Y-Mika 2:7 - Klei Aê Diê Blŭ 2015

⁷ Djŏ mơ̆ arăng lač klei anei, Ơ sang Yakôp? “Mngăt Myang Yêhôwa amâo thâo gĭr hĕ? Djŏ mơ̆ snei klei Ñu ngă?” Amâo djŏ hĕ klei Kâo blŭ ngă jăk kơ pô êbat hŏng klei kpă?

Y-Mika 2:7 Iomraidhean Croise

Klei Mmuñ Hđăp 119:65

Ơ Yêhôwa, Ih ngă leh klei jăk kơ dĭng buăl Ih, tui si klei Ih blŭ.

Klei Mmuñ Hđăp 119:68

Ih jing jăk, leh anăn Ih ngă klei jăk; bi hriăm kâo klei bhiăn Ih.

Klei Mmuñ Hđăp 15:2

Pô êbat hŏng klei kpă, ngă klei djŏ, leh anăn blŭ klei sĭt nik mơ̆ng ai tiê ñu;

Klei Mmuñ Hđăp 18:26

Hŏng pô doh jăk, Ih bi êdah Ih pô jing doh jăk mơh; ƀiădah hŏng pô wê, Ih bi êdah Ih pô jing kpă doh.

Klei Mmuñ Hđăp 84:11

Kyuadah Yêhôwa Aê Diê jing yang hruê leh anăn khil; Ñu brei klei pap leh anăn klei mpŭ; Ñu amâo hngah sa mta klei jăk ôh kơ phung êbat hŏng klei kpă.

Klei Bi Hriêng 10:29

Êlan Yêhôwa jing kđông mgang kơ phung kpă ênô, ƀiădah jing klei bi rai kơ phung ngă ƀai.

Klei Bi Hriêng 10:9

Hlei pô êbat hlăm klei ênuah ênô êbat hŏng klei hnŭk ênang, ƀiădah hlei pô êbat êlan wê arăng srăng mâo mă.

Klei Bi Hriêng 14:2

Hlei pô êbat hlăm klei kpă huĭ mpŭ kơ Yêhôwa, ƀiădah hlei pô ngă klei wê bi êmut kơ Ñu.

Klei Bi Hriêng 2:7

Ñu pioh klei knhâo kơ mnuih kpă, Ñu jing khil kơ phung êbat hlăm klei djŏ.

Klei Bi Hriêng 28:18

Hlei pô êbat hlăm klei ênuah ênô srăng mâo klei bi mtlaih, ƀiădah pô tui hlue êlan wê srăng lĕ bhiâo riâo rit.

Y-Êsai 50:2

Si ngă tơdah Kâo hriê, amâo mâo mnuih ôh? Tơdah Kâo iêô, amâo mâo mnuih lŏ wĭt lač ôh hĕ? Kngan Kâo jing đŭt đei mơ̆ tơl ñu amâo dưi bi tui? Amâodah Kâo amâo mâo klei myang dưi bi mtlaih mơ̆? Nĕ anei, hŏng klei Kâo ƀuah Kâo bi khuôt êa ksĭ, Kâo brei lu êa krông jing kdrăn tač; kan diñu ƀâo brŭ kyua amâo mâo êa ôh, leh anăn djiê kyua mhao êa.

Y-Êsai 58:1

“Ur kraih bĕ, đăm kơ̆ng ôh; ur kraih msĕ si sa ƀĕ ki. Hưn bĕ kơ phung ƀuôn sang Kâo klei diñu gao klei bhiăn, leh anăn kơ sang Yakôp klei soh diñu.

Y-Yêrêmi 15:16

Kâo ƀuh leh klei Ih blŭ, leh anăn kâo ƀơ̆ng gơ̆ leh, klei Ih blŭ jing klei mơak kơ kâo, leh anăn klei bi hơ̆k ai tiê kâo; kyuadah arăng pia kơ kâo hŏng anăn ih, Ơ Yêhôwa Aê Diê kơ phung kahan.

Y-Yêrêmi 2:4

Hmư̆ bĕ klei Yêhôwa blŭ, Ơ sang Yakôp, leh anăn jih jang găp djuê hlăm sang Israel.

Y-Ôsê 14:9

Hlei pô jing mnuih thâo mĭn, brei ñu thâo săng klei anei, hlei pô jing mnuih thâo ksiêm, brei ñu thâo kral digơ̆; kyuadah êlan Yêhôwa jing kpă, leh anăn phung kpă êbat tinăn, ƀiădah phung gao klei bhiăn srăng lĕ buh tinăn.

Y-Mika 3:9

Hmư̆ bĕ klei anei, Ơ phung khua sang Yakôp leh anăn phung khua gai gĭt sang Israel, phung bi êmut kơ klei djŏ găl leh anăn bi msoh jih klei mtăp mđơr,

Y-Sakari 4:6

Ñu lač kơ kâo, “Anei jing klei Yêhôwa blŭ kơ Y-Sôrôbabel: ‘Amâo djŏ hŏng klei myang ôh, kăn djŏ hŏng klei ktang rei, ƀiădah hŏng Mngăt Myang Kâo,’ Yêhôwa kơ phung kahan lač.

Klei Yap 11:23

Yêhôwa lač kơ Y-Môis, “Kngan Yêhôwa jing đŭt đei mơ̆? Ară anei ih srăng ƀuh thâodah klei Kâo blŭ leh srăng truh sĭt amâodah hơăi.”

Y-Mathiơ 3:8

Brei diih ngă bruă bi êdah năng hŏng klei kmhal kơ klei soh,

Y-Yôhan 8:39

Diñu lŏ wĭt lač kơ Yêsu, “Y-Abraham jing ama hmei.” Yêsu lač kơ diñu, “Tơdah diih jing anak Y-Abraham, diih srăng ngă klei Y-Abraham ngă leh.

Hră Y-Pôl Mơĭt kơ Phung Rôm 7:13

Snăn klei jăk bi truh klei djiê kơ kâo mơ̆? Hơăi, amâo djŏ ôh! Ƀiădah jing klei soh yơh yua klei jăk bi mdjiê kâo, čiăng kơ klei soh dưi bi êdah jing klei soh, leh anăn kyua klei mtă klei soh dưi jing kjham hĭn.

II Kôrantô 6:12

Amâo djŏ hmei ôh kđăl leh ai tiê kơ diih, ƀiădah diih pô kđăl ai tiê kơ hmei.

II Y-Timôthê 3:5

ngă klei mpŭ knŏng ti êngao ƀiădah hngah klei myang mơ̆ng klei kkuh mpŭ anăn. Brei ih đuĕ mơ̆ng phung anăn.