Y-Mika 3:11 - Klei Aê Diê Blŭ 2015

¹¹ Phung khua ñu phat kđi kyua ngăn sun, phung khua ngă yang ñu mtô kyua ênoh mưn, phung khua pô hưn êlâo ñu bi êdah klei hgăm kyua prăk. Ƀiădah diñu knang kơ Yêhôwa leh anăn lač, “Amâo djŏ hĕ Yêhôwa dôk ti krah drei? Amâo mâo klei jhat ôh srăng truh kơ drei.”

Y-Mika 3:11 Iomraidhean Croise

Klei Bi Hriêng 17:23

Mnuih ƀai mă tŭ ngăn sun hŏng klei hgăm, čiăng bi msoh klei kpă.

Y-Êsai 1:23

Phung khua kiă kriê ih jing phung bi kdơ̆ng, găp hŏng phung knĕ. Grăp čô khăp kơ ngăn sun leh anăn tui tiŏ klei mưn. Diñu amâo mgang phung anak êrĭt ôh, kăn diñu uêñ rei kơ klei kpă phung mniê djiê ung.

Y-Êsai 48:2

Kyuadah diñu pia diñu pô phung ƀuôn sang mơ̆ng ƀuôn doh jăk, leh anăn knang kơ Aê Diê phung Israel, Anăn gơ̆ Yêhôwa kơ phung kahan.

Y-Êsai 5:23

phung yap kpă pô ƀai kyua ngăn sun, leh anăn hngah ngă klei djŏ kơ phung kpă.

Y-Êsai 56:11

Jih jang asâo anăn ră, amâo thâo trei ôh. Diñu jing phung mgăt biăp amâo mâo klei thâo săng ôh; jih jang diñu wir tui êlan diñu pô, grăp čô čiăng ƀơ̆ng đĭ kơ ñu pô sơăi.

Y-Yêrêmi 23:17

Diñu lač nanao kơ phung bi êmut kơ Kâo, ‘Yêhôwa blŭ diih srăng mâo klei êđăp ênang,’ leh anăn diñu lač kơ grăp čô tui hlue klei ai tiê khăng diñu pô čiăng, ‘Amâo mâo klei jhat srăng truh kơ diih ôh.’

Y-Yêrêmi 26:7

Phung khua ngă yang, phung khua pô hưn êlâo leh anăn jih jang phung ƀuôn sang hmư̆ leh klei Y-Yêrêmi blŭ klei anei hlăm sang Yêhôwa.

Y-Yêrêmi 5:12

Diñu blŭ klei luar kơ Yêhôwa, leh anăn lač, “Ñu amâo srăng ngă sa klei ôh; amâo mâo klei jhat srăng truh kơ drei ôh, kăn drei srăng ƀuh đao gưm amâodah klei ư̆ êpa rei.

Y-Yêrêmi 6:13

“Kyuadah mơ̆ng phung điêt truh kơ phung prŏng hĭn hlăm phung diñu, grăp čô diñu tluh snăk ƀơ̆ng mnga hŏng klei wê, leh anăn phung khua pô hưn êlâo wăt phung khua ngă yang ngă hŏng klei mplư.

Y-Yêrêmi 7:4

Đăm diih knang ôh kơ klei blŭ mplư anei: “Anei jing sang yang Yêhôwa, sang yang Yêhôwa, sang yang Yêhôwa.”

Y-Yêrêmi 8:10

Kyuanăn Kâo srăng brei mô̆ digơ̆ kơ phung mkăn leh anăn hma digơ̆ kơ phung mkăn mă bha, kyuadah mơ̆ng pô điêt hĭn truh kơ pô prŏng hĭn, grăp čô tluh kơ klei ƀơ̆ng mnga hŏng klei wê. Mơ̆ng khua pô hưn êlâo truh kơ khua ngă yang, grăp čô ngă hŏng klei luar.

Y-Êsêkiêl 22:12

Hlăm ih phung êkei mă ngăn sun čiăng tuh êrah; ih ƀơ̆ng mnga leh anăn ƀơ̆ng đĭ mơ̆ng phung riêng gah ih hŏng klei arưp aram; leh anăn ih wơr bĭt leh Kâo,’ Yêhôwa Aê Diê lač.

Y-Êsêkiêl 22:27

Phung khua ti krah ñu jing msĕ si asâo tan hiêk ƀơ̆ng mnơ̆ng ñu kĕ, tuh êrah, bi luč mngăt čiăng plah mă mnơ̆ng.

Y-Êsêkiêl 34:2

“Ơ anak mnuih, hưn êlâo bĕ bi kdơ̆ng hŏng phung mgăt biăp Israel; hưn êlâo bĕ, leh anăn lač kơ diñu, ‘Snei Yêhôwa Aê Diê lač: Knap mñai yơh Ơ phung mgăt biăp Israel dôk čiêm knŏng diih pô! Amâo djŏ hĕ phung mgăt biăp bhiăn čiêm biăp?

Y-Ôsê 4:18

Wăt tơdah kpiê diñu jih leh dưn, diñu ăt ngă klei knhông; phung khua diñu khăp snăk kơ klei hêñ.

