Y-Mika 2:4 - Klei Aê Diê Blŭ 2015

⁴ Hlăm hruê anăn arăng srăng mmuñ klei djik djak kơ diih, arăng srăng čŏk hia hŏng klei ênguôt êdimima leh anăn lač, ‘Drei rai leh jih; ñu bi mlih kdrêč lăn phung ƀuôn sang kâo. Hƀơih! ñu mă gơ̆ mơ̆ng kâo! Ñu bi mbha hma drei kơ phung lhiăr.’ ”

Y-Mika 2:4 Iomraidhean Croise

II Y-Samuel 1:17

Y-Đawit čŏk hia snei kyua Y-Sôl leh anăn kyua Y-Jônathan anak êkei gơ̆,

II Klei Yăl Dliê 35:25

Y-Yêrêmi mkra klei čŏk hia kơ Y-Jôsia; leh anăn jih jang phung êkei mniê mmuñ čŏk hia leh kơ Y-Jôsia truh kơ hruê anei. Diñu brei klei čŏk hia anăn jing klei bhiăn hlăm čar Israel; klei anei arăng čih leh hlăm hdruôm hră Klei Čŏk Hia.

Y-Yôp 27:1

Y-Yôp lŏ blŭ leh anăn lač:

Y-Êsai 14:4

diih srăng lač klei mưč anei kơ mtao Ƀaƀilôn: “Bi kngăr ƀuh pô ktư̆ juă mdei hĕ leh! Klei ñu bi huĭ mdei leh!

Y-Êsai 24:3

Lăn srăng êhŏng kdŏng leh anăn arăng plah mă jih, kyuadah Yêhôwa lač leh klei anăn.

Y-Êsai 6:11

Hlăk anăn kâo lač, “Ơ Khua Yang, dŭm boh sui?” Ñu lŏ wĭt lač, “Tơl lu ƀuôn prŏng rai leh, amâo mâo mnuih dôk ôh, leh anăn amâo mâo sa čô dôk hlăm sang ôh, leh anăn jih lăn čar jing ênguôl,

Y-Yêrêmi 14:18

Tơdah kâo nao kơ hma, nĕ anei, mâo tinăn phung djiê leh hŏng đao gưm! Leh anăn tơdah kâo mŭt hlăm ƀuôn, nĕ anei, mâo tinăn lu klei ruă mơ̆ng klei ư̆ êpa! Kyuadah phung khua pô hưn êlâo wăt phung khua ngă yang hiu rưng hlăm čar diñu amâo thâo ôh.’ ”

Y-Yêrêmi 4:13

Nĕ anei, ñu hriê msĕ si biut knam, êdeh aseh ñu msĕ si angĭn đrŭng; jih jang aseh ñu jing pral hĭn kơ tlang. Knap mñai yơh kơ drei, kyuadah drei rai leh!

Y-Yêrêmi 6:12

Sang diñu srăng bha phung mkăn, hma diñu leh anăn mô̆ diñu msĕ mơh; kyuadah kâo srăng yơr kngan Kâo ngă kơ phung dôk hlăm čar,” Yêhôwa lač.

Y-Yêrêmi 8:10

Kyuanăn Kâo srăng brei mô̆ digơ̆ kơ phung mkăn leh anăn hma digơ̆ kơ phung mkăn mă bha, kyuadah mơ̆ng pô điêt hĭn truh kơ pô prŏng hĭn, grăp čô tluh kơ klei ƀơ̆ng mnga hŏng klei wê. Mơ̆ng khua pô hưn êlâo truh kơ khua ngă yang, grăp čô ngă hŏng klei luar.

Y-Yêrêmi 9:10

“Kâo srăng čŏk leh anăn hia kyua phung čư̆, leh anăn čŏk hia kyua kdrăn rơ̆k hlăm dliê, kyuadah arăng bi rai diñu leh tơl amâo mâo pô găn tinăn ôh, leh anăn asăp êmô bŭ arăng amâo lŏ hmư̆ ôh, wăt čĭm hlăm adiê leh anăn hlô dliê đuĕ leh jih.

Y-Yêrêmi 9:16

Kâo srăng suôt diñu ti krah phung găp djuê mnuih, phung anăn diñu wăt phung aê diñu amâo tuôm thâo kral ôh. Leh anăn Kâo srăng brei arăng bi mdjiê diñu hŏng đao gưm, tơl Kâo bi rai diñu jih.”

Y-Êsêkiêl 16:44

Nĕ anei, hlei pô blŭ bi hriêng srăng blŭ klei bi hriêng anei kơ ih, ‘Tui si amĭ ba, anak êra snăn mơh.’

