Y-Mika 3:2 - Klei Aê Diê Blŭ 2015

² Ơ phung bi êmut kơ klei jăk leh anăn khăp kơ klei jhat, phung lôk klĭt phung ƀuôn sang Kâo, leh anăn hiêk kđeh mơ̆ng klang digơ̆,

Y-Mika 3:2 Iomraidhean Croise

I Bruă Mtao 21:20

Y-Ahap lač kơ Y-Êli, “Ih ƀuh leh kâo hĕ, Ơ pô roh kâo?” Ñu lŏ wĭt lač, “Kâo ƀuh leh ih, kyuadah ih čhĭ leh ih pô čiăng ngă klei jhat ti anăp ală Yêhôwa.

II Klei Yăl Dliê 19:2

Ƀiădah Y-Jêhu anak êkei Y-Hanani pô thâo bi ƀuh kbiă nao bi tuôm hŏng ñu leh anăn lač kơ Mtao Jôsaphat, “Jing djŏ mơ̆ ih đru pô ƀai leh anăn khăp kơ phung bi êmut kơ Yêhôwa? Kyua klei anei klei ngêñ mơ̆ng Yêhôwa truh kơ ih.

Klei Mmuñ Hđăp 15:4

ñu bi êmut kơ pô hngah kơ Yêhôwa, ƀiădah ñu mpŭ kơ phung gưt kơ Yêhôwa; wăt tơdah klei ñu kat asei jing klei luč kơ ñu, ñu amâo bi mlih klei anăn ôh.

Klei Mmuñ Hđăp 53:4

Phung ngă klei wê amâo mâo klei thâo săng hĕ? Diñu ƀơ̆ng phung ƀuôn sang Kâo msĕ si ƀơ̆ng kpŭng, leh anăn amâo iêô wah lač kơ Aê Diê ôh.

Klei Bi Hriêng 28:4

Phung amâo gưt klei bhiăn ôh bi mni kơ phung ƀai, ƀiădah phung tui hlue klei bhiăn bi kdơ̆ng hŏng anăn.

Y-Êsai 3:15

Ya klei diih juă hĕ phung ƀuôn sang Kâo leh anăn juă mñir hĕ ƀô̆ mta phung ƀun ƀin?” Khua Yang Yêhôwa kơ phung kahan lač.

Y-Êsai 5:20

Knap mñai yơh kơ phung pia klei jhat jing jăk, leh anăn klei jăk jing jhat, phung yap klei mmăt hrô kơ klei mngač, leh anăn klei mngač hrô kơ klei mmăt, phung brei klei phĭ hrô kơ klei mmih, leh anăn klei mmih hrô kơ klei phĭ.

Y-Êsai 57:12

Kâo srăng hưn bi êdah klei kpă ênô diih leh anăn bruă diih, ƀiădah mnơ̆ng anăn amâo srăng jing tŭ dưn kơ diih ôh.

Y-Êsêkiêl 11:7

Kyuanăn snei Yêhôwa Aê Diê lač: Mnuih djiê diih dưm leh ti krah ƀuôn anei jing kđeh čĭm, leh anăn ƀuôn anei jing gŏ ƀŭng; ƀiădah Kâo srăng suôt diih kbiă mơ̆ng ƀuôn anei.

Y-Êsêkiêl 22:27

Phung khua ti krah ñu jing msĕ si asâo tan hiêk ƀơ̆ng mnơ̆ng ñu kĕ, tuh êrah, bi luč mngăt čiăng plah mă mnơ̆ng.

Y-Êsêkiêl 24:4

dưm hlăm gŏ anăn lu kdrêč kđeh čĭm, jih jang kdrêč jăk, kơiêng leh anăn mra; bi bŏ gŏ hŏng klang jăk hĭn.

Y-Êsêkiêl 34:3

Diih ƀơ̆ng prăi, diih bi hơô diih pô hŏng mlâo biăp, diih bi mdjiê êđai biăp êmŏng; ƀiădah diih amâo čiêm ôh biăp.

Y-Amôs 4:1

Hmư̆ bĕ klei blŭ anei, Ơ phung êmô ana Basan dôk ti dlông čư̆ Samari, phung ktư̆ juă phung ƀun ƀin, phung juă lin phung kƀah mnơ̆ng, phung lač kơ ung diih, “Ba bĕ mnơ̆ng mnăm!”

Y-Amôs 5:15

Bi êmut bĕ kơ klei jhat, leh anăn khăp bĕ kơ klei jăk, bi kjăp klei kpă ti ƀăng jang. Năng ai Yêhôwa, Aê Diê kơ phung kahan srăng pap kơ phung Yôsep adôk.

Y-Mika 2:8

Ƀiădah phung ƀuôn sang Kâo kgŭ ngă msĕ si sa čô roh, diih toh hĕ ao jhung mơ̆ng phung găn hŏng klei amâo yŏng răng ôh, msĕ si phung wĭt mơ̆ng klei bi blah.

Y-Mika 7:2

Mnuih huĭ mpŭ kơ Aê Diê rai tuč leh mơ̆ng lăn ala, leh anăn amâo mâo sa čô kpă ôh hlăm phung mnuih; jih jang diñu kăp tuh êrah, grăp čô dăng ñuăl kơ adei ñu.

Y-Mika 7:3

Kngan diñu mbruă snăk ngă klei jhat. Khua kiă kriê leh anăn khua phat kđi akâo ngăn sun, leh anăn pô ktang mtă klei ñu čiăng, snăn diñu trông čhai mbĭt.

Y-Sôphôni 3:3

Phung khua ñu ti krah ñu jing êmông gu dôk gruh; phung khua phat kđi ñu jing asâo tan hiu tlam amâo lui sa mta mnơ̆ng tơl aguah ôh.

Y-Luk 19:14

Ƀiădah phung ƀuôn sang ñu bi êmut kơ ñu leh anăn tiŏ nao phung dĭng ktang ti tluôn ñu brei lač, ‘Hmei amâo čiăng ôh kơ mnuih anei kiă kriê hmei.’

Y-Yôhan 18:40

Diñu lŏ ur lač, “Amâo djŏ mnuih anei ôh, ƀiădah phưi Y-Barabas!” Y-Barabas jing sa čô mnuih knĕ.

Y-Yôhan 7:7

Lăn ala amâo dưi bi êmut kơ diih ôh, ƀiădah lăn ala bi êmut kơ Kâo kyuadah Kâo hưn kơ bruă lăn ala jing jhat.

Hră Y-Pôl Mơĭt kơ Phung Rôm 1:32

Wăt tơdah diñu thâo klei bhiăn Aê Diê hưn kơ hlei pô ngă msĕ snăn năng djiê, amâo djŏ ôh knŏng diñu pô ngă, ƀiădah diñu ư ai hŏng phung ngă klei anăn.

Hră Y-Pôl Mơĭt kơ Phung Rôm 12:9

Brei klei khăp diih jing sĭt. Bi êmut kơ klei jhat, djă pioh ya jing klei jăk.

II Y-Timôthê 3:3

amâo uêñ kơ arăng, amâo thâo pap, mčeh luar, êgao hnơ̆ng, măk ƀai, bi êmut kơ klei jăk,