Y-Mika 2:9 - Klei Aê Diê Blŭ 2015

⁹ Diih suôt phung mniê ƀuôn sang Kâo mơ̆ng sang siam digơ̆; diih mă hĕ klei guh kơang Kâo mơ̆ng phung anak diñu hlŏng lar.

Y-Mika 2:9 Iomraidhean Croise

Klei Mmuñ Hđăp 72:19

Mpŭ mni kơ anăn guh kơang Ñu nanao hlŏng lar; brei jih lăn ala bŏ hŏng klei guh kơang Ñu! Amen leh anăn Amen.

Y-Yêrêmi 10:20

Sang čhiăm kâo rai leh, jih jang klei kă tloh leh; phung anak kâo đuĕ leh mơ̆ng kâo, amâo lŏ ƀuh diñu ôh; amâo lŏ mâo pô ôh lŏ đru mdơ̆ng sang čhiăm kâo, leh anăn đru păng anôk kâo dôk.

Y-Êsêkiêl 39:21

“Kâo srăng dưm klei guh kơang Kâo ti krah phung găp djuê mnuih, leh anăn jih jang phung găp djuê mnuih srăng ƀuh klei Kâo phat kđi Kâo bi truh leh, leh anăn kngan kâo yơr leh ngă kơ diñu.

Y-Yôel 3:6

Diih čhĭ leh phung ƀuôn sang Yuđa leh anăn ƀuôn Yêrusalem kơ phung Grĕk, suôt digơ̆ kbưi mơ̆ng čar digơ̆ pô.

Y-Amôs 2:7

Diñu juă boh kŏ phung ƀun ƀin hlăm ƀruih lăn, leh anăn bi weh hĕ klei djŏ kơ phung arăng bi knap. Sa čô êkei leh anăn ama ñu nao kơ sa čô mniê, snăn bi čhŏ anăn doh jăk Kâo.

Y-Mika 2:2

Diñu tluh kơ hma leh anăn plah mă hĕ; diñu tluh kơ sang leh anăn mă hĕ. Diñu tlĕ sang sa čô êkei leh anăn plah mă ngăn dưn gơ̆.

Y-Haƀakuk 2:14

Kyuadah lăn ala srăng bŏ hŏng klei thâo kral klei guh kơang Yêhôwa, msĕ si êa guôm tur êa ksĭ.

Y-Sakari 2:5

Kyuadah Kâo pô srăng jing kơ gơ̆ sa mnư̆ pui jŭm dar gơ̆.’ Yêhôwa lač, ‘leh anăn Kâo srăng jing klei guh kơang gơ̆ hlăm gơ̆.’ ”

Y-Mathiơ 23:13

“Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih kđăl ƀuôn ala mtao adiê kơ mnuih, diih pô amâo mŭt hlăm ƀuôn ala mtao anăn ôh, kăn brei rei phung čiăng mŭt tinăn. [

Y-Markôs 12:40

Diñu plah mă sang phung mniê djiê ung leh anăn mgưt hŏng klei wah lač sui čiăng arăng ƀuh. Diñu srăng tŭ klei bi kmhal kjham hĭn.”

Y-Luk 20:47

Diñu plah mă sang phung mniê djiê ung leh anăn mgưt wah lač sui. Diñu srăng tŭ klei bi kmhal kjham hĭn.”

II Kôrantô 3:18

Leh anăn jih jang drei hŏng ƀô̆ mta amâo guôm ôh dôk dlăng kơ klei guh kơang Khua Yang msĕ si hlăm ală kĭng, mâo klei bi mlih jing tui rup Ñu, mơ̆ng sa mta klei guh kơang kơ sa mta klei guh kơang mkăn. Kyuadah klei anei kbiă hriê mơ̆ng Khua Yang, Pô jing Mngăt Myang.

II Kôrantô 4:6

Kyuadah Aê Diê Pô lač leh, “Brei klei mngač mtrang hlăm anôk mmăt,” mtrang leh hlăm ai tiê hmei, čiăng brei klei mngač mơ̆ng klei thâo săng klei guh kơang Aê Diê mtrang mơ̆ng ƀô̆ mta Krist.

I Y-Samuel 26:19

Snăn ară anei brei khua kâo mtao hmư̆ asăp dĭng buăl ñu blŭ. Tơdah jing Yêhôwa yơh mtrŭt leh ih ngă kơ kâo, akâo kơ Ñu tŭ mnơ̆ng myơr; ƀiădah tơdah jing phung mnuih, akâo kơ diñu mâo klei tăm pah ti anăp Yêhôwa, kyuadah diñu suôt kâo hruê anei čiăng kơ kâo amâo mâo ôh kdrêč ngăn dưn Yêhôwa, lač, ‘Nao mă bruă bĕ kơ phung yang mkăn.’