Y-Êsêkiêl 2:10

Ñu pŏk hră anăn ti anăp kâo; leh anăn hră anăn mâo klei čih ti nah dlông leh anăn ti nah gŭ, leh anăn arăng čih leh tinăn klei blŭ čŏk hia, klei kơŭ kyăm, leh anăn klei knap mñai.

Y-Yôel 1:13

Ơ phung khua ngă yang, hơô klŭng leh anăn čŏk hia bĕ, čŏk hia bĕ, Ơ phung mă bruă ti knưl. Mŭt bĕ, hơô klŭng êjai mlam, Ơ phung mă bruă kơ Aê Diê kâo! Kyuadah amâo lŏ mâo ôh mnơ̆ng myơr kpŭng ƀhĭ leh anăn mnơ̆ng myơr mnăm kơ sang Aê Diê diih.

Y-Yôel 1:8

Čŏk hia bĕ msĕ si sa čô mniê êra hrông hơô klŭng, čŏk hia kyua ung gơ̆ mơ̆ng ênuk hlăk ai.

Y-Amôs 5:1

Hmư̆ bĕ klei blŭ anei, klei kâo čŏk hia kyua diih, Ơ sang Israel:

Y-Amôs 5:17

Hlăm jih jang đang boh kriăk ƀâo srăng mâo klei čŏk hia, kyuadah Kâo srăng găn ti krah diih,” Yêhôwa lač.

Y-Mika 1:15

Kâo srăng lŏ atăt sa čô khua mrâo truh ngă kơ ih, Ơ phung dôk hlăm ƀuôn Marêsa, klei guh kơang phung Israel srăng truh ti ƀuôn Adulam.

Y-Mika 1:8

Kyuanăn kâo srăng ur krao leh anăn čŏk hia; kâo srăng êbat jơ̆ng mang leh anăn asei lưng. Kâo srăng čŏk hia msĕ si asâo tan, leh anăn krao msĕ si čĭm ôtrus.

Y-Mika 2:10

Kgŭ bĕ leh anăn đuĕ nao, kyuadah anei amâo jing anôk diih mdei ôh; kyuadah jing čhŏ mrŏ leh, rai leh knap snăk.

Y-Haƀakuk 2:6

Amâo djŏ hĕ jih jang phung anei srăng djă djik djak kơ ñu hŏng klei mưč kơ ñu, lač, “Knap mñai yơh kơ pô mkăm ya mnơ̆ng amâo jing dŏ ñu pô ôh, leh anăn bi mdrŏng ñu pô hŏng mnơ̆ng arăng ƀuăn kơ ñu kyua ñu mgô̆! Dŭm boh sui ñu dôk ngă snăn?

Y-Sôphôni 1:2

“Kâo srăng bi rai hĕ jih jang mnơ̆ng mơ̆ng rŏng lăn ala,” Yêhôwa lač.

Klei Yap 23:18

Y-Balaam hưn klei bi êdah ñu mâo leh, lač, “Kgŭ bĕ, Ơ Y-Balak, leh anăn hmư̆ bĕ! Mđing knga bĕ kơ kâo, Ơ anak êkei Y-Sipôr:

Klei Yap 23:7

Y-Balaam hưn klei bi êdah ñu mâo leh, lač, “Mơ̆ng ala čar Aram Y-Balak brei kâo hriê, mtao ala čar Môap brei kâo hriê mơ̆ng čư̆ ngŏ. ‘Hriê tăm pah bĕ kơ phung Yakôp; hriê bĕ, blŭ jhat kơ phung Israel!’

Klei Yap 24:15

Ñu hưn klei bi êdah ñu mâo leh, lač, “Klei Y-Balaam anak êkei Y-Bêor blŭ, klei blŭ mơ̆ng mnuih mâo ală pŏk leh,

Klei Yap 24:3

Ñu hưn klei bi êdah ñu mâo leh, lač, “Klei Y-Balaam anak êkei Y-Bêor blŭ, klei mnuih mâo ală pŏk blŭ,

Y-Markôs 12:12

Phung khua Yuđa duah êlan mă Yêsu, kyuadah diñu thâo leh Yêsu blŭ bi hriêng djŏ kơ diñu, ƀiădah diñu huĭ kơ phung lu, snăn diñu lui Yêsu leh anăn đuĕ nao.

Klei Mtô Mñă Klei Bhiăn 28:29

Leh anăn diih srăng duah êwư êjai yang hruê dơ̆ng msĕ si mnuih bum ală duah êwư hlăm klei mmăt, leh anăn diih amâo srăng čăt đĭ ôh hlăm êlan diih; leh anăn arăng srăng ktư̆ juă diih, tlĕ dŏ dô diih nanao, leh anăn amâo mâo sa čô srăng đru diih ôh.