Y-Ôsê 4:8

Diñu čiêm diñu pô hŏng klei soh phung ƀuôn sang Kâo; diñu jing ră hŏng klei wê diñu.

Y-Amôs 5:14

Tui duah bĕ klei jăk, amâo djŏ klei jhat ôh, čiăng kơ diih dưi dôk hdĭp; snăn kơh Yêhôwa Aê Diê kơ phung kahan srăng dôk mbĭt hŏng diih msĕ si diih lač leh.

Y-Amôs 9:10

Jih jang phung soh hlăm phung ƀuôn sang Kâo srăng djiê hŏng đao gưm, phung tuôm lač, ‘Klei jhat amâo srăng hmao amâodah bi tuôm hŏng drei ôh.’ ”

Y-Mika 3:5

Snei Yêhôwa lač djŏ kơ phung khua pô hưn êlâo, phung atăt bi wơr êlan phung ƀuôn sang Kâo, phung ur, “Klei êđăp ênang” êjai êgei diñu mâo mnơ̆ng mmah, ƀiădah mkra klei bi blah hŏng pô amâo brei mnơ̆ng ƀơ̆ng huă kơ diñu ôh.

Y-Mika 7:3

Kngan diñu mbruă snăk ngă klei jhat. Khua kiă kriê leh anăn khua phat kđi akâo ngăn sun, leh anăn pô ktang mtă klei ñu čiăng, snăn diñu trông čhai mbĭt.

Y-Sôphôni 3:3

Phung khua ñu ti krah ñu jing êmông gu dôk gruh; phung khua phat kđi ñu jing asâo tan hiu tlam amâo lui sa mta mnơ̆ng tơl aguah ôh.

Y-Sôphôni 3:4

Phung khua pô hưn êlâo ñu ngă tui si diñu čiăng, jing phung mplư. Phung khua ngă yang ñu bi čhŏ anôk doh jăk, diñu gao klei bhiăn.

Y-Malaki 1:10

“Ơ, čiăng snăk mâo sa čô hlăm phung diih kđăl hĕ ƀăng bhă sang yang, čiăng đăm diih čuh pui hơăi mang ôh ti dlông knưl Kâo! Kâo amâo mâo klei mơak ôh hŏng diih,” Yêhôwa kơ phung kahan lač, “Leh anăn Kâo amâo srăng tŭ ôh sa mnơ̆ng myơr mơ̆ng kngan diih.

Y-Malaki 2:9

“Kyuanăn Kâo brei jih jang phung ƀuôn sang bi êmut leh anăn bi hêñ diih, kyuadah diih amâo tuôm djă pioh êlan Kâo ôh, ƀiădah diih bi êdah klei diih dôk sa tĭng hlăm klei diih bi hriăm klei anăn.”

Klei Yap 16:15

Y-Môis ăl snăk, leh anăn lač kơ Yêhôwa, “Đăm mpŭ kơ mnơ̆ng diñu myơr ôh. Kâo amâo tuôm mă mơ̆ng diñu sa drei aseh dliê ôh, leh anăn kâo amâo tuôm ngă klei jhat kơ sa čô diñu ôh.”

Klei Yap 22:7

Snăn phung khua mduôn ala čar Môap leh anăn phung khua mduôn ala čar Madian đuĕ nao djă ba mnơ̆ng mưn kơ phung mjâo. Diñu truh kơ Y-Balaam leh anăn yăl dliê klei Y-Balak mtă.

Y-Mathiơ 3:9

leh anăn đăm hưn ktưn leh anăn lač, ‘Hmei mâo leh Y-Abraham jing aê hmei,’ kyuadah kâo hưn kơ diih Aê Diê dưi bi kbiă phung anak čô kơ Y-Abraham mơ̆ng phung boh tâo anei.

I Y-Timôthê 3:3

amâo jing mnuih kpiê ruă ôh, amâo jing mnuih krêñ ôh ƀiădah êdu, amâo bi mneh msao, amâo khăp kơ prăk ôh.

Y-Tit 1:11

Brei diñu dôk ñăt, kyuadah diñu bi rŭng jih găp djuê hlăm lu boh sang hŏng klei mtô amâo bhiăn mtô ôh kyua diñu čiăng ƀơ̆ng ngăn.

I Y-Pêtrôs 5:2

Brei diih kiă phung biăp Aê Diê jao leh kơ diih, amâo djŏ hŏng klei mgô̆ ôh, ƀiădah hŏng klei čŏng čiăng, amâo djŏ kyua ênoh mưn čhŏ mrŏ ôh, ƀiădah hŏng klei khăp hŏng jih ai tiê,

Y-Yut 1:11

Knap mñai yơh kơ diñu! Kyuadah diñu tui hlue êlan Y-Kain, leh anăn jao diñu pô kơ klei ƀơ̆ng ngăn tui si klei soh Y-Balaam, leh anăn rai luč hŏng klei Y-Kôrê bi kdơ̆ng.

I Y-Samuel 8:3

Phung anak êkei ñu amâo tui hlue êlan ñu ôh, ƀiădah klah đuĕ čiăng ƀơ̆ng ngăn; diñu mă tŭ ngăn sun, leh anăn bi msoh kơ klei kpă.