀô̆ mta kơ diñu, kyuadah klei jhat diñu ngă leh.

Y-Mika 3:4 Iomraidhean Croise

Y-Yôp 27:9

Aê Diê srăng hmư̆ klei ñu ur mơ̆ tơdah klei rŭng răng truh kơ ñu?

Y-Yôp 35:13

Sĭt nik Aê Diê amâo hmư̆ ôh pô kwưh akâo hŏng ai tiê amâo mâo sĭt suôr, kăn Pô Mâo Jih Klei Myang uêñ kơ klei anăn rei.

Klei Mmuñ Hđăp 18:41

Diñu ur kwưh klei dŏng, ƀiădah amâo mâo pô bi mtlaih diñu ôh; diñu ur kwưh kơ Yêhôwa, ƀiădah Gơ̆ amâo lŏ wĭt lač kơ diñu ôh.

Klei Bi Hriêng 1:28

Hlăk anăn diih srăng iêô kâo, ƀiădah kâo amâo srăng lŏ wĭt lač ôh; diih srăng duah kâo hŏng jih ai tiê, ƀiădah diih amâo srăng ƀuh kâo ôh.

Klei Bi Hriêng 28:9

Hlei pô kăt ƀăng knga ñu amâo čiăng hmư̆ klei bhiăn ôh, wăt klei ñu wah lač jing klei Yêhôwa bi êmut kheh.

Y-Êsai 1:15

Tơdah diih yơr kngan diih, Kâo srăng mdăp ală Kâo kơ diih. Wăt tơdah diih wah lač lu, Kâo amâo srăng hmư̆ ôh, kyuadah kngan diih bŏ hŏng êrah.

Y-Êsai 3:11

Knap mñai yơh kơ phung ƀai; srăng jing jhat kơ diñu, kyuadah arăng srăng ngă kơ diñu ya klei kngan ñu ngă leh.

Y-Yêrêmi 11:11

Kyuanăn Yêhôwa lač snei, ‘Nĕ anei Kâo dơ̆ng bi truh klei jhat kơ diñu leh anăn diñu amâo dưi tlaih ôh; wăt tơdah diñu ur kơ Kâo, Kâo amâo srăng dôk hmư̆ diñu ôh.

Y-Yêrêmi 14:12

Wăt tơdah diñu kăm ƀơ̆ng huă dưn, Kâo amâo srăng hmư̆ klei diñu ur kwưh ôh; leh anăn wăt tơdah diñu myơr mnơ̆ng myơr čuh leh anăn mnơ̆ng myơr kpŭng ƀhĭ dưn, Kâo amâo srăng tŭ diñu ôh; ƀiădah Kâo srăng bi rai diñu hŏng đao gưm, hŏng klei ư̆ êpa, leh anăn hŏng klei ruă tưp.”

Y-Yêrêmi 33:5

phung Kaldê hriê mŭt čiăng bi blah: ‘Kâo srăng bi bŏ sang anăn hŏng atâo phung êkei srăng djiê hŏng klei Kâo ngêñ leh anăn ăl, kyuadah Kâo mdăp leh ƀô̆ mta Kâo mơ̆ng ƀuôn anei kyua klei ƀai diñu.

Y-Yêrêmi 5:31

phung khua pô hưn êlâo hưn klei luar, leh anăn phung khua ngă yang kiă kriê tui si klei dưi diñu pô. Phung ƀuôn sang Kâo khăp klei msĕ snăn mơh, ƀiădah ti knhal tuč ya diih srăng ngă?”

Y-Êsêkiêl 8:18

Snăn yơh Kâo srăng ngă hŏng klei ngêñ; ală Kâo amâo srăng hơưi ôh, kăn Kâo srăng pap rei; wăt tơdah diñu ur kơ knga Kâo hŏng asăp kraih dưn, Kâo amâo srăng dôk hmư̆ diñu ôh.”

Y-Mika 3:7

Phung thâo bi ƀuh srăng hêñ, arăng srăng bi hêñ phung mdian; jih jang diñu srăng guôm ƀăng kƀông diñu, kyuadah amâo mâo klei lŏ wĭt lač mơ̆ng Aê Diê ôh.

Y-Mika 7:13

Ƀiădah lăn ala srăng jing ênguôl kyua phung dôk hlăm ñu, kyua boh mơ̆ng klei diñu ngă.

Y-Sakari 7:13

‘Tơdah Kâo iêô, diñu amâo dôk hmư̆ ôh; snăn mơh diñu iêô, leh anăn Kâo amâo dôk hmư̆ ôh.’ Yêhôwa kơ phung kahan lač.

Y-Mathiơ 7:22

Hlăm hruê anăn srăng mâo lu mnuih lač kơ Kâo, ‘Ơ Khua Yang, Ơ Khua Yang, amâo djŏ hĕ hmei tuôm hưn êlâo leh hlăm anăn Ih, suôt yang jhat hlăm anăn Ih, leh anăn ngă lu bruă myang hlăm anăn Ih?’

Y-Luk 13:25

Tơdah pô sang kgŭ leh anăn kđăl ƀăng bhă, diih srăng dôk ti tač leh anăn dơ̆ng khŏk ƀăng bhă, lač, ‘Ơ Khua, pŏk ƀăng bhă kơ hmei đa.’ Ñu srăng lŏ wĭt lač kơ diih, ‘Kâo amâo thâo ôh mơ̆ng diih kbiă hriê.’

Y-Yôhan 9:31

Drei thâo Aê Diê amâo dôk hmư̆ ôh phung soh, ƀiădah tơdah sa čô kkuh mpŭ kơ Aê Diê leh anăn ngă klei ñu čiăng, Aê Diê dôk hmư̆ pô anăn.

Y-Yakơ 2:13

Kyuadah klei phat kđi amâo srăng pap ôh kơ pô amâo tuôm pap kơ arăng. Ƀiădah klei pap brei dưi hŏng klei phat kđi.

I Y-Samuel 8:18

Hlăk anăn diih srăng ur krao kyua mtao diih, pô diih ruah leh kơ diih pô; ƀiădah Yêhôwa amâo srăng lŏ wĭt lač kơ diih ôh.”